တပ်မတော်နေ့ အထူးဆောင်းပါး(ဗမာ့တပ်မတော်အပေါ် ဗြိတိသျှ ဗိုလ်ချုပ် တစ်ဦး၏အမြင်)

၂၀၁၄ ခုနှစ် မတ် ၂၇ ရက်တွင် တပ်မတော်နေ့ (တော်လှန် ရေးနေ့)ကို တစ်ဖန်ကြုံရပြန်ဦးမည်။ ယခု နှစ် မတ် ၂၇ ရက်ဆိုလျှင် ဖက်ဆစ်ဂျပန်ကို တော်လှန်ခဲ့သည်မှာ နှစ်ပေါင်း ၆၉ နှစ်ရှိပြီ။ ၁၉၄၅ ခုနှစ် မတ် ၂၇ ရက်က ဖက်ဆစ်ဂျ ပန်တို့ကို တစ်ပြိုင်တည်း တော်လှန်တိုက် ခိုက်ခဲ့သည်ကို အထိမ်းအမှတ်ပြုသောအား ဖြင့် နှစ်စဉ် မတ် ၂၇ ရက်ကို တပ်မတော် နေ့ဟု သတ်မှတ်ခဲ့ကြသည်။ တပ်မတော် နေ့ နီးပြီဆိုလျှင် တပ်မတော်အကြောင်းကို ပြန်လည်စဉ်းစားသုံးသပ်မိကြသည်။

တပ်မ တော်စတင်ပေါ်ပေါက်လာပုံ၊ အတွေ့အကြုံ အမျိုးမျိုးတွင် အသွင်ပြောင်းလာပုံ၊ တပ်မ တော်၏ဖြစ်စဉ်၊ တပ်မတော်၏ သမိုင်းကို ပြန်ပြောင်းစဉ်းစားမိသည်။ တပ်မတော်သည် ဘီအိုင်အေ၊ ဘီဒီအေ၊ ဘီအင်န်အေ၊ ပီဘီ အက်ဖ်အမည်များဖြင့် တစ်ဆင့်ပြီး တစ်ဆင့် ပြောင်းလဲလာခဲ့သည်။ ပြောင်းသည်ဆိုရာ တွင် အမည်သာမက အသွင်နှင့် တာဝန်ပါ ပြောင်းခဲ့ခြင်းဖြစ်သည်။

မျိုးချစ်ဗမာ့တပ်မတော် (P.B.F) သည် ဖက်ဆစ်ဂျပန် တို့ကို တော်လှန်ပြီး နောက် စစ်ပြီးခေတ်တွင် ကန္ဒီ စာချုပ်ဖြင့် အသစ်ဖွဲ့စည်းမည့် ဗမာ့တပ်မတော်အသွင် သို့ ကူးပြောင်းလာသည်။

ကန္ဒီစာချုပ်အရ တော်လှန်ရေးတပ်မတော်မှ တပ်ဖွဲ့များသည် အသစ်ဖွဲ့စည်းလာသော ဗမာ့တပ်မတော် တွင် တော်လှန်ရေးခေါင်းဆောင်တို့ မျှော် မှန်းအရေးဆိုခဲ့သည့်အတိုင်း ဂုဏ်မငယ်ဘဲ အစုလိုက်ပါ ဝင်ခွင့် ရခဲ့သည်။ သို့ဖြစ်၍ ကန္ဒီ စာချုပ်မှာ စစ်ပြီးခေတ်တပ်မတော် သမိုင်း တွင် မှတ်တိုင်ကြီးဖြစ်ခဲ့သည်။ ဗြိတိသျှ အစိုး ရနှင့် ဗိုလ်ချုပ်အောင်ဆန်းဦးဆောင်သော တပ်မတော်ခေါင်းဆောင်တို့ သဘောတူကာ ကန္ဒီစာချုပ် ချုပ်ဆိုပြီးနောက် တပ်မတော် သစ်တွင် မေဂျာဂျင်နရယ် တယ်လ်စီသော မတ်စ်သည် ဗိုလ်ချုပ်ဖြစ်လာသည်။

တပ် ရင်းများကို ဗြိတိသျှအရာရှိတို့ကပင် ဦးစီးခဲ့ သည်။ တပ်ခွဲမှစ၍ အောက်ပိုင်းတွင်လည်း ဗြိတိသျှ အရာရှိများ ရှိခဲ့သည်။ ကန္ဒီစာချုပ် အရ ယင်းတို့၏နေရာတွင် အရည်အချင်းရှိ လာသော တိုင်းရင်းသား များကို အစားထိုး ရန်ဖြစ်သည်။

ထို့နောက် အောင်ဆန်းအက်တ လီစာချုပ် သဘောတူညီချက် (၁၉၄၇ ခုနှစ် ဇန်နဝါရီလ)ကို ရရှိခဲ့၍ ဘုရင်ခံ အတိုင်ပင် ခံအဖွဲ့၊ ကာကွယ်ရေးဌာနအတွက် မြန်မာ အတိုင်ပင်ခံ လူကြီးတစ်ဦးရရှိခဲ့သည်။ ဤ အချက်မှာ တပ်မတော်အတွက် ထူးခြားသော ပြောင်းလဲချက်တစ်ရပ် ဖြစ်သည်။ တစ်နှစ် အတွင်း လုံးဝ လွတ် လပ်ရေးဖြစ်သည့် ဗိုလ် ချုပ်အောင်ဆန်း၏ ဆောင်ရွက်မှုကြောင့် လွတ်လပ်ရေးရရန် သေချာနေပြီဖြစ်ရာ လွတ် လပ်ရေးရပြီးနောက် မြန်မာနိုင်ငံ၏ ကာ ကွယ်ရေးအတွက် မည်သို့ ဆက်ဆံဆောင် ရွက်မည်ကို ဗြိတိသျှအစိုးရနှင့် မြန်မာအစိုး ရတို့ ဆွေးနွေးကြပြီးလျှင် ဗြိတိသျှအစိုးရ ကိုယ်စားလှယ် မစ်ရှင်နှင့် ဗိုလ်လက်ျာတို့ သဘောတူချုပ်ဆိုခဲ့သော စာချုပ်(၁၉၄၇ ခုနှစ်၊ လက်ျာ-ဖရီးမင်းစာချုပ်)ပေါ်ပေါက် လာသည်။

သည့်နောက်ပိုင်း ထိုနှစ်နိုဝင်ဘာ ၁ ရက်မှစ၍ တပ်မတော်တာဝန်များကို တိုင်း ရင်းသားအရာရှိများအား ဗြိတိသျှအရာရှိ တို့က တဖြည်းဖြည်း စတင်လွှဲပြောင်းပေး လာခဲ့ပြီးလျှင် ၁၉၄၈ ခုနှစ် ဇန်နဝါရီ ၄ ရက် နောက်ပိုင်း၌ ဗြိတိသျှအရာရှိတို့မှာ အကြံပေး အရာရှိများအဖြစ်သာ ဆက်လက်ဆောင် ရွက်ကြတော့သည်။ ဤသည်လည်း တပ်မ တော်သမိုင်းအတွက် ထင်ရှားသော ပြောင်း လဲမှုကြီးတစ်ရပ် ဖြစ်ခဲ့သည်။

လွတ်လပ်ရေး ကြေညာသည့်နေ့တွင် တာဝန်ကုန်ဆုံးပြီဖြစ်၍ တပ်မတော်၏ ဖခင်အဖြစ် ဆောင်ရွက် လာသော မေဂျာ ဂျင်နရယ်တယ်လ်စီသောမတ်စ်သည် တပ် မတော်အရာရှိများအား ခွဲခွာခါနီး နှုတ်ဆက် ပွဲလုပ်ခဲ့သည်။ လွတ်လပ်ရေးရပြီးနောက် တပ်မတော်ကို တိုင်းရင်းသား ဗိုလ်ချုပ်တစ် ဦးက ဦးစီးအုပ်ချုပ် ရမည်ဖြစ်သည်။ တပ်မတော်ကို ကူညီအကြံပေးရန်အတွက် ဗြိတိသျှ စစ်မစ်ရှင်တစ်ဖွဲ့ရောက်ရှိ လာမည်ဖြစ် သည်။ ဤတွင် မေဂျာဂျင်နရယ် တယ်လ်စီ သောမတ်စ်သည် တာဝန်ကုန်ဆုံးပြီဖြစ်၍ ဘိလပ်သို့ ပြန်ရ မည်ဖြစ် သည်။

''စစ်သားကောင်းတစ်ယောက် သည် ဆုံးခန်းတိုင်အောင် အလုပ်လုပ်၏။ သို့ရာတွင် မြန်မာ့တပ်မတော်၏ တပ်ဖွဲ့တိုင်း သို့ သွားရောက်နှုတ်ဆက်ရန် ကျွန်ုပ်၌အချိန် မရခဲ့ပေ။ တပ်ဖွဲ့အားလုံးသို့ သွားရောက်မ လည်ပတ်နိုင်သဖြင့် မည်သည့်တပ်သို့မှ မ သွားရန် ကျွန်ုပ်ဆုံးဖြတ်ခဲ့သည်။ သို့ရာတွင် အရာရှိများကို အများဆုံးရနိုင်သမျှ စုဝေး စေ၍ နှုတ်ဆက်စကားပြောရလျှင် အသင့် တော်ဆုံးဖြစ်လိမ့်မည်ဟု ဆုံးဖြတ်ခဲ့ခြင်း ဖြစ် ပေသည်''ဟု အစချီ၍ မေဂျာဂျင်နရယ်သော မတ်စ်သည် သူ့အတွက် နှုတ်ဆက်ပွဲတွင် တပ်မတော်သို့ မှာကြားသည့် နှုတ်ဆက်မိန့် ခွန်းကို အစပျိုးခဲ့သည်။

မေဂျာဂျင်နရယ် သောမတ်စ်က ဆက်လက်ြ>ွမက်ကြားသည်မှာ ''တပ်မတော်သစ် ဖွဲ့စည်း တည်ထောင် ရာတွင် သင်တို့၏ သစ္စာရှိစွာ ကူညီခဲ့ခြင်းနှင့် ပူးပေါင်းဝိုင်းဝန်း ဆောင်ရွက်ခြင်းတို့အတွက် ကျွန်ုပ်ကိုယ်တိုင် ကျေးဇူးတင်စကား ပြောကြားလိုသောကြောင့် ဤနေရာသို့ ယနေ့ ကျွန်ုပ်ရောက်လာခြင်းဖြစ် ပေသည်။ မြန်မာနိုင်ငံ၏ တိုင်းရင်းသားလူမျိုး စုများပါဝင်သော မြန်မာ့တပ်မတော် တစ်ခု ကို ဖွဲ့စည်းရန်ဟူသော တာဝန်နှင့် ကျွန်ုပ်အား မြန်မာ့တပ်မတော်၏ စစ်မင်းကြီးအဖြစ် ၁၉၄၅ ခုနှစ် သြဂုတ်လအတွင်းက ခန့်အပ်ခဲ့သည်။ ကွယ်လွန်သွားရှာခဲ့သော ဗိုလ်ချုပ်၏ဆန္ဒအ ရ ယခုနှစ်(၁၉၄၇ခုနှစ်) မေလတွင် ကျွန်ုပ် အား တပ်မတော်၏ဗိုလ်ချုပ်အဖြစ် ခန့်အပ် ခဲ့၏။ တပ်မင်းစမစ်ဒွန်းကို ကျွန်ုပ်၏ ဒုတိယ ဗိုလ်ချုပ်အဖြစ် ခန့်အပ်ခဲ့ပေသည်။

ကျွန်ုပ်တို့၏ တာဝန်များမှာ 

(၁) မြန်မာတစ်နိုင်ငံလုံး၏ ပြည်တွင်းလုံခြုံရေး ကို တာဝန်လွှဲယူရန်။ 

(၂) မြန်မာနိုင်ငံအ တွင်းရှိ တပ်(Army in Burma ) မှ မြန်မာ့ တပ်မတော်ကို ခွဲထုတ်ယူရန်၊ ထိုတပ်မတော် သစ်သည် အခြားတပ်တို့ကို အားမကိုးရသည့် အခြေသို့ရောက်အောင် ပြုလုပ်ရန်၊ အုပ်ချုပ် စီမံရေးနှင့် စပ်လျဉ်းသည့် ဝန်ထမ်းကိစ္စ အ ဝဝတို့တွင် မိမိဘာသာ တည်တံ့လာနိုင်ရန်။ 

(၃) အမြင့်ဆုံးရာထူးမှသည် အနိမ့်ဆုံးရာထူး အထိ တပ်တစ်တပ်လုံးကို တိုင်းရင်းသားတပ် ဖြစ်အောင် ပြုလုပ်ရန်။ 

(၄) အာဏာလွှဲပြောင်း သည့်အချိန်တွင် ကျွန်ုပ်၏ ဒုတိယဗိုလ်ချုပ် အား တပ်မတော်အုပ်ချုပ်မှုတာဝန်များကို လွှဲပြောင်းပေးသည်အထိ တပ်မတော်ကို ကွပ်ကဲအုပ်ချုပ်ရန်တို့ ဖြစ်ပေသည်။

ထို့နောက် မေဂျာဂျင်နရယ်သော မတ်စ်သည် မိမိဆောင်ရွက်ခဲ့ရသော တာဝန် တို့တွင် ရင်ဆိုင်ခဲ့ရသည့် အခက်အခဲများ အကြောင်းကို မပြောလိုတော့ကြောင်း၊ မိမိ၏ တာဝန်များမှာ ဇန်နဝါရီ ၄ ရက်တွင် ကုန် ဆုံးတော့မည်ဖြစ်ကြောင်း၊ သူတာဝန်ထမ်း ဆောင်စဉ် ဘားမားကွန်မန်း(ကြမာေ ဃသာ-ာညေိ)၊ ထိုကွန်မန်းဌာနချုပ်နှင့် ထိုကွန်မန်း ၏ ဗိုလ်ချုပ်ကြီးဘရစ်ဂ်တို့ထံမှ ရရှိသော အ ကူအညီတို့အတွက် မြန်မာ့ တပ်မတော်ကိုယ် စား မိမိက ကျေးဇူးတင်ရှိကြောင်း၊ မှတ်တမ်း တင်လိုကြောင်း စသည်ဖြင့် ပြောဆိုပြီးလျှင် ဆက်လက်ပြောဆိုသည်မှာ...

''ဤမျှတိုတောင်းလှသော အချိန်ကာလအတွင်း ဤမျှကြီးလေးသော တာဝန်များကိုဆောင်ရွက်ရန် တာဝန်ပေးခြင်းခံရသည့် မြန်မာ့တပ်မတော်ကဲ့သို့သော တပ်မျိုးမှာ နည်းပါးလှပေသည်။ ကျရောက် လာသော မြားမြောင်လှသည့်တာဝန်များကို နိုင်နင်းပိုင်နိုင်စွာ ဆောင်ရွက်နိုင်ကြသည့်အတွက် တပ်ဖွဲ့တိုင်း၊ တပ်ဗိုလ်တိုင်းနှင့် တပ်သားတိုင်း အား ချီးကျူးထောမနာ ပြုလိုပါသည်''။

''ကျွန်ုပ်ပြန်သွားပြီးနောက် ကျွန်ုပ် တို့မျှော်မှန်းသည့် အဆင့်အတန်းသို့ရောက် အောင် ဆောင်ရွက်ရန် လုပ်ငန်းအများပင် ကျန်ရှိနေသေးကြောင်းကို ကျွန်ုပ် သတိချပ် မိပါသည်။ ကျွန်ုပ်ဆိုလိုသည်မှာ စွမ်းစွမ်း တမံဆောင်ရွက်နိုင်သည့် အရည်အချင်း ကောင်းတို့၊ အဆင့်အတန်းများ တိုးတက် ရရှိရေးနှင့် တပ်မတော်သားတို့၏ သက်သာ ချောင်ချိမှု အဆင့်အတန်းများ တိုးတက် ရေးလုပ်ငန်းများပင် ဖြစ်သည်''။

မေဂျာဂျင်နရယ်သောမတ်စ်၏ မိန့်ခွန်းတွင် ဗိုလ်ချုပ်အောင်ဆန်းနှင့်စပ်လျဉ်း ၍ သူ၏ကိုယ်ပိုင်ထင်မြင်ချက် ကို ဖွင့်ဟပြော ဆိုခဲ့သည်။

''ကွယ်လွန်သွားရှာပြီဖြစ်သော ဗိုလ်ချုပ် ဂျင်နရယ်ဦးအောင်ဆန်း အ ကြောင်းကို မဖော်ပြဘဲနှင့် ကျွန်ုပ်၏ ဤနှုတ် ဆက်မိန့်ခွန်းစကားကို ပြောနိုင်မည် မဟုတ် ပေ''။

''လွန်ခဲ့သောဇူလိုင်လ နိုင်ငံတော် လုပ်ကြံမှုကြီးတွင် မည်ကဲ့သို့သော မိတ်ဆွေ ကောင်းကြီးတစ်ဦးကို မြန်မာ့ တပ်မတော် က ဆုံးရှုံးခဲ့ရသည်ကို ကျွန်ုပ်ထံမှ သင်တို့ သိသင့်လှပေသည်။ ကာကွယ်ရေးဝန်ကြီး ဖြစ်စဉ်က ဗိုလ်ချုပ်သည် ကျွန်ုပ်အား များ စွာအကူအညီပေးခဲ့၏။ တော်လှန်ရေး အ တွင်းက မိမိ၏လက်အောက်တွင် အမှုထမ်း ခဲ့ကြသော ရဲဘော်တို့အား ဗိုလ်ချုပ်သည် အလွန်ချစ်ခင်သည်။ သို့ရာတွင် သူ၏စိတ် ဝင်စားမှုတို့မှ ထိုတော်လှန်ရေးရဲဘော်တို့ တွင်သာ ရပ်ဆိုင်းခြင်းမရှိမူ၍ တပ်မတော် တစ်ခုလုံးပေါ်တွင် ပျံ့နှံ့ခဲ့ပေသည်။ တပ်ဖွဲ့ အားလုံး၏အကြောင်းကို တတ်နိုင်သမျှ အ များဆုံးသိလိုသော စိတ်ဆန္ဒမှာလည်း ပြင်း ထန်လှပေ သည်။ ကရင်၊ ချင်းနှင့် ဂျင်းဖော (ကချင်)တပ်ဖွဲ့တို့၏အကြောင်းကို အထူး သဖြင့် စိတ်ဝင်စားစွာ သိလိုလှပေသည်။

''ဝန်ကြီးဘဝနှင့် သူ၏အပျော်ရွှင် ဆုံးစိတ်ချမ်းသာဆုံးဖြစ်သော အတွေ့အကြုံ မှာ ယမန်နှစ်က ကျွန်ုပ်နှင့် အတူ မြန်မာ့ တပ်မတော် တပ်ဖွဲ့အားလုံးကို လှည့်လည် ကြည့်ရှုသည့် ခရီးထွက်ခြင်းပင် ဖြစ်သည်။ တပ်များကို လှည့်လည် စစ်ဆေးကြည့်ရှုရုံ သာမက၊ နိုင်ငံရေးနှင့် အုပ်ချုပ်ရေးတာဝန် တို့ကိုပါ ထမ်းဆောင်ရသဖြင့် ထိုနယ်လှည့် မှုမှာ သူ့အတွက် အလွန်ပင်ပန်းလှသည့် ဆောင်ရွက်မှုတစ်ရပ် ဖြစ်သည်။ တစ်မတ် ပေး၍ သုံးမတ် ပြန်တောင်းသည်နှင့် တူ လှသော တရားဟောပြောမှုများကို အ မြောက်အမြား ပြုလုပ်ခဲ့ရသဖြင့် ဖော်ရွေ စွာနှင့် ဧည့်ဝတ်ကျေလှသော ဧည့်ခံပွဲများ ပင်လျှင် ပင်ပန်းမှုကို ဖြစ်လာစေခဲ့ပါသည်။ သို့ရာတွင် တပ်တွင်းအရာရှိရိပ်သာသို့ ရောက် သောအခါ၌သော် ခြေလက် ဆန့်နိုင်ပြီဟူ သော စိတ်မျိုးပေါ်ပေါက်ခဲ့ပေသည်။

''ကရင်၊ ချင်း၊ ဂျင်းဖောတို့၏ ဖော်ရွေမှု၊ ဧည့်ဝတ်ကျေမှု၊ ထိုမျှမကသေး ဆိုင်ရာတာဝန်ဝတ္တရားတို့ကို လက်တွေ့ ဆောင်ရွက်လာကြပုံတို့ကို ကြည့်ခြင်းအား ဖြင့် ¤င်းတို့သည်လည်း ထိုနယ်လှည့်ရာတွင် ဗိုလ်ချုပ်၏နှလုံးသားကို ဆွဲချူနိုင်ခဲ့ကြသည် ကို ယုံမှားကွယ်ရာမရှိပေ။ နယ်လှည့်ခြင်း ကိစ္စ ပြီးဆုံးပြီးနောက် မိမိမည်မျှနှစ်သက် ပျော်ရွှင်ခဲ့ပုံကို ဗိုလ်ချုပ်က ပြောပြသည်။ ဗိုလ်ချုပ်သည် သူ၏ထူးခြားသော ပြုံးပုံမျိုး ပြုံးလျက် ''တပ်နဲ့သာနေရရင် ကျွန်တော် သိပ်လွတ်လပ်တာပဲဗျာ''ဟု ဆက်လက်ပြော ဆိုခဲ့သည်။

''တပ်မတော်သည် ဗိုလ်ချုပ်ကို မည်သည့်အခါမှ မမေ့အပ်ပေ။ ဗိုလ်ချုပ် ကွယ်လွန်သွားပြီဖြစ်သော်လည်း သူ၏ ဝိညာဉ်သည် သူ၏နောက်လိုက် ရဲဘော် အားလုံးအား အားပေးလှုံ့ဆော်မှုကို ပြုလုပ် ပေးရန် ဆက်လက်တည်မြဲနေပေလိမ့်မည်''။

ထို့နောက် ''အရေးကြီး၍ အကျပ် အတည်း ကြုံနေရသည့်ကာလတွင် သတ္တိ ကောင်းသူတစ်ဦး အမြဲတမ်း ပေါ်ပေါက် လာ၍ ဟာနေသော နေရာလပ်တွင် ဝင် ရောက်နေရာယူစမြဲ ဖြစ်သည်။ ကာကွယ် ရေးဝန်ကြီးအဖြစ် ဗိုလ်ချုပ်၏ လုပ်ငန်းတာ ဝန်များကို ဆက်လက်ဆောင်ရွက်ရန် ကာ နယ်ဗိုလ်လက်ျာသည် ရှေ့သို့ မားမားမတ် မတ် ထွက်လာသောအခါတွင် ကျွန်ုပ် မည် မျှဂုဏ်ယူသည်ကိုပြောရလျှင် ကျွန်ုပ်သည် တပ်၏ကိုယ်စား ပြောနေခြင်း အမှန်ဖြစ် သည်''ဟု ဆက်လက်၍ ဗိုလ်လက်ျာကို ချီး ကျူးစကားပြောခဲ့၏။ 

ထို့နောက် တပ်မတော် ဗိုလ်ချုပ်အဖြစ် ¤င်းကိုဆက်ခံမည့် ဗိုလ်ချုပ် စမစ်ဒွန်း အကြောင်းကိုလည်း အမွှမ်းတင် စကား ပြောလေ၏။ သည့်နောက် ဗြိတိသျှ စစ်မစ်ရှင် အကြောင်းကို ဆက်လက်ပြောဆိုသည်။ 

''တပ်မတော်၏ ဖွဲ့စည်းပုံ၊ လေ့ကျင့်ပုံ၊ အုပ် ချုပ်ပုံ၏ ကျယ်ဝန်းလှသော အချက်အလက် များနှင့်စပ်လျဉ်း၍ နိုင်ငံတော်အစိုးရအား အကြံÓဏ်ပေးရန်နှင့် ကာကွယ်ရေးလုပ် ငန်းတို့တွင် အကူအညီပေးရန် ဂျင်နရယ် ဘွန်းအမှူးရှိသော ဗြိတိသျှစစ်မစ်ရှင် အ ဖွဲ့တစ်ဖွဲ့ ရောက်ရှိခဲ့လေပြီ။ ဂျင်နရယ်ဘွန်း သည် လက်ရှိပြဿနာ များနှင့် နောင်စီစဉ် မှုများအတွက် လိုအပ်သော အကူအညီအား လုံးကို ပေးလိမ့်မည်ဖြစ်ပေသည်။

''စစ်မစ်ရှင်အဖွဲ့နှင့် စပ်လျဉ်း၍ ပြောလိုသည်မှာ အဖွဲ့ဝင်တို့သည် အကြံပေး ရန်နှင့် ကူညီရန်အတွက် သာဖြစ်၏။ အမိန့် ပေးအုပ်ချုပ်ခြင်း၊ အချုပ်အခြာလုပ်ငန်းများတွင် အာဏာယူ၍ ဆောင်ရွက်ရခြင်းတို့နှင့် သက်ဆိုင်သည့်ရာထူးများ ယူကြလိမ့်မည် မဟုတ်ပေ။ သတင်းစာအချို့က စိုးရိမ်ဟန် ရှိကြသကဲ့သို့ တပ်မတော်ကို မည်သည့်နည်း နှင့်မျှ လွှမ်းမိုးသွားနိုင်မည် မဟုတ်ပေ။ ဂျင်နရယ်ဘွန်းကဲ့သို့ အရည်အချင်း ရှိ၍ အတွေ့ အကြုံများသော အကြံပေးအရာရှိတစ်ဦး ရရှိခြင်းမှာ အစိုးရအတွက် များစွာကောင်း လှပေသည်။ ဂျင်နရယ်ဘွန်း၏ အဖွဲ့များ သည် လက်ရွေးစင်ဖြစ်၍ အဖွဲ့ဝင်တို့သည် ကာကွယ်ရေး လုပ်ငန်းကြီးသုံးရပ်အတွက် အလွန်အဖိုးတန် အသုံးဝင်သူများအဖြစ် အလုပ်လုပ် ပြပေလိမ့်မည်။

''စိတ်ချရ၍ လုပ်ရည်ကိုင်ရည် ရှိသောသူတို့၏ လက်တွင်းတွင် တပ်မတော် ကြီးကို ထားခဲ့ရသည်ဟု ကျွန်ုပ်ယုံကြည်နိုင် ပါကြောင်း''နိဂုံးချုပ်ကာ မိန့်ကြားသွားသည်။

၆၉ နှစ်ပြည့် တပ်မတော်နေ့ (တော်လှန်ရေးနေ့)ကို ဂုဏ်ပြုကြိုဆိုသော အားဖြင့် ဤဆောင်းပါးကို အများပြည်သူ တို့အား ရေးသားတင်ပြလိုက်ပါ သည်။'

မှတ်ချက် ။ ။ (၁၉၅၇ ခုနှစ် မတ်လ ၁၂ နှစ် ပြည့် တော်လှန်ရေးနေ့ အထူးထုတ် မြဝတီ မဂ္ဂဇင်းမှ ဗိုလ်မှူးÓဏ၏ဆောင်းပါး ''ဤ ကွင်းဆက်''ကို မှီးပါသည်။ ။)

Yangon Media Group