Wednesday 25 November 2015

ရန်ကုန်-ပုဂံ ရထားပေါ်တွင် ရထားစားပွဲထိုးက နိုင်ငံခြားသူကို အဓမ္မပြုကျင့်ရန် ကြိုးပမ်းမှုဖြစ်

ပုဂံသို့ အလည်လာသည့် ဟောင်ကောင်သူတစ်ဦးကို ရန်ကုန်-ပုဂံရထားပေါ်တွင် ရထားစားသောက်ဆိုင် စားပွဲထိုးတစ်ဦးက အဓမ္မပြုကျင့်ရန် ကြိုးပမ်းမှုဖြစ်ပွားခဲ့ကြောင်း သတင်းရရှိသည်။
နိုဝင်ဘာ ၂၃ ရက် နံနက် ရထားဖြင့် ရန်ကုန်မြို့မှ ပုဂံသို့ ထွက်ခွာလာသည့် နိုင်ငံခြားသူကို ရထားပေါ်ရှိ စားသောက်ဆိုင်စားပွဲထိုးတစ်ဦးက ညောင်ဦးမြို့နယ် တောင်ဇင်းဘူတာအနီးတွင် အဓမ္မပြုကျင့်ရန် ကြိုးပမ်း ခဲ့ခြင်းဖြစ်သည်။

‘‘ညောင်ဦးနားရောက်ပြီဆိုရင် ရထားပေါ်က လူပြတ်တယ်လေ။ စားသောက်ဆိုင်က စားပွဲထိုးက ဗီဒီယိုဖိုင် ပြပြီး အခန်းခေါ်ပြီး အဓမ္မပြုကျင့်ဖို့ ကြိုးပမ်းတယ်လို့ သိရတယ်။ ကောင်မလေးကလည်း အလိုက်သင့် နေပြီးတော့ ပုဂံဘူတာရောက်မှ ရဲခေါ်ပြီးတိုင်တာလို့ သိရတယ်’’ဟု ညောင်ဦးမြို့နယ်ရဲတပ်ဖွဲ့မှ တာဝန် ရှိသူ တစ်ဦးကပြောသည်။

နိုင်ငံခြားသူကို အဓမ္မပြုကျင့်ခြင်း ရှိ၊ မရှိ စစ်ဆေးနေပြီး ရထားစားသောက်ဆိုင်စားပွဲထိုးကို ပုဒ်မ ၃၇၇/၅၁၁ တို့ဖြင့် တောင်ဇင်းတိုက်နယ် ရဲတပ်ဖွဲ့တွင် အမှုဖွင့်ထား ကြောင်း သတင်းရရှိသည်။

‘‘ပုဒ်မ ၃၇၇ က ဓမ္မတာအတိုင်း ဆန့်ကျင်ပြီးတော့ လိင်ဆက်ဆံတာကိုပြောတာ။ ပုဒ်မ ၅၁၁ က လိင် ဆက်ဆံဖို့ အားပေးကူညီတာကို ပြောတာ။ ပုဒ်မ ၃၇၇ က ထောင်ဒဏ်တစ်သက်တစ်ကျွန်း (သို့မဟုတ်) ဆယ်နှစ်ထိ ချလို့ရတယ်။ဒါပေမဲ့ ပုဒ်မ ၅၁၁ ကပ်လိုက်တော့ အဲဒီအမိန့် ချတာထက် တစ်ဝက်ပဲ ချလို့ရတော့မယ်။ ဥပမာ ဆယ်နှစ်ဆိုငါးနှစ်ပဲ ချရမှာပေါ့’’ဟု ရှေ့နေ ဦးခင်ဇော်(မရမ်းကုန်း)က ပြောသည်။

7Day Daily 

No comments:

Post a Comment