ဘူးသီးတောင်မြို့ ဗုံးပေါက်ကွဲ မှုဖြစ်စဉ်နှင့်ပတ်သက်၍ ပြစ်မှုကျူး လွန်သူ အာမောက်ဒူလာ၊ နုရ်ရာ လောင်(ခ)အောင်နိုင် နှင့် ရာမာလီ သုံးဦးတို့ကို ဖမ်းဆီးကာ နိုဝင်ဘာ ၁၄ ရက်က လက်နက်ဥပဒေပုဒ်မ-၁၉(စ) အရ ဘူးသီးတောင်မြို့နယ် တရားရုံး တွင် တရားစွဲဆိုခဲ့ပြီး မြို့နယ်တရားရုံး က ပြစ်မှုကြီးအမှု အမှတ်-၂၆၇/ ၂၀၁၄ အရ လက်ခံစစ်ဆေးခဲ့ကြောင်း သိရသည်။
ဗုံးဖောက်ခွဲသူများမှာ ဘင်္ဂလား ဒေ့ရ်ှနိုင်ငံသုံး GRAMMEN ဖုန်း ဆင်းမ်ကတ်အသုံးပြု၍ ဖောက်ခွဲခဲ့ ခြင်းဖြစ် သည့် အတွက် တရားမဝင် ဆက်သွယ်ရေးဆင်းမ်ကတ် အသုံးပြု မှုဖြင့် ပို့ကုန်သွင်းကုန်ဥပဒေပုဒ်မ ၈/၁၀ အရ နိုဝင်ဘာ ၁၉ ရက်က ဆက်လက်တရားစွဲဆိုခဲ့ရာ မြို့နယ်တရားရုံးမှ ပြစ်မှုကြီးအမှုအမှတ်- ၂၉၉/၂၀၁၄ အရ လက်ခံစစ်ဆေးနေ ကြောင်း ခရိုင်ဥပဒေအရာရှိ ဦးမြင့် သန်းက ပြောကြားသည်။
ပေါက်ကွဲစေတတ်သော အရာ ဝတ္ထုများအက်ဥပဒေဖြင့် ဆက်လက် တရားစွဲဆိုရန် အစိုးရအဖွဲ့၏ခွင့်ပြု ချက်ကို တောင်းခံထားပြီး ခွင့်ပြုချက် ရရှိပါက ပေါက်ကွဲဥပဒေပုဒ်မ ၃/၅ ဖြင့်လည်း ဆက်လက်တရားစွဲဆို သွားမည်ဖြစ်သည်။
NT
Democracytoday
No comments:
Post a Comment