စက်ရုံပေါက်ကွဲမှုကြောင့် ဒဏ်ရာရရှိသော မြန်မာလုပ်သားတစ်ဦး ဘန်ကောက်ဘုရင့်ဆေးရုံ တွင် ဆေး ကုသမှု ခံနေစဉ်
စက်ရုံပေါက်ကွဲမှုကြောင့် ဒဏ်ရာရရှိသော မြန်မာလုပ်သားတစ်ဦး ဘန်ကောက် ဘုရင့်ဆေးရုံ တွင် ဆေးကု သမှု ခံနေစဉ် (ဓာတ်ပုံ-ရွှေ့ပြောင်းအလုပ်သမား အခွင့်အရေး ကွန်ရက်(MWRN)) ထိုင်းနိုင်ငံ စမွန်ပါကန် မြို့နယ်ရှိ ဆေးဆိုး ပန်းရိုက်စက်ရုံ ပေါက်ကွဲမှုတွင် သေဆုံးသူမြန်မာ အမျိုးသမီးအတွက် ထိုင်း အစိုးရ နှင့် အလုပ်ရှင်က ဘတ်ငွေတစ် သိန်းခွဲကျော် (ကျပ် ၄၅ သိန်းဝန်း ကျင်)လျော်ကြေးပေးခဲ့ပြီး ဒဏ် ရာရသော အလုပ်သမားများကို လည်း လျော်ကြေးပေး ရန် မြန်မာ သံအရာရှိရှေ့တွင် ဒေသဆိုင်ရာ ထိုင်းအစိုးရ တာဝန်ရှိသူများက ကတိပေးခဲ့ကြောင်း ထိုင်းနိုင်ငံရှိ ရွှေ့ပြောင်း အလုပ်သမား အခွင့် အရေးကွန်ရက် (MWRN)မှ သတင်းရရှိသည်။
‘‘အလုပ်ရှင်သူဌေးက အလုပ်သမားတိုင်းကို နစ်နာကြေးများပေးမယ်လို့ ကတိပေးပြီး ပထမဦးဆုံးအနေ နဲ့ သေ ဆုံး သွား သူ အမျိုးသမီးအတွက် ဘတ်ငွေ တစ်သိန်းခွဲကျော်ပေးတာပါ။ ကျန်လုပ်သားတွေကိုလည်း အသေးစိတ်စိစစ်ပြီး ဆက်ပြီးပေးသွားမယ်လို့ ကတိပြုသွားပါတယ်။ မြန်မာအလုပ်သမား သံအရာရှိရှေ့မှာ ကတိပေးတာပါ’’ ဟု ဦးအောင်ကျော်က ပြောသည်။
သေဆုံးသူအမျိုးသမီးမှာ ပဲခူးတိုင်း၊ ဝေါမြို့နယ်၊ သူရဲသမိန် ရွာမှဖြစ်ပြီးအဆိုပါဆေးဆိုးပန်း ရိုက်စက်ရုံတွင် အလုပ်လုပ်နေ သူဖြစ်သည်။ ၎င်း၏ ခင်ပွန်းမှာလည်း ဒဏ်ရာပြင်းထန်ပြီး ထိုင်းဘုရင့်ဆေးရုံတွင် ဆေး ကုနေ ရဆဲဖြစ်ကာ သား၊ သမီးသုံးဦး ကျန်ရစ်ခဲ့ကြောင်း သတင်းရရှိသည်။
သေဆုံးသူအတွက် စုစု ပေါင်းလျော်ကြေး ထိုင်းဘတ်ငွေ ၁၅၁,၇၈၃ ရရှိခဲ့ပြီး ဒဏ်ရာရ အလုပ်သမား ရှစ်ဦး ဆေးကုနေရ ဆဲဖြစ်ကြောင်း သတင်းရရှိသည်။
မြန်မာ အစိုးရကလည်း ပေါက်ကွဲမှုဖြစ်စဉ်တွင် ထိခိုက်ခဲ့သည့် မြန်မာအလုပ်သမား ၁၈ ဦး အတွက် ထောက် ပံ့ကြေးထိုင်း ဘတ်ငွေ ၄၆,၀၀၀ ပေးခဲ့ပြီး ပျက် စီးသွားသော တန်းလျားများ ပြန် လည်တည်ဆောက်နေစဉ် နေရာ ထိုင်ခင်း စီစဉ်ပေးထားရန်နှင့် လတ်တလောတွင် အလုပ်သမား များ၏ စားဝတ်နေရေးအတွက် နေစရာ၊ စားစရာများ အခမဲ့ ထောက်ပံ့ထားရန် ထိုင်းနိုင်ငံရှိ မြန်မာသံရုံးမှ တစ်ဆင့် ညွှန်ကြား ထားသည်။
7Day DAILY
No comments:
Post a Comment