မြစ်ကြီးနား-ဖားကန့်လမ်းပိုင်း တစ်နေရာအား တွေ့ရစဉ် (ဓာတ်ပုံ-ထွန်းလင်းအောင်)
မြစ်ကြီးနားမှ ဖားကန့်သို့ မိုင် ၁၀၀ သာ ကွာဝေးသော်လည်း အနည်းဆုံး ဆယ်နာရီအထက် မောင်းနှင်နေ ရပြီး ခရီးသည်များအတွက် ခရီးစရိတ်များ၊ ကုန်တင်ခများလည်း မြင့်တက်နေကြောင်း သိရသည်။
မြစ်ကြီးနား-ဖားကန့်လမ်းပိုင်းရှိ နန့်ယားနှင့် နန့်တိန်းကြား ဖားကန့်ဖက်ကျောက်ထုတောင်အတက် (ဒေသခေါ် ရုံးတောင်) အတက်ဘက်တွင် ကားများဘီးချော်မှုများ ဖြစ်ပွားကာ သြဂုတ် ၁၆ ရက် နံနက် ၁၀ နာရီမှ သြဂုတ် ၁၇ ရက် နံနက်ပိုင်းအထိ ကားလမ်းပိတ်ဆို့မှုများ ဖြစ်ပေါ်ခဲ့ပြီး တစ်ရက်ကျော်ကြာ လမ်း ပိတ်ပြီးနောက် လမ်းပိုင်းဆိုးရွားမှုများ ရှိနေသော်လည်း ကားများပုံမှန် သွားလာနေကြောင်း သိရသည်။
မြစ်ကြီးနား-ဖားကန့်လမ်းပိုင်းတွင် ဖြတ်လမ်းတစ်ခုဖြစ်သည့် နမ္မတီး-လ၀ါး-ကာမိုင်း လမ်းပိုင်းမှာ တောင် ကျရေကြောင့် ကားငယ်များသွားလာ၍မရသည့် အခြေအနေရောက်နေကြောင်း ကားသမားများက ဆို သည်။ ကာမိုင်း-မအူပင်လမ်းပိုင်းမှာ အချို့နေရာများတွင် ရေကျော်နေမှုများ ဖြစ်ပေါ်နေကာ ကားငယ်များမှာ ကာမိုင်း-စီအင်-မအူပင်ပတ်လမ်းကိုသာ အသုံးပြုနေရကြောင်း သိရသည်။
ကားဆရာ ဦးစိန်ဝင်းက “ကားငယ်တွေ ဆယ်စီးကျော်လောက် ကာမိုင်း-မအူပင်လမ်းကနေ ပြန်ဆုတ်လာရ တယ်။ အိတ်ဇောပိုက်မြုပ်ပြီး အင်ဂျင်ထဲရေ၀င်နိုင်တယ်။ နန့်ယားအ၀င်နဲ့ ကပ်မှော်ဇွပ်ရွာထဲမှာရယ်၊ ရုံးတောင်အဆင်းရယ် အခြေအနေ အတော်ဆိုးနေတယ်။ လမ်းပဲ တဖြည်းဖြည်းဆိုးလာတာ ပြင်တဲ့ အဖွဲ့လည်း မရှိဘူး” ဟုဆိုသည်။
မြစ်ကြီးနား-ဖားကန့်လမ်းပိုင်းတွင် ကာမိုင်း-မအူပင်-နန့်ယား-ကပ်မော်စွပ်-နမော်စွပ်-ချောင်းဆုံ တံတား ညီနောင်-ပျားအုံ-စသည့် ကျေးရွာလမ်းပိုင်းများတွင် ဆိုးရွားစွာ ပျက်စီးနေကြောင်း သိရသည်။
မြစ်ကြီးနား-ဖားကန့်လမ်းပိုင်းအား ဖားကန့်ကျောက်စိမ်းကုမ္ပဏီ လုပ်ကွက်များမှ ငွေကောက်ခံ၍ ကျပ် သန်းပေါင်း ၃၆၀၀ ကျော် အကုန်အကျခံကာ တည်ဆောက်ရန် နိုင်ငံတော်သမ္မတ၏ ခွင့်ပြုချက်ဖြင့် ကချင်ပြည်နယ် ၀န်ကြီးချုပ်က ၂၀၁၄ ခုနှစ် ဇန်န၀ါရီလတွင် စီစဉ်ခဲ့ပြီး ဆက်လက်အကောင်အထည်ဖော်နိုင် ရန် ဆောင်ရွက်နေဆဲဖြစ်ကြောင်း သိရသည်။
Eleven Media Group
No comments:
Post a Comment