ယူကရိန်းနိုင်ငံ အရှေ့ပိုင်း Donesk ဒေသမှာ ပြုလုပ်ခဲ့တဲ့ လူထုဆန္ဒခံယူပွဲအတွင်း မဲဆန္ဒရှင် ၈၉ % က သီးခြား လွတ်လပ်တဲ့ပြည်နယ် တည်ထောင်ဖို့ မဲပေးခဲ့ကြတယ်လို့ တနင်္ဂနွေနေ့က ပြုလုပ်တဲ့ လူထုဆန္ဒခံယူ ပွဲ ကို ဦးဆောင်ကျင်းပသူတွေက ပြောပါတယ်။
ယူကရိန်းနိုင်ငံက ခွဲထွက်ရေးအတွက် တနင်္ဂနွေနေ့မှာ ဆန္ဒခံယူပွဲ တချိန်ထဲ ကျင်းပခဲ့တဲ့ Luhansk ဒေသက ရလဒ်တွေတော့ ခုချိန်ထိ ထွက်မလာသေးပါဘူး။
ဒီလူထုဆန္ဒခံယူပွဲဟာ ရာဇ၀တ်မှုကျူးလွန်တဲ့ လုပ်ရပ်ခြင်းဖြစ်ကြောင်း ယူကရိန်းအစိုးရက ပြောကြား လိုက်ပြီး အမေရိ ကန်ပြည်ထောင်စုနဲ့ ဥရောပမဟာမိတ်နိုင်ငံတွေကလည်း တရားမ၀င်ကြောင်း ပြောဆို ပါတယ်။ အခုလို မဲခွဲဆုံးဖြတ်ပြီး သီးခြားလွတ်လပ်တဲ့ ပြည်နယ်တည်ထောင်မယ်ဆိုတဲ့ လုပ်ဆောင်မှုဟာ ယူကရိန်းနိုင်ငံအောက်မှာပဲ သီးခြား ကိုယ်ပိုင်အုပ်ချုပ်ခွင့်ရ ပြည်နယ်အဖြစ် ရပ်တည်ဖို့လား၊ ဒါမှမဟုတ် ရုရှားနိုင်ငံနဲ့ ပေါင်းစည်းရေးအတွက်လားဆိုတာတော့ အတိအကျ မသိရသေးပါဘူး။
ရုရှားသမ္မတ Vladimir Putin ကတော့ တနင်္ဂနွေနေ့ လူထုဆန္ဒခံယူပွဲကို ရက်ရွှေ့ဆိုင်းကြဖို့ ခွဲထွက်ရေး သမားတွေ ကို တောင်းဆိုခဲ့ပါတယ်။
ဗွီအိုအေ (မြန်မာဌာန)
No comments:
Post a Comment