အပြည်ပြည်ဆိုင်ရာ ကြက်ခြေနီကော်မတီသည် စံပြသူနာပြု တစ်ဦးဖြစ်သော ''ဖလော့ရင့် နိုက်တင်ဂေး'' ကို ဂုဏ်ပြုသော အားဖြင့် သူနာပြုခြင်း၊ အသက်ကယ်ခြင်း စသည့် လုပ်ရပ်များ အပေါ်၌ ထူးထူးခြားခြား ဂုဏ်ပြု ထိုက်သူများအား ''ဖလော့ရင့်နိုက် တင်ဂေး'' ဆုတံဆိပ်ကို ပေးအပ်ချီးမြှင့်လေ့ ရှိသည်။
၁၉၆၃ ခုနှစ်အတွက် ကမ္ဘာ့ကြက်ခြေနီ ကော်မတီ၏ ချီးမြှင့်ဆု ဖလော့ရင့် နိုက်တင်ဂေး ဆုကို မြန်မာနိုင်ငံမှ ပထမဆုံးဆုရှင်အဖြစ် ကမ္ဘာနှင့်ရင်ပေါင်တန်း၍ ဆုရရှိခဲ့သူမှာ သူနာပြုဆရာမကြီး ဗိုလ်မှူး ဒေါ်ခင် အုန်းမြ ဖြစ် သည်။
ဆရာမကြီးကို အဖရှေ့နေကြီး ဦးဦးဖေ၊ အမိ ဒေါ်ခင်တို့မှ ၁၂၈၄ ခုနှစ် သီတင်းကျွတ် လပြည့်ကျော် ၁၁ ရက် (၁၉၂၂ ခုနှစ် အောက်တိုဘာ ၁၆ ရက်)တွင် ရှမ်းပြည်နယ် မြောက်ပိုင်း နမ္မတူမြို့တွင် မွေးဖွားခဲ့သည်။
၁၉၃၈ ခုနှစ်တွင် မိုးကောင်းမြို့၌ အမျိုးသမီး ကြက်ခြေနီ သူနာပြုတပ်ဖွဲ့ကို စတင် ဖွဲ့စည်းခဲ့ရာတွင် ကိုယ် တိုင် ပါဝင် ဦးဆောင်ခဲ့သည်။ ၁၉၄၂ ခုနှစ်တွင် ဗမာ့ တပ်မတော်မှ မကျန်းမာသူ၊ ထိခိုက်သူ ရဲဘော် များအား စေတနာဖြင့် ပြုစုကုသ ပေးခဲ့သည်။
ထိုအချိန်မှ စ၍ သူနာပြု လုပ်ငန်းများကို တစိုက်မတ်မတ် လုပ်ကိုင်ရင်း ၁၉၄၅ ခုနှစ်မတ် ၂၇ရက် ဂျပန်တော်လှန်ရေး ကာလများ၌ စွန့်စွန့်စားစား ပါဝင်ခဲ့သည်။
ထိုနှစ်မှာပင် ပဲခူးမြို့ ပြည်သူ့ ဆေးရုံမှ သားဖွားနှင့် သူနာပြု သင်တန်း အောင်မြင် လာခဲ့ပြီး ၁၉၄၈- ၁၉၄၉ ခုနှစ်များတွင် ရှေ့တန်းစစ်မျက်နှာ ဆေးရုံတွင် တာဝန်ထမ်းဆောင်ခဲ့သည်။
၁၉၈၂ ခုနှစ်တွင် တပ်မတော် အမှတ် (၂) စစ်ဆေးရုံ၌ အမှုထမ်းခဲ့သည်။ စစ်ဘက် ဆိုင်ရာ တာဝန်ဖြင့် ရှေ့ တန်း စစ်မျက်နှာများတွင် ရန်သူ့ကျည်ဆန်များ ကြား၌ သက်စွန့် ဆံဖျား စစ်ပွဲ ပေါင်းများစွာတွင် တာဝန် ထမ်း ဆောင်ခဲ့သည်။
၁၉၈၂ ခုနှစ်တွင် တပ်မတော် အမှတ် (၂)ဆေးရုံ၌ အမှုထမ်း နေစဉ် ဗိုလ်မှူး အဆင့်သို့ တိုးမြှင့်ခြင်း ခံရ သည်။
ဗိုလ်မှူး ဒေါ်ခင်အုန်းမြသည် နိုင်ငံအတွက် သက်စွန့်ဆံဖျား တာဝန် ထမ်းဆောင်နေကြသော စစ်သည် များ နှင့်အတူ စစ်ထွက် ရာတွင် ပါဝင်ခဲ့သည်။
အာဇာနည် ရဲမေအဖြစ် စံပြုထိုက်သူ ဖြစ်သောကြောင့် ဖလော့ရင့် နိုက်တင်ဂေးဆု သာမက နိုင်ငံတော်မှ ချီးမြှင့်သည့် ''မော်ကွန်းဝင် ဒုတိယ'' အဆင့်နှင့် လွတ်လပ်ရေး စည်းရုံးမှု အင်္ဂလိပ် လွတ်မြောက်ရေး ဆုတံဆိပ်၊ စစ်မှုထမ်းကောင်း တံဆိပ်၊ ပြည်ပ ရန်နှိမ် နင်းခြင်း ဆုတံဆိပ်၊ ပြည်သူ့စစ်ပွဲဝင် ဆုတံဆိပ်နှင့် ကြက်ခြေနီ ဂုဏ်ထူး ဆောင်ဆု တံဆိပ်များကိုလည်း ရရှိခဲ့သည်။
ဗိုလ်မှူး ဒေါ်ခင်အုန်းမြသည် ယခုအခါတွင် ကွယ်လွန်ခဲ့ပြီ ဖြစ်သော်လည်း မြန်မာနိုင်ငံ၏ ဂုဏ်ဆောင်၊ သမိုင်းဝင် ဂုဏ်ထူးရှင် တစ်ဦးအဖြစ်ဖြင့် နာမည်တွင် ကျန်နေ ခဲ့ပါသည်။
မြန်မာနိုင်ငံ အတွက် အပြည်ပြည် ဆိုင်ရာ ကြက်ခြေနီ ကော်မတီမှ ကမ္ဘာ့ အသိအမှတ်ပြု ချီးမြှင့်ခဲ့သော ဂုဏ်ထူးဆောင် ''ဖလော့ရင့် နိုက်တင်ဂေး'' ဆုတံဆိပ်ကို မြန်မာနိုင်ငံအတွက် ပထမဆုံးရရှိခဲ့သူ အဖြစ် ဂုဏ်ယူစရာဖြစ်ခဲ့သည်။
နိုင်ငံ့ဂုဏ်ဆောင် ဆရာမကြီးသည် ၁၉၆၃ခုနှစ်တွင် လွတ်လပ်ရေး မော်ကွန်းဝင် ဒုတိယအဆင့်ကို ရရှိခဲ့သည်။ ဆရာမကြီး၏ ဘဝနေဝင်ချိန်မှာ ၂ဝဝ၉ ခုနှစ် အောက်တို ဘာ ၂၇ ရက် ဖြစ်သည်။ ။
မြမဉ္ဇူဝေ (ကျုံမငေး)
Credit : မြ၀တီ
No comments:
Post a Comment