မြေယာ ပြဿနာများကြောင့် လယ်သမားများ စိတ်ရောဂါ ဖြစ်ပွားမှုနှင့် သတ်သေမှုများ ရှိလာဟုဆို

မြန်မာနိုင်ငံ အနှံ့အပြားတွင် မြေယာ သိမ်းဆည်း အငြင်းပွားမှု များကြောင့် သိမ်းဆည်းခံ လယ်သမားများ အကြား စိတ်ရောဂါ ဖြစ်ပွားမှုနှင့် သတ်သေမှုများ ၂၀၁၄ ခုနှစ် အတွင်း တွေ့ရှိလာကြောင်း တောင်သူ လယ် သမား အရေး ဆောင်ရွက် သူများထံမှ သတင်းရရှိသည်။

၂၀၁၄ ခုနှစ် အတွင်း မကွေးတိုင်း ဒေသကြီး အတွင်းရှိ ကြီးအုံကြီးဝ ရေလှောင်တမံ အနီးတွင် လယ်သိမ်း ခံရပြီး စားစရာ မရှိမှုကြောင့် ရွာထိပ်ရှိ သစ်ပင်တွင် ကြိုးဆွဲချ သေဆုံးမှုနှင့် တချို့ ဒေသများတွင် စိတ္တဇ ဖြစ်ခြင်း နှင့် မိမိ ကိုယ်ကိုယ် သတ်သေမှုများ တွေ့ရှိရကြောင်း တောင်သူ လယ်သမား အရေး ဆောင်ရွက်သည့် (Land Our Hands)  ငါတို့ မြေကွန်ရက်မှ ဦးစည်သူက ပြောသည်။

““လူသေတဲ့ ဖြစ်ရပ်တွေက သိသာ ထင်ရှားတယ်။ လယ်သမားတွေမှာ ကိုယ့် ကိုယ်ကိုယ် သတ်သေတာ ပိုများတယ်။ ရူးကြောင်ကြောင် ဖြစ်ပြီး စိတ္တဇ ဖြစ်သူတွေနဲ့ လုပ်စားစရာ မရှိလို့ ကြိုးဆွဲချ သတ်သေတဲ့ လယ်သမားတွေကို စာရင်း ကောက်နေတယ်”” ဟု ၎င်းက ပြောသည်။

ထို့ပြင် လယ်ယာမြေအရေး တရား စီရင်မှုများသည် မြို့နှင့် နယ်ဒေသများတွင် ကွဲပြား ခြားနားနေပြီး၊ မြို့ကြီးများ၌ တရားရုံးချိန်း အကြိမ်ပေါင်းများစွာ၊ လပေါင်းများစွာ ကြာမြင့်သည် အထိ တရား စီရင်လေ့ ရှိသော်လည်း နယ်ဒေသများတွင် ချက်ချင်း ဖမ်းဆီး ထောင်ချမှုများ ဖြစ်ပွားနေခြင်းသည် အစိုးရ၏ လူ့အခွင့်အရေး ချိုးဖောက်မှုများပင် ဖြစ်ကြောင်း မြန်မာနိုင်ငံ လူ့အခွင့်အရေး အပြည့်အ၀ ရရှိရေး လှုပ်ရှားသူ Equality Myanmar မှ ဦးအောင်မျိုးမင်းက ဆိုသည်။

လယ်ယာမြေ သိမ်းဆည်းမှုများတွင် ဥပဒေနှင့် ညီညွတ်ခြင်း မရှိသည့် သိမ်းဆည်းထားမှုများရှိကြောင်း လယ်ယာမြေ ကော်မရှင်က ဆိုထားသည်။

ထို့ပြင် လယ်ယာမြေ အငြင်းပွားမှုများတွင် သက်ဆိုင်ရာမှ တရားစွဲ ဆိုရာ၌ ပုဒ်မ (၄၄၇၊ ၄၂၇) ပိုင်နက် ကျူးလွန်မှု စသည့် ရာဇ၀တ်မှု အဖြစ် တရားစွဲဆို ခံရခြင်းကြောင့် လယ်သမားများ အမှုပြီးပြတ် ပါကလည်း မြေယာ ပြန်လည် မရရှိနိုင်ကြောင်း လယ်သမားရေးရာ ဥပဒေ အကြံပေး ဦးဋ္ဌေးကသို့ ပြောသည်။

““တရားစ စွဲကတည်းက ပိုင်နက် ကျူးလွန်မှု ဆိုတော့ အမှုပြီးရင်တောင် လယ်ပြန်မရဘူး။ ဘယ်လို ရင်ဆိုင်ဆိုင် စိတ်ဒဏ်ရာ ရမယ်။ ငွေကုန် လူပန်းမယ်။ ဘ၀ပျက်မယ်။ အဲဒီကနေ တစ်ဆင့် သတ်သေတဲ့ အမှုတွေ၊ စိတ်ရောဂါရမှုတွေ ဖြစ်ပွား လာနိုင်တယ်””ဟု ၎င်းကပြောသည်။

မြန်မာနိုင်ငံ အတွင်း သေဆုံးသူ၊ သတ်သေသူနှင့် တရားစွဲဆိုခြင်း ခံရပြီး ထောင်ချခံရသည့် လယ်သမား စာရင်းများကို မီဒီယာများက အမျိုးမျိုး သုံးသပ် နေသော်လည်း စစ်တမ်း ကောက်ယူပြီးမှသာ အတိအကျ ဖော်ပြနိုင်မည် ဖြစ်ကြောင်း၊ အဆိုပါ စစ်တမ်း ကောက်ယူနေသည့် (Land Our Hands) ငါတို့ မြေကွန်ရက်မှ ဦးစည်သူက အရေအတွက် ကွဲလွဲမှုနှင့် ပတ်သက်၍ ပြောကြားသည်။

သမ္မတ ဦးသိန်းစိန် လက်ထက်တွင် ချင်းပြည်နယ်မှ အပ ကျန်မြန်မာနိုင်ငံ အနှံ့အပြားတွင် လယ်ယာမြေ သိမ်းဆည်းမှုများ အတွက် ဆန္ဒထုတ်ဖော်မှုများ ရှိခဲ့သည်။

7Day DAILY