Friday, 26 December 2014

မြေယာပြဿနာကို မဖြေရှင်းပေးနိုင်လျှင် အများ၏ ပြစ်တင်ရှုတ်ချခြင်းကို ခံရ မည်ဖြစ်ပြီး အစိုးရနှင့်လွှတ်တော် ကျန်ရှိသက်တမ်းအတွင်း အပြီးဖြေရှင်း ပေး ရန် လိုဟု သူရဦးရွှေမန်း ပြောကြား

ယနေ့အချိန်ကာလတွင် မြေယာပြဿနာကို မဖြေရှင်းပေးနိုင်လျှင် အများ၏ ပြစ်တင်ရှုတ်ချခြင်းကို ခံရမည် ဖြစ်ပြီး လက်ရှိအစိုးရနှင့် လွှတ်တော်တို့၏ ကျန်ရှိ သည့် သက်တမ်းအတွင်း အပြီးဖြေရှင်းပေးရန်လိုသည်ဟု ပြည်ထောင်စု လွှတ် တော် နာယက သူရဦးရွှေမန်းက ပြောကြားသည်။

ပြည်ထောင်စုလွှတ်တော်နာယက သူရဦးရွှေမန်းက မန္တလေးတိုင်းဒေသကြီး စဥ့်ကိုင်မြို့တွင် ဒီဇင်ဘာ ၂၄ ရက် က ပြုလုပ်သည့် တောင်သူလယ်သမားရေးရာ လူထုတွေ့ဆုံပွဲတွင် အထက်ပါကဲ့သို့ ထည့်သွင်း ပြော ကြား ခဲ့ခြင်းဖြစ်ကြောင်း ပြည်ထောင်စုလွှတ်တော်က သတင်းထုတ်ပြန်ထားသည်။ 

“တစ်နေရာနှင့် တစ်နေရာ မတူညီသော်လည်း ကြုံတွေ့နေရသည့် မြေယာ ပြဿနာ များသည် လွန်ခဲ့ သည့် နှစ်ပေါင်း ၅ဝ ကျော်ကပင် ဖြစ်ပေါ်ခဲ့သည့် ပြဿနာများပင်ဖြစ်ကြောင်း၊ ယနေ့အချိန်ကာလတွင် မြေယာပြ ဿနာများကို ဖြေရှင်းမပေးနိုင်ခဲ့လျှင် မိမိတို့ တာဝန်မကျေရာရောက်မည်ဖြစ်ပြီး အများ၏ ပြစ်တင်ရှုတ်ချခြင်းကိုလည်း ခံရမည်ဖြစ်ပါကြောင်း၊ လက်ရှိအစိုးရနှင့် လွှတ်တော် တို့၏ ကျန်ရှိသည့် တစ်နှစ် ကျော် သက်တမ်းကာလအတွင်း အပြီးဖြေရှင်းဆောင်ရွက်ပေးရန်လိုကြောင်း”ဟု လွှတ်တော် နာယက သူရဦးရွှေမန်းက ပြောကြားသည်။ 

အစိုးရအဖွဲ့အစည်းများအနေဖြင့် မြေယာပြဿနာဖြေရှင်းပေးမှုအရေအတွက်မှာ လွန်စွာနည်းပါးနေပြီး လက်ရှိဖြေရှင်းမှုနှုန်းနှင့်ဆိုလျှင် ပထမအကြိမ် လွှတ်တော်သက်တမ်းအတွင်း ပြီးပြတ်အောင် ဆောင်ရွက် နိုင်မည့်အခြေအနေ မရှိနိုင်ကြောင်း လယ်ယာမြေစုံစမ်းရေးကော်မရှင်က (၁၁)ကြိမ်မြောက် ပြည်ထောင်စု လွှတ်တော်အစည်းအဝေး၌ အစီရင်ခံစာတင်ရာတွင် ထည့်သွင်း ပြောကြားသည်။

မြေယာစီမံခန့်ခွဲရေးဗဟိုကော်မတီအနေဖြင့် တိုင်းဒေသကြီးနှင့် ပြည်နယ်၊ ခရိုင်၊မြို့နယ်၊ ကျေးရွာ အဆင့် ဆင့် မှ မြေယာစီမံခန့်ခွဲရေးကော်မတီများအား တာဝန်နှင့်လုပ်ပိုင်ခွင့်များ ပေးအပ်ခဲ့ပြီး တာဝန်အရှိဆုံးမှာ ရပ်ကွက်၊ ကျေးရွာ မြေယာစီမံခန့်ခွဲရေးကော်မတီများပင် ဖြစ်ပါကြောင်း၊ ယင်းတို့အနေဖြင့် မှန်မှန် ကန်ကန် မြန်မြန်ဆန်ဆန် ဆောင်ရွက်ပေးရမည်ဖြစ်ကြောင်း ပြည်ထောင်စု လွှတ်တော် နာယက သူရဦးရွှေမန်းက ဆိုသည်။ 

သက်ဆိုင်ရာမှ ပြန်လည်စွန့်လွှတ်ထားသည့် လယ်ယာမြေများနှင့် ပတ်သက်၍ မူလလက်ငုတ်လက်ရင်း လယ်သမားများထံ အမှန်တကယ်မရောက်ရှိမှုများရှိနေကြောင်း လွှတ်တော်ကိုယ်စားလှယ်များက ဆို သည်။ 

လယ်ယာမြေပြဿနာများနှင့် ပတ်သက်၍ မှန်မှန်ကန်ကန်မြန်မြန်ဆန်ဆန် လုပ်ဆောင်နိုင်ရန်အတွက် တိုင်း ဒေသကြီးနှင့်ပြည်နယ်အစိုးရအဖွဲ့က ထိထိရောက်ရောက် ကြပ်မတ်ပေးရန်လိုကြောင်း သူရ ဦးရွှေမန်းက ဆက်လက်ပြော ကြားသည်။

အစိုးရဌာနများအနေဖြင့် လိုအပ်ချက်ထက် ပိုမိုသိမ်းဆည်းပြီး အသုံးမပြုသော မြေကိုသီးစား အငှား ချထား၍ ဝန်ထမ်းသက်သာကိုအကြောင်းပြကာ ကိုယ်ကျိုးရှာနေမှုများလည်း တွေ့ရှိရကြောင်း ပြည်ထောင် စုလွှတ်တော် လယ်ယာမြေနှင့် အခြားမြေများသိမ်းဆည်းခံရမှုကြောင့် ပြည်သူများ နစ်နာမှုမရှိစေရေး အတွက် စုံစမ်းရေးကော်မရှင်က ပြောကြားထားသည်။ 

ယခု ၂ဝ၁၄ ခုနှစ်သည် လယ်ယာမြေပြဿနာနှင့် လယ်ယာမြေပဋိပက္ခများစွာ ဖြစ်ပွားသည့်နှစ်ဖြစ်ကြောင်း ပြည်ထောင်စုလွှတ်တော် လယ်ယာမြေနှင့် အခြား မြေများ သိမ်းဆည်းခံရမှုများကြောင့် ပြည်သူများနစ်နာမှု မရှိစေရေးအတွက် စုံစမ်းရေးကော်မရှင်အဖွဲ့ဝင် ဦးခိုင်မောင်ရည်က ပြောကြားထားသည်။

Eleven Media Group 

No comments:

Post a comment