မဟာအောင်မြေ ကျောက်ဝိုင်း မပြောင်းရွှေ့ရေး အတွက် မန္တလေးမြို့ ၏ နေရာဒေသ အသီးသီးတွင် အင်အား အလုံးအရင်းဖြင့် ဆန္ဒထုတ်ဖော်မှုများ ဆက်တိုက် ပြုလုပ်သွားမည် ဖြစ်ကြောင်း မဟာအောင်မြေ ကျောက်ဝိုင်း အဆင့် မြှင့်တင်ရေး ကော်မတီထံမှ သိရသည်။
““ဆန္ဒထုတ်ဖော်မှုက တစ်ပွဲတည်းနဲ့ ပြီးမှာ မဟုတ်ဘူး။ တစ်နေရာတည်း မှာတင် လုပ်သွားမှာ မဟုတ်ပါဘူး။ မန္တလေးမြို့ရဲ့ နေရာအနှံ့မှာ ဥပဒေဘောင် အတွင်းက နေပြီးတော့ ဆန္ဒထုတ်ဖော်မှုတွေကို ဆောင်ရွက်မှာပါ။ ကျောက်ဝိုင်း ပြောင်းဖို့ ရွှေ့ဖို့ စီစဉ်တာ တိုင်းဒေသကြီး အစိုးရရဲ့ လုပ်ဆောင်ချက်တွေ ဖြစ်တယ်။ ကျွန်တော်တို့က သမ္မတ ဦးသိန်းစိန်နဲ့ ပြည်ထောင်စု လွှတ်တော်ကို ဒီကိစ္စကို သိအောင်လုပ်မှ ရပါမယ်”” ဟု မဟာအောင်မြေ ကျောက်ဝိုင်း အဆင့် မြှင့်တင်ရေး ကော်မတီဝင် ဦးသန်းဝင်းက The Messenger Media သို့ပြောသည်။
မဟာအောင်မြေ ကျောက်ဝိုင်း မပြောင်းရွှေ့ရေး အတွက် နိုင်ငံတော် သမ္မတထံ စာရေးသား ပေးပို့ အသိပေးမည် ဖြစ်သည့် အပြင် ပြည်ထောင်စု လွှတ်တော် အတွင်း ဆုံးဖြတ်ချက် တစ်စုံတစ်ရာ ရရှိရေး အတွက် ဆက်လက် ဆောင်ရွက်မည် ဖြစ်ကြောင်း ၄င်းက ဆက်လက် ပြောကြားသည်။
မဟာအောင်မြေ ကျောက်ဝိုင်း မပြောင်းရွှေ့ရရေး အတွက် ပထမဆုံး အကြိမ် ဆန္ဒ ထုတ်ဖော်မှုကို လာမည့် ဒီဇင်ဘာလ (၂၃) ရက်နေ့ နံနက် (၉) နာရီ ခွဲအချိန်တွင် စတင် ပြုလုပ်မည် ဖြစ်ပြီး၊ စီတန်း လှည့်လည် ဆန္ဒထုတ်ဖော်မည့် အင်အား ငါးသောင်းဖြင့် ခွင့်ပြုမိန့် တင်ပြပြီး ဖြစ်ကြောင်း ကျောက်ဝိုင်း အဆင့် မြှင့်တင်ရေး ကော်မတီထံမှ သိရသည်။
““ကျွန်တော်တို့ အနေနဲ့ လက်ရှိ ကျောက်ဝိုင်း မပြောင်းရွှေ့ရရေး အတွက်ကို ဆန္ဒထုတ်ဖော်မယ့် အစီအစဉ်ဟာ မြန်မာနိုင်ငံမှာ အင်အား အများဆုံး ဆန္ဒထုတ်ဖော်မှု ဖြစ်အောင် ကြိုးပမ်းသွားမယ်”” ဟု ကျောက်ဝိုင်း အဆင့် မြှင့်တင်ရေး ကော်မတီဝင် ဦးမျိုးမြင့်နိုင်က ပြောသည်။
ဆန္ဒထုတ်ဖော်မှု စတင်မည့်နေ့ တွင် မဟာအောင်မြေကျောက်ဝိုင်း အနောက်ဘက်ပေါက်မှ စတင်ကာ၊ မန်္တလေးမြို့ ပြည်သူ့ဟစ်တိုင်ကွင်း အထိ ငြိမ်းချမ်းစွာ စီတန်းလှည့်လည် ဆန္ဒထုတ်ဖော်ကြမည် ဖြစ်သည်။
မန္တလေးမြို့တော် စည်ပင် သာယာရေး ကော်မတီက ကြီးကြပ် ဆောင်ရွက်နေ သည့် လက်ရှိ မဟာ အောင်မြေ ကျောက်ဝိုင်း နေရာအား မြို့ပြ သန့်ရှင်းမှုကို အကြောင်းပြကာ၊ တံတားဦး မြို့နယ်၊ ရန်ကုန်-မန္တလေး ကားလမ်းမ အနောက်ဘက်ရှိ ကျောက်စိမ်း ဥယျာဉ် တည်ရှိရာ နေရာသို့ ပြောင်းရွှေ့ရန် ယခု ကျင်းပ ပြီးစီးခဲ့သည့် မန္တလေးတိုင်း ဒေသကြီး လွှတ်တော် (၁၁) ကြိမ်မြောက် ပုံမှန် အစည်းအဝေးတွင် အတည်ပြုခဲ့သည်။ မဟာအောင်မြေ ကျောက်ဝိုင်း ပြောင်းရွှေ့မှု အစီအစဉ်ကို မန်္တလေး မြို့တော် စည်ပင်သာယာရေး ကော်မတီမှ ယခင်ထုတ်ပြန် ထားရှိသည့် အစီအစဉ် အတိုင်း ဆက်လက် ဆောင်ရွက်မည် ဖြစ်ကြောင်း မန်္တလေး မြို့တော် စည်ပင် သာယာရေး ၀န်ကြီး ဌာန ၀န်ကြီး ဦးအောင်မောင်းက အတည်ပြု ပြောကြားထားသည်။
““ကျောက်ဝိုင်း အသစ် ဆောက်မယ့် အစီအစဉ်ကို မကန့်ကွက်ပါဘူး။ ကျောက်ဝိုင်း အသစ် ဘယ်နှခု ဆောက်ဆောက် လက်ခံပါတယ်။ ဒါပေမဲ့ အခုလက်ရှိ ကျောက်မျက် ဈေးသစ် ဆောက်နေတဲ့ သူတွေက မြေယာ လက်ဦးမှု ယူပြီးတော့ ဆောက်ချင်တဲ့ နေရာမှာ ဆောက်ပြီးမှ လက်ရှိ အထိုင် ကျပြီးသား ကျောက်ဝိုင်းကို ပြောင်းမယ်၊ ရွှေ့မယ် ဆိုတာကိုတော့ လုံးဝ လက်မခံပါဘူး”” ဟု ကျောက်မျက် ကုန်သည် တစ်ဦးဖြစ်သူ ကိုသိန်းအောင်မြင့်က ပြောသည်။
တိုင်းဒေသကြီး အစိုးရက စီစဉ် ဆောင်ရွက်လျက် ရှိသည့် ကျောက်စိမ်း ဥယျာဉ် နေရာတွင် ကျောက်စိမ်းစေတီ၊ ဆေးရုံ၊ ကျောက်မျက် သင်တန်းကျောင်း၊ ကွန်ဒို တိုက်ခန်းများ၊ ကျောက်မျက်ဈေး စသည်တို့ ပါဝင်မည် ဖြစ်ကြောင်း သိရသည်။ မဟာအောင်မြေ ကျောက်ဝိုင်းသည် နေ့စဉ် လူဦးရေ နှစ်သိန်းကျော် ၀င်ထွက် သွားလာနေပြီး အခြေခံ ကျောက်မျက် အလုပ်သမား (၁၂၀၀၀၀) ကျော်ခန့် မှီခိုလုပ်ကိုင်လျက် ရှိသည်။
Messenger News Journal
No comments:
Post a Comment