နိုင်ငံတော်သမ္မတ ဦးသိန်းစိန်ဟာ ရခိုင်ပြည်နယ် ကျောက်ဖြူမြို့နယ် ရမ္မာဝတီခန်းမမှာ ကျောက်ဖြူ မြို့ခံတွေ၊ နိုင်ငံရေးပါတီတွေ လွှတ်တော်ကိုယ်စားလှယ်တွေနဲ့ တွေ့ဆုံပြီး ရခိုင်ပြည်နယ် ဖံွ့ဖြိုးတိုးတက်ရေး ကိစ္စ တွေကို ဆွေးနွေးခဲ့ပါတယ်။
နိုင်ငံတော်သမ္မတ ဦးသိန်းစိန်က ကျောက်ဖြူအထူးစီးပွားရေးဇုန် တည်ဆောက်မယ့်အခြေအနေတွေနဲ့ ဒေသခံတွေ အလုပ်အကိုင်အခွင့်အလမ်းတွေရရှိရေးအတွက် ဆောင်ရွက်နေကြောင်း ပြောခဲ့တယ်လို့ တွေ့ဆုံပွဲကိုတက်ရောက်ခဲ့တဲ့ ကျောက်ဖြူမြို့နယ် ပြည်သူ့လွှတ်တော်ကိုယ်စားလှယ် ဦးဘရှိန်က ပြော ပါတယ်။
"ရခိုင်ပြည်နယ်မှာ လမ်းပန်းဆက်သွယ်ရေး လုပ်ပေးထားတဲ့အကြောင်း နောက်ပြီးတော့ လျှပ်စစ်မီးရရှိရေး အတွက် လုပ်ပေးထားတဲ့အကြောင်း၊ နောက်တခါ ကျောက်ဖြူမြို့ရဲ့ စီးပွားရေး အလားအလာနဲ့ ပတ်သက် လို့ အထူးစီးပွားရေးဇုန် တည်ဆောက်ပေးဖို့ အစီအစဉ်တွေရှိတဲ့အကြောင်း၊ ရေနံနဲ့ပတ်သက်တဲ့ ရေနက် ဆိပ်ကမ်း စဆောက်ပြီဖြစ်တဲ့အတွက်ကြောင့် ဓါတ်ငွေ့ကို တရုတ်ပြည်တင်ပို့တဲ့အပြင် ရေနံပိုက်လိုင်း ကလည်း မကြာခင်ကာလအတွင်းမှာ ရေနံပို့တဲ့လုပ်ငန်းကို လုပ်နိုင်တော့မယ် ဆိုတဲ့အကြောင်းတွေ ပြောတယ်၊ အဲ့လိုလုပ်ငန်းတွေ လုပ်တဲ့အတွက်ကြောင့် ဒေသခံပြည်သူတွေရဲ့ အလုပ်အကိုင်အခွင့်အလမ်း တွေ ရလာနိုင်တယ်ဆိုတဲ့အကြောင်းတွေကို ပြောပြတယ်"
ဒါ့အပြင် ရခိုင်ပြည်နယ်မှာ လူမျိုးရေးပဋိပက္ခတွေ တည်ငြိမ်နေပြီဖြစ်တာကြောင့် ဒေသဖွံ့ဖြိုးရေးလုပ်ငန်း တွေကိုသာ ကြိုးစားဆောင်ရွက်ကြဖို့ ပြောသွားတယ်လို့ ပြည်သူ့လွှတ်တော် ကိုယ်စားလှယ် ဦးဘရှိန်က ပြောပြ ပါတယ်။ တွေ့ဆုံပွဲမှာ အချိန်အခက်အခဲကြောင့် ဒေသခံတွေဘက်က သူတို့ရဲ့လိုအပ်ချက်တွေကို တင်ပြခွင့်မရခဲ့ဘူးလို့ သိရပါတယ်။ နိုင်ငံတော်သမ္မတ ဦးသိန်းစိန်က မနက်ဖြန် စစ်တွေမြို့မှာ ဒေသခံတွေ၊ နိုင်ငံရေးပါတီတွေ၊ လွှတ်တော်ကိုယ်စားလှယ်တွေနဲ့ တွေ့ဆုံဦးမှာဖြစ်ပါတယ်။
RFA Burmese
No comments:
Post a Comment