အစိုးရနှင့် ပြည်တွင်း၊ ပြည်ပ မီဒီယာအဖွဲ့များ ဆွေးနွေးကြမည့် တတိယအကြိမ် မီဒီယာဖွံ့ဖြိုးတိုးတက်မှု ညီလာခံကို စက်တင်ဘာလ ၁၈ ရက်နှင့် ၁၉ ရက်တွင် ရန်ကုန်မြို့ ချက်ထရီယမ်ဟိုတယ်တွင် ကျင်းပနေပြီး ညီလာခံ အဖွင့်အမှာ စကားပြောကြားနေသည့် ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးရဲထွဋ်ကို စက်တင်ဘာ ၁၈ ရက် နံနက်ပိုင်းက တွေ့ရစဉ်။ (ဓာတ်ပုံ-ဘိုဘို၊ မဇ္ဈိမ)
လွှတ်တော်ဥက္ကဋ္ဌတစ်ဦးသည် အစိုးရဌာနဝန်ကြီးများကို ဝေဖန်လိုပါက တိကျခိုင်မာသည့် အချက်အလက် များကို ကိုးကားပြီးမှ ဝေဖန်သင့်သည်ဟု သမ္မတပြောရေး ဆိုခွင့်ရှိသူနှင့် ပြန်ကြားရေးဝန်ကြီးလည်းဖြစ်သူ ဦးရဲထွဋ်က ပြောဆိုလိုက်သည်။
အစိုးရက ဘဏ္ဍာငွေထုတ်ကာ ပြည်သူပိုင်အဆောက်အအုံများ ဆောက်လုပ် ရာတွင် ငွေကြေးသုံးစွဲမှုများ သည် လူစည်ကားသည့် ပွဲဈေးခင်းအတွင်း ဆီးသီးရောင်းသူဈေးသည်တစ်ဦး ဗန်းမှောက်ကျသည်ကို ဝိုင်းဝန်း လုယက်ကြပုံနှင့် ခိုင်းနှိုင်းလျက် ဝေဖန်ပြောဆိုသည်ကို ဦးရဲထွဋ်က တုံ့ပြန်လိုက်ခြင်းဖြစ်သည်။
“သူက ဆီးသီးရောင်းမလို့ ဆီးသီးဗန်းနဲ့ သွားတာပဲ။ မှောက်လည်း မှောက်ရော ဟိုလူက တစ်ဆုပ်နှိုက်စား ဒီလူက တစ်ဆုပ် နှိုက်စားနဲ့ တစ်ဝက်လောက်ပဲ ကျန်တယ်။ ဘတ်ဂျက်ကိစ္စက အဲဒီလို ဖြစ်နေတာပေါ့” ဟု ဦးခင်အောင်မြင့်က စက်တင်ဘာ ၁၇ ရက်က အမျိုးသားလွှတ်တော် အစည်းအဝေးတွင် ပြောဆိုခဲ့သည်။
အမျိုးသားလွှတ်တော်ဥက္ကဋ္ဌ၏ ပြောဆိုချက်မှာ အစိုးရအပေါ် ပြည်သူများအထင် မှားနိုင်သလို “တာဝန်ကြီး ကြီးယူထားတဲ့ လူတစ်ယောက်အနေနဲ့ ပြောတဲ့စကား အနေ နဲ လည်း မပြောသင့်ဘူးလို့ ကျွန်တော်ထင် တယ်” ဟု ဦးရဲထွဋ်က ဆိုသည်။
လက်ရှိအစိုးရလက်ထက်တွင် ပြည်သူပိုင် အဆောက်အအုံများ ဖောက်လုပ်၊ တည်ဆောက်ရာတွင် ပွင့်လင်း မြင်သာမှုရှိစေရန် ညွှန်ကြားထားသောကြောင့် အားနည်းမှုရှိသည့်ဌာနကို အတိအကျထောက်ပြ သင့်သည် ဟုလည်း ပြောသည်။
“တိတိကျကျပြောရင် ကျွန်တော်တို့ အရေးယူမယ်။ ကျွန်တော်တို့ အရေးယူ တာဟာ မလုံလောက်ဘူး ထင် လို့ရှိရင် အဂတိ လိုက်စားမှုကော်မရှင် ရှိမယ်။ ဒါပေမဲ့ အားလုံးကိုခြုံပြီးတော့မှ လူကြီးတစ်ယောက် က ပြော လိုက်တဲ့ အခါမှာ ကျွန်တော်တို့ ၀န်ကြီးဌာနတွေမှာ တာဝန်ယူလုပ်ဆောင်ရတဲ့သူတွေ ကစိတ် မ ကောင်း ဖြစ် တာပေါ့ ” ဟု ၎င်းက ဆိုသည်။
ဦးခင်အောင်မြင့်သည် နအဖ အစိုးရလက်ထက်တွင် ယဉ်ကျေးမှုဝန်ကြီးအဖြစ် တာဝန်ယူခဲ့ဖူးသူဖြစ်ပြီး လက်ရှိအစိုးရလက်ထက် လွှတ်တော်ဥက္ကဋ္ဌအဖြစ် တာဝန်ယူစဉ် အစိုးရဌာနများနှင့် တပ်မတော်သားများ အပေါ် ထောက်ပြဝေဖန် ခဲ့သူတစ်ဦးဖြစ်သည်။
Mizzima - News in Burmese
No comments:
Post a Comment