Wednesday 16 July 2014

အက္ခရာနံပါတ်မြင့်သော လေးလုံးပူးနံပါတ်များ ဈေးတစ်ဆင့်တက်၍ ရောင်းချ

ကုန်လမ်း ပို့ဆောင်ရေး ညွှန်ကြားမှု ဦးစီးဌာန အနေဖြင့် ဇူလိုင်လ ၁၀ ရက်က 4H အက္ခရာ များကို စတင် ထုတ်ပေးခဲ့ပြီး လေးလုံးပူး နံပါတ်များမှာ 5H နှင့် 6H အထိ လေးလုံး နံပါတ် ၅ ခုအထိ ရောင်းချထားပြီး ဈေးနှုန်းမှာလည်း 6H မှာ ဈေးအမြင့်ဖြင့် ရောင်းချ ခဲ့ကြောင်း သိရသည်။
ဇွန်လ ၂၃ ရက်မှ စတင် ထုတ်ပေးခဲ့သော 3H နံပါတ်များမှာ ဇူလိုင်လ ၁၀ ရက်တွင် ကုန်ဆုံး သွားခဲ့ကြောင်း သိရသည်။ ရောင်းချပြီးသော 4H အက္ခရာ လေးလုံးပူး နံပါတ်များတွင် 4H/3333 ကို ငွေကျပ် သိန်း ၃၀ ၊ 4H/4444 ကို ငွေကျပ် ၂၈ သိန်း ၊ 4H/5555 ကို ငွေကျပ် ၄၄ သိန်း ၊ 4H/8888 ကို ငွေကျပ် ၄၆ သိန်း ၊ 4H/9999 ကို ငွေကျပ် ၄၄ သိန်းဖြင့် အသီးသီး ရောင်းချ ပေးထားပြီး 4H အက္ခရာ နံပါတ်မှ လေးလုံးပူး များတွင် 4H/1111, 4H/2222, 4H/6666 နှင့် 4H/7777 တို့ လေးခုသာ ရောင်းချရန် ကျန်ရှိကြောင်း သိရသည်။ယခု 4H အက္ခရာ စတင် ထုတ်ပေးစဉ်တွင် အက္ခရာ ကြိုတင် ရောင်းချမှု အနေဖြင့် 5H/5555 ကို ငွေကျပ် ၆၂ သိန်း ၊ 5H/7777 ကို ငွေကျပ် ၅၂ သိန်း ၊ 4H/8888 ကို ငွေကျပ် ၇၆ သိန်း ၊ 5H/9999 ကို ငွေကျပ် ၆၈ သိန်းနှင့် 6H/9999 ကို ငွေကျပ် ၇၄ သိန်းဖြင့် အသီးသီး ရောင်းချ ပေးခဲ့ကြောင်း သိရသည်။
ကနဦး မှတ်ပုံတင်ဌာန အနေဖြင့် ယာဉ်ပိုင်ရှင် များ၏ ဆန္ဒအတိုင်း လေးလုံးပူး နံပါတ်များကို စိတ်တိုင်းကျ ရောင်းချပေး နေပြီး အက္ခရာ ၃ ခုမြောက် အထိ ကြိုတင် ၀ယ်ယူခွင့် ရှိကြောင်းလည်း သိရှိရသည်။
Themyawadydaily

No comments:

Post a Comment