မိဘခြေရာကို ခံယူကိုးကွယ်လိုသည့် သားသမီးတို့သည် ရှေးဦးစွာ မိဘနှစ်ပါး ကို မြင့်မြတ်သော ကုလားထိုင်၊ ခုတင်ပေါ်တွင်ထိုင်စေ၍ ရိုသေစွာ လက်အုပ်ချီ ကန်တော့ပြီး ခြေရာကို တောင်းခံရပါသည်။( မိဘနှစ်ပါးလုံးမရှိလျှင် ရှိသည့် အမေ သို့မဟုတ် အဖေကို ယူနိုင်ပါသည်)။
မိဘများ၏ ခြေဖ၀ါးများကို အ၀တ်ဖြင့် ခြောက်သွေ့အောင် သုတ်ပြီးမှ အသင့်ဖျော် ထားသည့် နနွင်း ရည်ကို ခြေဖ၀ါးပြင်တွင် သုတ်လိမ်းပေးရပါသည်။
နနွင်းဖျော်ရည် မခြောက်သွေ့မီ အသင့်စီစဉ်ထားသောပိတ်ဖြူ (တက်ထရွန်အဖြူ)ကို ကြမ်းပြင်ပေါ်တွင် စက္ကူတစ်ခုခံ၍ခင်းပါ။ မိဘများကို ပိတ်ဖြူစပေါ်သို့ ခြေဖ၀ါးစုံကိုချ၍ မတ်တတ်ရပ်စေရပါသည်။
ဤကဲ့သို့ ရပ်နေစဉ် မိဘများ၏ ခြေဖ၀ါးပတ်လည်ကို ခဲနီပြာတံဖြင့် လိုက်၍ ရစ်မှတ်ပါ။ ခြေဖ၀ါးပတ်လည်ကို ခဲနီပြာတံဖြင့် လိုက်၍ ရစ်မှတ်ပါ။ ခြေဖ၀ါး တစ်ဖက်ချင်းကိုကြွ၍ မိဘများကို အထိုင်ခိုင်းပါ။ ပိတ်ဖြူစပေါ်တွင် နနွင်းဝါရောင်ခြေရာများနှင့်ခဲတံဖြင့် ရေးမှတ်ထားသော ခြေရာအစုံကို ထင်ရှားစွာ ရရှိပါလိမ့်မည်။ ခဲကြောင်း ရာ များကို မပျောက်မပျက် ရေလျှော်၍ မကျွတ်နိုင်ရန် ပန်းထိုးအပ်ချည်ဖြင့်ထိုးထားလျှင် ပို၍ကောင်းပါသည်။ အထက်ပါ နည်းအတိုင်း အမေ့ခြေရာကို စနစ်တကျတောင်းခံယူနိုင်ပါသည်။
မှတ်ချက်။ စာရေးဆရာ မင်းသူရိန်ရေးသားသော အမေ့ခြေရာပူဇော်နည်းနှင့် ကိုယ်တွေ့ဖြစ်ရပ်ဆန်းများ စာအုပ်မှ ကောက်နှုတ်ဖော်ပြပါသည်။
MOI Webportal Myanmar
No comments:
Post a Comment