အရှေ့တောင် အာရှဒေသမှာရှိတဲ့ စစ်ဘက်ပညာရပ်ဆိုင်ရာ အစီအစဉ်တွေနဲ့ သင်တန်းတွေအတွက် အမေရိကန် ပြည်ထောင်စုက အကူအညီတွေ အများကြီး တိုးမြှင့်ပေးသွားမယ့်အကြောင်း အမေရိကန် အစိုးရက ကြေညာလိုက်ပါတယ်။
အမေရိကန် အစိုးရအနေနဲ့ အာရှ-ပစိဖိတ်ဒေသကို ပိုပြီးတော့ အာရုံထားရေး မဟာဗျူဟာ ပြောင်းလဲ လာခဲ့ပြီးတဲ့နောက် အခု ဆုံးဖြတ်ချက် ထွက်ပေါ်လာခဲ့တာပါ။ အရှေ့တောင် အာရှဒေသရဲ့ ပိုပြီးတော့ ထင်ပေါ်လာမှုနဲ့ အရေးပါမှုတွေကို ထင်ဟပ်နိုင်စေဖို့၊ အာရှ-ပစိဖိတ်ဒေသနဲ့ လုံခြုံရေး၊ စီးပွားရေးနဲ့ သံတမန်ရေးဆိုင်ရာ ထိတွေ့ဆက်ဆံမှုတွေကို ပြန်လည် ထိန်းညှိသွားနိုင်အောင် အမေရိကန်အစိုးရက နည်းလမ်း ရှာဖွေ ကြိုးစားနေတာ ဖြစ်တယ်လို့လည်း ၀န်ကြီး ဟေဂယ်လ် က ပြောသွားပါတယ်။
ခုလို အမေရိကန်အစိုးရက ဒေသတွင်း စိတ်ဝင်စားမှုတွေ တိုးလာနေတဲ့ အပေါ်မှာ ဒါဟာ တရုတ်နဲ့ အိမ်နီးချင်း နိုင်ငံတွေကြား ကန့်သတ်ဖို့ ကြိုးစားတာဖြစ်တယ် လို့ဆိုပြီး တရုတ်နိုင်ငံက စိုးရိမ်ကြောင်း ထုတ်ဖော်ပြောဆိုထားပါတယ်။
တရုတ်နိုင်ငံဟာ တောင်တရုတ် ပင်လယ်ပြင်အတွင်းက ရေပိုင်နက်တချို့နဲ့ ပတ်သက်လို့ ဗီယက်နမ်၊ ဖိလစ်ပိုင် စတဲ့ အာရှနိုင်ငံတွေ အတော်များများနဲ့ ဖြေရှင်းလို့ မရသေးတဲ့ ပဋိပက္ခတွေ ရှိနေတာ ဖြစ်ပါ တယ်။
VOA
No comments:
Post a Comment