အမေရိကန် ကုမ္ပဏီတစ်ခုသည် အီဘိုလာရောဂါကို ကုသနိုင်ရန် ရည်ရွယ် ထုတ်လုပ်နေသည့် စမ်းသပ်ဆဲ အဆင့် ဆေးဝါးကို အနောက်အာဖရိက နိုင်ငံတစ်ခုသို့ ပေးပို့ခဲ့ကြောင်း သတင်းရရှိသည်။
“အနောက်အာဖရိက နိုင်ငံတစ်ခုဆီက ပန်ကြားမှုကို တုံ့ပြန်တဲ့ အနေနဲ့ ရှိသမျှ ZMapp ဆေးဝါး အားလုံးကို တင်ပို့ခဲ့ပါတယ်”ဟု Mapp Bio ၏ ဝက်ဘ်ဆိုက်တွင် ဖော်ပြထားသည်။ ထို့အပြင် “စမ်းသပ်ဆဲ အဆင့် ဆေး ဝါးဖြစ်တာကြောင့် ZMapp ကို သုံးသင့်၊ မသုံးသင့် ဆိုတာကို သက်ဆိုင်ရာ လူနာတွေကို ကုသနေတဲ့ ဆရာဝန်တွေကသာ ဆုံးဖြတ်ပါမယ်”ဟုလည်း ထည့်သွင်း ကြေညာထားသည်။
အမေရိကန်နှင့် ကနေဒါမှ သုတေသီများသည် ဆေးရွက်ကြီးကို အခြေပြုသည့် ဆေးဝါးတစ်မျိုးကို ဖန်တီး ခဲ့သော်လည်း အရေအတွက် အများအပြား ထုတ်လုပ်ရန် အခက်အခဲများစွာ ကြုံနေရသည်။ Mapp Bio က ZMapp ဆေးဝါးများ တင်ပို့လိုက်သည့် နိုင်ငံ၏ အမည်နှင့် ဆေးဝါးအရေအတွက်ကို ကြေညာခြင်း မရှိချေ။ CNN သတင်းဌာနကမူ စမ်းသပ်ဆဲ ဆေးဝါးများ လက်ခံရရှိသည့် နိုင်ငံမှာ လိုက်ဘေးရီး ယား ဖြစ်နို င်ကြောင်း ဖော်ပြခဲ့သည်။
လတ်တလောတွင် အာဖရိက၌ ရောဂါကူးစက် ခံလာရသည့် အမေရိကန် ကျန်းမာရေးဝန်ထမ်း နှစ်ဦးနှင့် စပိန်မှ သာသနာပြု ပုဂ္ဂိုလ်တစ်ဦးတို့ကို ယင်းဆေးဝါး ထိုးသွင်းပေးထားပြီး ဖြစ်သည်။ လူနာများတွင် စမ်းသပ်ဆဲ ဆေးဝါးများ အသုံးပြုခြင်းသည် ကျင့်ဝတ်ပိုင်းအရ မေးခွန်းထုတ်စရာများ ရှိနေသော်လည်း အီဘိုလာ၏ ခြိမ်းခြောက်မှု မြင့်တက်လာခြင်းကြောင့် ZMapp ကို အားကိုးနေရခြင်း ဖြစ်သည်။ ကမ္ဘာ့ကျန်း မာရေး အဖွဲ့ကြီးသည် ယင်းအခြေအနေနှင့် ပတ်သက်ပြီး ဩဂုတ်(၁၁)ရက်နေ့က အစည်းအဝေး တစ်ရပ် ပြုလုပ်ဆွေးနွေးခဲ့သည်။
လက်ရှိအခြေအနေများအရ ကမ္ဘာပေါ်တွင် အီဘိုလာရောဂါကို ကုသနိုင်သော၊ သို့မဟုတ် ကာ ကွယ်နိုင်သော တရားဝင်ဆေးဝါး မရှိသေးချေ။
Ref: Channelnewsasia
7Day DAILY
No comments:
Post a Comment