ဓါတ်ပုံ - ၆ ထပ် ယူကွန်ဒို ပြိုကျပျက်စီးထားသည်ကိုတွေ့ရစဉ်
ထိုင်းနိုင်ငံအလယ်ပိုင်း ဘန်ကောက်မြို့အနီးရှိ ပထုမ်ထာနီ ခရိုင်တွင် ဩဂတ်စ်လ ၁၁ ရက် ယနေ့ညနေ ပိုင်း ၃ နာရီခန့်က ဆောက်လက်စ ၆ ထပ်တိုက်ပြိုကျသဖြင့် ဆောက်လုပ်ရေးအလုပ်သမား ၃၀ ခန့် တိုက်ပြိုအောက် တွင် ပိမိနေကြောင်း ထိုင်း သတင်းဌာနများ ကထုတ်ပြန်ပါသည်။
ပထုမ်ထာနီမှ ပြည်ထဲရေးဝန်ကြီးဌာန လူထု ဘေးအန္တရာယ် ကာကွယ်ရေးဌာနအကြီးအကဲက အဆိုပါ တိုက်ပြိုကျမှုအောက်တွင် ပိမိနေသူများအား အမြန်ဆုံးကယ်တင်နိုင်ရေးအတွက် သက်ဆိုင်ရာများအား အမိန့်ထုတ် ညွှန်ကြားထားသည်ဟုလည်းဆိုပါသည်။
အဆိုပါ တိုက်သည် ခလောင်းလုံ မြို့နယ် ပထုမ်ထာနီ နည်းပညာတက္ကသိုလ် အနီးတွင်တည်ရှိပြီး အပေါ်ဆုံး အထပ်တွင် ဘိလပ်မြေကွန်ကရစ် ကြမ်းခင်းနေ စဉ် အောက်ထပ်များက အဆိုပါ အလေးဒဏ် မခံနိုင်သဖြင့် ပြိုကျရခြင်းဖြစ်ကြောင်း အစိုးရ၏ဆောက်လုပ်ရေးပိုင်းဆိုင်ရာ က ခန့်မှန်းပြောဆိုပါသည်။
ယူကွန်ဒို ဟုအမည်ရသောအဆိုပါ တိုက်ကို ပလုခ် ပလိုင်း ကုမ္မဏီက တာဝန်ယူဆောက် လုပ်နေ ပြီး ဆောက်လုပ်ရေးအင်္ဂျင်နီယာနှင့်အဖွဲ့မှာ ယနေ့ညနေပိုင်းအထိ တရားဝင် ထုတ်ဖော်ဝန်ခံခြင်း မရှိသေးကြောင်း သတင်းများတွင်ဖော်ပြထားသည်။
သျှမ်းသံတော်ဆင့်
No comments:
Post a Comment