ကံမမြို့တွင် ဗိုလ်ချုပ်နှစ် ၁၀၀ပြည့် မွေးနေ့အတွက် ရန်ပုံငွေ ကောက်ခံပွဲ ထွက်လာသည့် စည်းရုံးရေးကား ကို ဇန်နဝါရီ ၁၉ရက်က တွေ့ရစဉ်။ (ဓာတ်ပုံ-ရေခဲ၊ပြည်)
ဗိုလ်ချုပ်အောင်ဆန်း နှစ် ၁၀၀ပြည့် မွေးနေ့ ကျင်းပနိုင်ရန်အတွက် မကွေးတိုင်း၊ သရက်ခရိုင်၊ ကံမမြို့နယ် တွင် ဇန်နဝါရီ ၁၉ရက် မှ ၂၃ရက်အထိ ငါးရက်တိုင် စည်းရုံးလှုံ့ဆော်ကာ ရန်ပုံငွေရှာသွားမည်ဟု ရန်ပုံငွေ ရှာဖွေရေး အဖွဲ့ဝင်များက ဆိုသည်။
“နောက်လာမယ့် လူငယ်တွေ ဗိုလ်ချုပ်ရဲ့ ကျေးဇူးတွေကို အောက်မေ့ သတိရပြီးတော့ လွတ်လပ်ရေးကို ထိန်းသိမ်းသွားကြဖို့ လိုပါတယ်။”ဟု ကံမမြို့နယ်ဗိုလ်ချုပ်ရာပြည့်ပွဲဖြစ်မြောက်ရေးကော်မတီ အတွင်းရေးမှူး ကိုဇော်ဝင်း ကပြောသည်။
ရန်ပုံငွေအတွက် လှုံ့ဆောင်ပွဲ ပထမရက် ဇန်န၀ါရီလ ၁၉ ရက် နံနက် ၉ နာရီ တွင် အမျိုးသား ဒီမိုကရေစီ အဖွဲ့ချုပ်နှင့် မြို့ခံ အရပ်ဘက် လူမှုအဖွဲ့ အင်အား ၁၀၀ ခန့်က ကံမမြို့ပေါ်ရပ်ကွက် ၄ ခု နှင့်ကျေးရွာအချို့ တို့တွင် လှုံ့ဆော်ရေး ကားများဖြင့် လှည့်လည်ကာ ဗိုလ်ချုပ် သီချင်းများ သီဆိုဖျော်ဖြေ ခဲ့ပြီး လက်ကမ်း စာစောင်ဝေ ငှခြင်း အလှူခံခြင်း များပြုလုပ်ခဲ့သည်။
ဖျော်ဖြေပွဲမှ ရရှိလာသည့်ရန်ပုံငွေများကို ရာပြည့်ပွဲတွင် အသုံးပြုသွား မည်ဖြစ်ပြီး နတ်မောက် မြို့ရာပြည့်ပွဲ သို့လည်း သွားရောက် ပူးပေါင်းရန် စီစဉ် ထားကြောင်း ကံမမြို့နယ် အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဦးမြင့်အောင် ကပြောသည်။
Mizzima - News in Burmese
No comments:
Post a Comment