ပြည်ထောင်စုလွှတ်တော်က သဝဏ်လွှာ ပေးပို့တောင်းဆိုထားသော ခြောက် ပွင့်ဆိုင် တွေ့ဆုံဆွေးနွေးရေး အတွက် တွေ့၊ မတွေ့ကိုအစိုးရအဖွဲ့ အနေနှင့် တိတိကျကျ ဆုံးဖြတ်ထားခြင်း မရှိသေးကြောင်း နိုင်ငံတော် သမ္မတ၏ ပြောရေး ဆိုခွင့်ရှိသူ ဦးရဲထွဋ်က The Voice သို့ ပြောကြားသည်။
အခြေခံဥပဒေ ပြင်ဆင်ရေးအတွက် ခြောက်ပွင့်ဆိုင် တွေ့ဆုံဆွေးနွေးရန် ပြည်ထောင်စုလွှတ်တော်မှ ပေးပို့ ထားသော သဝဏ်လွှာကို အကြောင်းပြန်ကြား ရန် အချိန်တိတိကျကျ ထုတ်ပြော၍ မရနိုင်သေးကြောင်း လည်း ၎င်းက ထပ်လောင်း ပြောကြားသည်။
ပြည်ထောင်စုလွှတ်တော်မှ ပေးပို့ထားသော သဝဏ်လွှာတွင် ဒေါ်အောင်ဆန်း စုကြည်နှင့် တိုင်းရင်းသား များ ကိုယ်စားလှယ် ဒေါက်တာအေးမောင်ကို ရွေးချယ် ထားခြင်းသည် အဖွဲ့အစည်း သို့မဟုတ် လွှတ်တော်ကို ကိုယ်စားပြုထားသည်ဟု တိတိကျကျ ရေးသားထားခြင်း မရှိသောကြောင့် သမ္မတအနေနှင့် စဉ်းစား သုံးသပ် နေရသောကြောင့် မဆုံးဖြတ်ရသေးခြင်း ဖြစ်ကြောင်း ၎င်းကဆိုသည်။
အခြေခံဥပဒေ ပြင်ဆင်နိုင်ရေးအတွက် နိုင်ငံတော်သမ္မတ၊ ကာကွယ်ရေးဦးစီးချုပ်၊ လွှတ်တော်ဥက္ကဋ္ဌနှစ်ဦး နှင့် ဒေါ်အောင်ဆန်းစုကြည် အပါအဝင် တိုင်းရင်း သား ကိုယ်စားလှယ်တစ်ဦးတို့ တွေ့ဆုံရန် အောက်တိုဘာ ၂၅ ရက်က ကျင်းပ သည့် ပြည်ထောင်စုလွှတ်တော်တွင် အတည်ပြုခဲ့ခြင်း ဖြစ်သည်။
ခြောက်ပွင့်ဆိုင်ကဲ့သို့ နိုင်ငံရေး တွေ့ဆုံပွဲအတွက် ကျန်ရှိသည့်တိုင်းရင်းသားပါတီ ၆၀ ကျော်၏ သဘော ထား အခြေအနေများကိုပါ ထည့်သွင်းစဉ်းစားရန် လိုသောကြောင့် လက်တွေ့မကျသဖြင့် ယင်းဆွေးနွေး မှုမှာ ဖြစ်လာနိုင်ဖွယ် မရှိကြောင်း ဦးရဲထွဋ်က သတင်းမီဒီယာ အချို့ကို ယခင်လအတွင်းက ထုတ်ဖော် ပြောကြားထားသည်။
ယင်းအပြင် ပြည်ထောင်စုလွှတ်တော်က တိုက်တွန်းခဲ့သော ခြောက်ပွင့်ဆိုင် တွေ့ဆုံမှုမှာ လက်တွေ့ မကျခြင်း၊ မူဝါဒချင်း မတိုက်ဆိုင်ခြင်းတို့ကြောင့် လတ်တလောတွင် မဖြစ်နိုင်သေးကြောင်း နိုင်ငံတော် သမ္မတ ဦးသိန်းစိန်၏ ပြောရေးဆိုခွင့်သူ ပြန်ကြားရေးဝန်ကြီးဌာန ဝန်ကြီးဦးရဲထွဋ်က RFA သတင်းဌာန နှင့် တွေ့ဆုံစဉ် ပြောဆိုထားသည်။
The Voice Weekly
No comments:
Post a Comment