မြန်မာသံရုံးအထူးအဖွဲ့က လုပ်သားနှစ်ဦး၏ထွက်ဆိုချက်ကို ထိုင်းလူ့အခွင့်အရေး ကောင်စီမှ တာဝန်ရှိသူသို့ ပေးအပ်ပြီးနောက် တွေ့ဆုံစဉ်(ဓာတ်ပုံ - ငြိမ်းချမ်း)
ဖမ်းဆီးခံမြန်မာ လုပ်သားနှစ်ဦးက ပြစ်မှုကျူးလွန်ခဲ့ခြင်းမရှိဟု ထွက်ဆိုခဲ့သည့်စာကို ၎င်း၏မိဘများနှင့် မြန်မာသံရုံးအထူးအဖွဲ့က ထိုင်းနိုင်ငံအစိုးရ ရှေ့နေချုပ်ရုံးနှင့် လူ့အခွင့်အရေး ကောင်စီရုံးသို့ အောက်တို ဘာ ၂၈ ရက်က ပေးပို့ခဲ့ သည်။
ဖမ်းဆီးခံ မြန်မာလုပ်သား နှစ်ဦးသည် အောက်တိုဘာ ၂၄ ရက်က ၎င်း၏ မိဘများ နှင့် တွေ့ ဆုံစကား ပြောရာတွင် ဗြိတိန်စုံတွဲအား ၎င်းတို့ သတ်ဖြတ်ခြင်း မဟုတ်ကြောင်း၊ ထိုင်းရဲတပ်ဖွဲ့က ရိုက်နှက်ဝန်ခံ ခိုင်းသောကြောင့်သာ ၀န်ခံလိုက်ခြင်းဖြစ်ကြောင်း လာရောက်တွေ့ဆုံသော မိဘများထံဝန်ခံထားသည်။
ဖမ်းဆီးခံ မြန်မာလုပ်သား နှစ်ဦးသည် ထိုင်းရဲတပ်ဖွဲ့နှင့် ထိုင်းရဲတပ်ဖွဲ့အား စကားပြန်လုပ် ပေးသူ နှစ်ဦး က ၎င်းတို့ကို အတင်းအကျပ်ဝန်ခံခိုင်းခြင်းဖြစ်ပြီး ၀န်ခံခြင်းမရှိပါက လက်ဖြတ်မည်၊ တာယာကွင်းဖြင့် မီးရှို့ သတ်မည်၊ ပင်လယ် ထဲ မျှောပစ်မည်ဟု ပြောဆိုဝန်ခံခိုင်းကြောင်း ဖမ်းဆီးခံ မြန်မာလုပ်သားနှစ်ဦးက ပြောသည်။
ထိုသို့ ပြောဆိုသော စာကိုထိုင်းနိုင်ငံအစိုးရရှေ့နေချုပ်ရုံးနှင့် လူ့အခွင့်အရေးကောင်စီရုံးသို့ အောက်တိုဘာ ၂၈ ရက်က ပေးပို့ခဲ့ခြင်းဖြစ်သည်။
ထိုင်းနိုင်ငံအစိုးရ ရှေ့နေ ဥက္ကဋ္ဌက တင်ပြစာကို လက်ခံရယူပြီး အမှုမှန် အတိုင်းဖြစ်စေရမည်ဟု ဖမ်းဆီးခံမြန်မာလုပ်သား နှစ်ဦး၏ မိဘများအား ကတိပေးခဲ့သည်။
ထိုင်းနိုင်ငံ အစိုးရရှေ့နေ ချုပ်ရုံးချုပ်သို့ တင်ပြစာပေးပို့အပြီးတွင် ထိုင်းနိုင်ငံ လူ့အခွင့်အရေးရာ ကောင်စီ ထံ သွားရောက်၍ တင်ပြစာ ပေးပို့ခဲ့ခြင်းဖြစ်သည်။ ထိုတင်ပြစာကို လူ့အခွင့်အရေးရာ ကောင်စီအတွင်းရေး မှူးက လက် ခံရယူခဲ့သည်။
‘‘ဒီအမှုမှာ သံသယဖြစ်စရာ တွေ ရှိတယ်။ ဒီမြန်မာနှစ်ယောက် ကျ DNA တူတာလေးနဲ့ တရားခံ လို့ စွပ်စွဲ ထားတယ်။ လူအများပြောနေတဲ့ သူဌေးသားဆိုတဲ့သူကို DNA စစ်ဆေးဖို့ ရဲတပ်ဖွဲ့နှစ်ခါ ချိန်းဆိုတာ နှစ်ခါ စလုံးမလာဘူး’’ဟု လူ့အခွင့်အရေးရာကောင်စီ အတွင်းရေးမှူးက ပြောသည်။
‘‘ဒီနေ့ စာတင်ပြခဲ့တာကို ကျေနပ်မှုရှိပါတယ်။ အားလုံးက အမှုမှန်အတွက် ၀ိုင်းဝန်းလုပ်ပေး ကြမယ်ဆိုရင် အမှုမှန်ပေါ်ပေါက် မှာပါ။ အခုက ကျွန်တော့် သားက တရားခံမဟုတ်ဘဲ ခံနေရတာကိုတော့ လက်မခံပါဘူး’’ ဟု ဖမ်း ဆီးခံထားရသော ၀င်းဇော်ထွန်း ၏ဖခင်ဦးထွန်းထွန်းထိုက်က ပြောကြားသည်။
ဖမ်းဆီးခံ မြန်မာလုပ်သား နှစ်ဦး၏ အမှုတွဲကို ထိုင်းနိုင်ငံဆိုင်ရာ မြန်မာသံအမတ်ကြီး ဦးဝင်းမောင်က ထိုင်းနိုင်ငံ ရှေ့နေများကောင်စီထံသို့ အောက်တိုဘာ ၂၉ ရက်(ယနေ့)တွင် တရားဝင်ပေးအပ်သွား မည်ဖြစ် သည်။
ဗြိတိန်စုံတွဲ အသတ်ခံရမှု ကြောင့် အမှုမှန်အတိုင်း ဖြစ်စေရန် ဗြိတိန်စုံထောက် အဖွဲ့သည်အောက်တိုဘာ ၂၅ ရက်တွင် အခင်းဖြစ်ပွားရာ လိပ်ကျွန်းသို့ ကိုယ်ပိုင် ဂျက်လေယာဉ်ဖြင့် တိတ်တဆိတ်လာရောက် စစ် ဆေးနေသည်။ ထိုင်းရဲတပ်ဖွဲ့ သည် ဗြိတိန်စုံတွဲကို သတ်သည်ဟု စွပ်စွဲထားသည့် မြန်မာလုပ်သားနှစ်ဦး၏ အမှုတွဲကို တရားရုံးသို့တင်ရန် ကြိုးစားနေဆဲဖြစ်ပြီး တရားရုံးသို့ တင်နိုင်ခြင်း မရှိသေးပေ။
7Day DAILY
No comments:
Post a Comment