သံတွဲမြို့ မီးရှို့မှု ဖြစ်ပွားစဉ်က
ရခိုင်ပြည်နယ်၊ သံတွဲမြို့မှာ ညမထွက်ရအမိန့် ပုဒ်မ ၁၄၄ ရုပ်သိမ်းလိုက်တာကို မြို့ခံတွေက ကြိုဆိုကြပြီး မြို့လုံခြုံရေး အခြေအနေလည်း ကောင်းတယ်လို့ ပြောကြပါတယ်။
ပြည်နယ်အစိုးရက သံတွဲမြို့ လုံခြုံရေးအခြေအနေ တိုးတက်ကောင်းမွန်တဲ့ အတွက် အောက်တိုဘာ ၂၈ ရက်ကစပြီး ညမထွက်ရအမိန့် ရုပ်သိမ်းခဲ့ပါတယ်။
သံတွဲမြို့ မီးရှို့မှု ဖြစ်ပွားစဉ်က
သံတွဲမြို့ခံ ဦးဝင်းနိုင်က “ပြီးခဲ့တဲ့နှစ် ဇွန်လကုန်ကတည်းက ပုဒ်မ ၁၄၄ ထုတ်ခဲ့တာဗျ။ သံတွဲမြို့ အခြေ အနေက ကောင်းနေပါပြီ၊ အခုအချိန်လောက်ဆို ရုပ်သင့်ပြီလေ။ ဘာဖြစ်လို့လဲဆိုတော့ နိုင်ငံခြားသား ခရီးသွား လုပ်ငန်းတွေမှာ အနှောင့်အယှက် ဖြစ်နေတယ်လေ။ ဒေသခံ တောင်သူလယ်သမားတွေ အရောင်းအ၀ယ်လုပ်ဖို့ သွားဖို့ လာဖို့တွေ ကိစ္စတွေမှာ တော်တော် အခက်အခဲ ဖြစ်တယ်လေ။ မြို့လုံခြုံရေး ပိုပြီး လုပ်ဆောင်လာနိုင်တာလည်း တွေ့ရတယ်။ ပဋိပက္ခတွေဟာ ပြည်နယ်ဖွံ့ဖြိုးကို ထိခိုက် စေနိုင်တယ် ဆိုတာကိုလည်း ဒေသခံတွေ သိလာကြတာလည်း ပါတယ်။ ပြည်သူတွေက တော်တော်လေး သဘော ပေါက်လာကြပြီ” လို့ ပြောပါတယ်။
သံတွဲမြို့မှာ ညမထွက်ရအမိန့် ရုပ်သိမ်းခဲ့ပေမယ့် ပြည်နယ်အတွင်းက မောင်တော၊ ဘူးသီးတောင်၊ မြေပုံနဲ့ မင်းပြားမြို့တို့မှာတော့ ညမထွက်ရအမိန့် ဆက်လက်ထုတ်ပြန်ထားတုန်း ဖြစ်ပါတယ်။
မောင်တောမြို့က တိုင်းရင်းသားစီးပွားရေးလုပ်ငန်းရှင် ဦးလှမြင့်က “မောင်တောမှာတော့ ပုဒ်မ ၁၄၄ ဆက်ထုတ်ထားဖို့ လိုဦးမယ်လို့ မြင်တယ်။ ဘာလို့လဲဆိုတော့ လုံခြုံရေးအပိုင်းမှာ အားနည်းချက်တွေ ရှိနေသေးတယ်။ ဒီမှာက ဘင်္ဂါလီများတော့ လုံခြုံးရေးပိုင်းက ကိုင်တွယ်ရခက်တာတွေလည်း ရှိတာ တွေ့ရတယ်။ ပြီးတော့ ၁၄၄ ထုတ်ပြီးကတည်းက မြို့မှာ ညဘက် ခိုးတာတို့၊ လုတာတို့ကအစ အဲ့ဒါတွေ ပျောက်သွားတယ်။ အိမ်ဖောက်ထွင်းတာတို့ ဘာတို့ မရှိသလောက် ဖြစ်သွားတယ်။ ဒေသခံ တိုင်းရင်းသားတွေ ကတော့ ၁၄၄ ထုတ်ထားတာ ထောက်ခံတယ်။ ရုပ်သိမ်းဖို့တော့ ဖြစ်နိုင်မယ် မထင်ဘူး။ ညမထွက်ရအမိန့်က ည ၁၁ နာရီကနေ မနက် ၄ နာရီအထိ ထုတ်ထားတာဆိုတော့ မြို့ကလည်း ၂၄ နာရီ မီးလာတာ မဟုတ်ဘူးလေ။ မြို့ခံတွေအတွက် သိပ်တော့ အခက်အခဲ မရှိဘူး” လို့ ပြောပါတယ်။
ရခိုင်ပြည်နယ်မှာ ၂၀၁၂ ခုနှစ် မေလ ၂၈ ရက်နေ့က ရမ်းဗြဲမြို့နယ် ကျောက်နီမော်ဒေသခံ မသီတာထွေး အဓမ္မကျင့်၊ ပစ္စည်းလု၊ သတ်ဖြတ်ခံရပြီးနောက် ပဋိပက္ခတွေ ဆက်တိုက်ဖြစ်ပွားခဲ့တာပါ။
ဒီသတ်ဖြတ်မှု ဖြစ်ပြီးတဲ့နောက် ရခိုင်ပြည်နယ်အတွင်း နေအိမ်မီးရှို့မှုတွေနဲ့ သတ်ဖြတ်မှုတွေ ဆက်တိုက်ဖြစ် ခဲ့ပြီး မြို့နယ်အတော်များများမှာ ညမထွက်ရအမိန့်တွေ ထုတ်ပြန်ခဲ့ပါတယ်။ ပဋိပက္ခတွေကြောင့် လူပေါင်း ၁ သိန်း ၄ သောင်းကျော် ဒုက္ခသည်ဖြစ်ခဲ့ကြပါတယ်။
DVB
No comments:
Post a Comment