မီဒီယာ လွတ်လပ်ခွင့် ရရှိရေး အတွက် ၂၀၁၂ ခုနှစ်အတွင်းက ဆန္ဒဖော်ထုတ်နေကြသော သတင်းမီဒီယာ သမားများ ( ဓာတ်ပုံ – ဂျေပိုင်/ ဧရာဝတီ)
ပုံနှိပ်ခြင်းနှင့် ထုတ်ဝေခြင်း လုပ်ငန်းဥပဒေ၏ နောက်ဆက်တွဲ နည်းဥပဒေများကို ပြန်ကြားရေး ၀န်ကြီး ဌာနက ဦးဆောင်ရေးဆွဲပြီး ၄င်းတို့၏ လုပ်ပိုင်ခွင့်ကို တိုးမြှင့်လိုက်ကြောင်း သတင်းမီဒီယာ အသိုင်းအ၀ိုင်း က ပြောသည်။
ပြန်ကြားရေး ၀န်ကြီးဌာနက ဧပြီ ၄ ရက်တွင် နေပြည်တော်ရှိ ပြန်ကြားရေး ၀န်ကြီးဌာနရုံး၌ ပြည်တွင်း စာနယ်ဇင်း အဖွဲ့အစည်း များနှင့် ပုံနှိပ်ထုတ်ဝေရေး လုပ်ငန်းရှင်များကို ခေါ်ယူပြီး ပုံနှိပ်ခြင်းနှင့် ထုတ်ဝေခြင်း လုပ်ငန်းဥပဒေ၏ နောက်ဆက်တွဲ နည်းဥပဒေများကို ဦးဆောင် ရှင်းလင်းမှုများ ပြုလုပ်ခြင်းသည် ၎င်းတို့၏ လုပ်ပိုင်ခွင့် တိုးမြှင့်လိုက်ခြင်း ဖြစ်ကြောင်း ရှင်းလင်းပွဲ တက်ရောက်ခဲ့သူများက ပြောဆိုကြသည်။
ပြန်ကြားရေး ၀န်ကြီးဌာနက ဦးဆောင် ရေးဆွဲထားသည့် ပုံနှိပ်ခြင်းနှင့် ထုတ်ဝေခြင်း လုပ်ငန်းနည်းဥပဒေ များတွင် မီဒီယာ လွတ် လပ် ခွင့်ကို သွယ်ဝိုက်၍ထိခိုက်နိုင်သည့် အချက်အလက်များ ပါဝင်နေသည်ဟု သတင်း မီဒီယာအရေး လှုပ်ရှားသူများကလည်း ထောက် ပြကြသည်။
သတင်း မီဒီယာလုပ်ငန်း လုပ်ကိုင်ခွင့် ရရှိရန် အသိအမှတ်ပြု လက်မှတ်လျှောက်ထားရာ တွင် ပြန် ကြားရေးနှင့် ပြည်သူ့ဆက်ဆံရေး ဦးစီးဌာန ခရိုင်ရုံးများသို့ လျှောက်ထားခိုင်းခြင်းမှာ သမားရိုးကျ မဟုတ်ကြောင်း၊ ယင်းသို့ လျှောက်ထားခွင့်ကို အသိအမှတ်ပြု လက် မှတ်ထုတ် ပေးမည့်ဌာနသို့သာ တိုက် ရိုက် လျှောက်ထားခိုင်းသင့်ကြောင်း မြန်မာဂျာနယ်လစ် ကွန်ရက်(MJN)၏ အလုပ်အမှုဆောင် တဦးဖြစ် သူ ဦးနိုင်မင်းဝေက ပြောသည်။
“မြန်မာ ဂျာနယ်လစ် ကွန်ရက် အနေနဲ့က သတင်းစာ လွတ်လပ်ခွင့်အတွက် တင်ပြဆွေးနွေးမှုတွေ ဆက် လုပ်သွားမယ်”ဟုလည်း ၎င်းက ဆိုသည်။
ခရိုင်ရုံးတွင် အဆင့်ဆင့် လျှောက်ထားရမည့် ကိစ္စမှာ စားပွဲ အဆင့်ဆင့်သို့ ပြောင်းလျှောက်ရမည့် ပုံစံ ဖြစ်နေ ပြီး ခရိုင်အဆင့်က တာဝန်ခံခိုင်းခြင်းမှာ မီဒီယာကို အဆင့်နိမ့်ထားသည့် ပုံစံမျိူး ဖြစ်နေသည်ဟု သတင်းမီဒီယာ သမားများက သုံးသပ်ကြသည်။
ယင်းအပြင် မီဒီယာလုပ်ငန်း အမည်နှင့် တံဆိပ်အမှတ်အသားတို့ကို အင်္ဂလိပ် ဘာသာဖြင့် ဖော်ပြပါက စကားရပ်များ ပြောင်းလဲ သတ်မှတ်သည့် ဥပဒေနှင့်အညီ ဖော်ပြရမည်ဟု ပါရှိပြီး မြန်မာ ဘာ သာဖြင့် ဖော်ပြ ပါက မြန်မာစာအဖွဲ့က ထုတ်ပြန်ထားသည့် မြန်မာ စာလုံးပေါင်း သတ်ပုံကျမ်းနှင့် အညီ ဖော်ပြ ရမည်ဟု သတ်မှတ်ထားသည်။
“ကိုယ့် သတင်းစာကို ကိုယ့်ဘာသာ လွတ်လွတ်လပ်လပ် နာမည်ပေးလို့ မရဘူးလား”ဟု ပြည်တွင်း သတင်းစာဆရာ တဦးက မေး ခွန်းထုတ်သည်။
ယင်းသို့ဆိုလျှင် ပြည်တွင်း၌ ဂျာနယ် ထုတ်ဝေဖြန့်ချိနေသော The Irrawaddy သတင်းဂျာနယ်ကို The Ayeyarwady သတင်းဂျာနယ်သို့ ပြောင်းလဲ သတ်မှတ်ရတော့မည်လားဟု မေးခွန်း ထုတ် စရာ ဖြစ် လာကြောင်းလည်း ဆိုသည်။
ယင်းဥပဒေ၏ အဓိပ္ပာယ် ဖွင့်ဆိုချက်တွင် ဥပဒေ ၊ လုပ်ငန်း၊ နိုင်ငံသား၊ နိုင်ငံခြားသား၊ ဦးစီဌာန၊ ခရိုင်ရုံး၊ ပုံစံ၊ သတင်းစာ၊ ဂျာနယ်၊ မဂ္ဂဇင်းနှင့် အထွေထွေ ထုတ်ဝေစာ တို့၏ အဓိပ္ပာယ်ဖွင့် ဆိုချက်ကို ဖော်ပြ ထားသော်လည်း သတင်းအေဂျင်စီ၏ အဓိပ္ပာယ် ဖွင့်ဆိုချက် ကို ဖော်ပြထားခြင်း မရှိကြောင်း တွေ့ရသည်။
သတင်းစာ ထုတ်ဝေခြင်းလုပ်ငန်း လျှောက်ထားပါက ရင်းနှီးမြှုပ်နှံမှု အခြေအနေ၊ အစုစပ်၊ အသင်းအဖွဲ့၊ ကုမ္ပဏီ ဖြစ်ပါက ရင်းနှီးမြှပ်နှံမှု အချိုးအစား၊ ဖွဲ့စည်းမှုနှင့် လုပ်ငန်းဆောင်ရွက်မည့် အစီအစဉ်တို့ကို တင်ပြ ခိုင်းခြင်းတို့ ပါရှိသည်။
ယင်းအပြင် လုပ်ငန်း အသိအမှတ်ပြု လက်မှတ်ရရှိသူ သေဆုံးခြင်း၊ လုပ်ငန်း လွှဲပြောင်းခြင်း၊ အစုရှယ်ယာ ပိုင်ဆိုင်မှု အများစု ပြောင်း လဲခြင်း ၊ လုပ်ငန်း လုပ်ကိုင်နိုင်စွမ်း မရှိခြင်း၊ လုပ်ငန်းနှင့် သက်ဆိုင်သော ကုမ္ပဏီ သို့မဟုတ် အဖွဲ့အစည်း ဖျက်သိမ်းခြင်း၊ တည်ဆဲ ဥပဒေ တရပ်ရပ် အရ လုပ်ငန်း ရုပ်သိမ်း ခံရလျှင် ပြန်လည် အသိမ်းခံရမည်ဟု ထည့်သွင်းပြဌာန်းလိုက်ခြင်းသည် ပြန်ကြား ရေး ဌာန၏ လုပ်ပိုင် ခွင့်ကို တိုးမြှင့်လိုက်ခြင်း ဖြစ်သည်ဟု မီဒီယာ အသိုင်းအ၀ိုင်းက ယူဆကြောင်း ပြောသည်။
ထုတ်ဝေလျက် ရှိသည့် သတင်းစာ၊ ဂျာနယ်များကို အဖိုးအခလွတ် ခရိုင်ရုံးများသို့ ပေးပို့ရမည့် ထည့် သွင်း ပြဌာန်းချက်သည် ပြန်ကြားရေး ၀န်ကြီးဌာနက သတင်းစာ၊ ဂျာနယ် ၊ မဂ္ဂဇင်းများ ၀ယ်ယူရန်ပင် ဘတ် ဂျက် အခက်အခဲ ဖြစ်နေပြီလားဟုလည်း ၎င်းတို့က ပြောဆိုသည်။
ပြန်ကြားရေး ၀န်ကြီးဌာနက ရေးဆွဲသော အဆိုပါ ပြဌာန်းချက်များကို သတင်းမီဒီယာ သမားများက မကြိုက်နှစ် သက်ပါက အကြံပြုနိုင်သော်လည်း အဆုံးအဖြတ်ပေးမည်မှာ လွှတ်တော် သာဖြစ်ကြော င်း နေပြည်တော် တွင် မီဒီယာသမားများနှင့် တွေ့ဆုံစဉ် ပြန်ကြား ရေး ၀န်ကြီးဌာနက ပြော ဆိုကြောင်း သိရသည်။
ဧရာဝတီ
No comments:
Post a Comment