Thursday 20 February 2014

အစိုးရ အရပ်ဘက်ဝန်ထမ်းများ အချိန်ပိုကြေးရရှိရေး ဆွေးနွေးမည်

Photo: အစိုးရ အရပ်ဘက်ဝန်ထမ်းများ အချိန်ပိုကြေးရရှိရေး ဆွေးနွေးမည်
Thursday, February 20, 2014

အစိုးရ အရပ်ဘက်ဝန်ထမ်းများ အချိန်ပိုလုပ်ခရရှိနိုင်ရေး တိုင်းအစိုးရက ဆောင်ရွက်ပေးရန်အဆိုကို လပွတ္တာမြို့နယ် တိုင်းလွှတ်တော်ကိုယ်စားလှယ် ဦးဇော်ဝင်းက ဖေဖော်ဝါရီ ၁၉ ရက် ဧရာဝတီတိုင်း လွှတ်တော်အစည်းအဝေးတွင် အဆိုတင်သွင်းလိုက်သည်။

“တပ်မတော်အစိုးရလက်ထက်မှာ ၀န်ထမ်းအားလုံးသည် ၂၄ နာရီ တာဝန်ရှိသည်ဆိုပြီး နေ့ညမဟူ လို အပ်သလို ခေါ်ယူစေခိုင်းခဲ့ပါတယ်။ လက်နက်ကိုင်ဝန်ထမ်းများသာ မဟုတ်ဘဲ အရပ်ဘက်ဆိုင်ရာဝန် ထမ်းများပါ အချိန်ပိုစေခိုင်းခြင်းများ၊ အချိန်မဲ့ ခေါ်ယူစေခိုင်းခြင်းများ ရှိခဲ့ပါတယ်။ ယခင် စစ်အုပ်ချုပ်ရေး ကာလဖြစ်သည့်အတွက် အမိန့်နာခံခြင်းက အဓိကမို့ ဘာမှပြောစရာမလိုပါဘူး။ ဒီနေ့ ပြောင်းလဲလာ တယ်။ အစိုးရပြောင်းလဲလာတဲ့ အုပ်ချုပ်ရေးစနစ်မှာ ဒီပုံစံကို သယ်ယူ ကျင့်သုံးနေတာ ရှိနေဆဲပါ”ဟု ၎င်းက လွှတ်တော်သို့ အဆိုတင်ရာတွင် ပြောသည်။

လက်ရှိတွင် ဧရာဝတီတိုင်းအတွင်းရှိ ကာကွယ်ရေးနှင့် ပြည်ထဲရေးဝန်ထမ်းမဟုတ်သည့် အစိုးရစက်ရုံ၊ အလုပ်ရုံများအပါအ၀င် အခြားသော ဌာနဆိုင်ရာအသီးသီးမှ ၀န်ထမ်းများသည် အချိန်ပိုကြေးမရှိဘဲ ရုံး ချိန်ပြင်ပ ခိုင်းစေမှုများ၊ အလုပ်ပိတ်ရက်၊ ရုံးပိတ်ရက်များတွင်လည်း အချိန်ပိုကြေးမရဘဲ အလုပ်ဆင်းနေ ရမှုများရှိနေပြီး ၀န်ထမ်းထုကြားတွင် ဝေဖန်ပြောဆိုသံများ ကြားလာရသည့်အပြင် ယင်းတို့ နစ်နာနေမှု များကို ဖြေရှင်းပေးစေလိုကြောင်းလည်း တောင်းဆိုမှုများရှိနေသည်ဟု ၎င်းက ဆိုသည်။

“၀န်ထမ်းတွေအပေါ်မှာ ဥပဒေအရ ပေးခွင့်ရှိတဲ့ အခွင့်အရေးမှန်သမျှကို ပြည့်ပြည့်၀၀ ပေးသင့်ပါတယ်။ ၀န်ထမ်းတွေဘက်က ထောက်ပြစရာ အားနည်းချက်တစ်ခုဖြစ်နေတဲ့ အချိန်ပိုစေခိုင်းခြင်းနဲ့ အချိန်မဲ့ခိုင်း စေခြင်းများကို ဥပဒေနှင့်အညီ ခိုင်းစေခြင်းများနဲ့ ချေဖျက်နိုင်ပါတယ်”ဟု ဦးဇော်ဝင်းက လွတ်တော်သို့ အဆိုတင်ရာတွင် ပြောဆိုသည်။

၎င်းအဆိုနှင့်ပတ်သက်ပြီး အိမ်မဲမြို့နယ် တိုင်းကိုယ်စားလှယ် ဦးမန်းငြိမ်းရွှေက ထောက်ခံကြောင်း လွှတ် တော်သို့ ပြောဆိုခဲ့ပြီး တိုင်းအစိုးရအဖွဲ့ဝင် စည်ပင်သာယာရေးနှင့် အလုပ်သမားဝန်ကြီး ဦးကျော်ဝင်းနိုင် ကလည်း လွှတ်တော်တွင် ဆွေးနွေးရန် ထောက်ခံခဲ့သည်။ ယင်းအဆိုကို ဖေဖော်ဝါရီလ ၂၆ ရက်တွင် တိုင်းလွှတ်တော်တွင် ဆက်လက် ဆွေးနွေးမည် ဖြစ်သည်။

အဆိုရှင်ဦးဇော်ဝင်း၏ တင်ပြဆွေးနွေးချက်တွင် အရပ်ဘက်ဝန်ထမ်းများကို အလုပ်သမားအခွင့်အရေး များနှင့်အညီ အချိန်ပိုကြေးများ ခံစားရရှိမှု ကင်းမဲ့နေခြင်းကြောင့် အချိန်ပိုလုပ်အားခများ ရရှိရေးကို တိုင်း အစိုးရက စီမံဆောင်ရွက်ပေးစေလိုကြောင်း၊ အရပ်ဘက်ဆိုင်ရာဝန်ထမ်းများ အချိန်ပိုစေခိုင်းခြင်းများ၊ အချိန်မဲ့ခေါ်ယူစေခိုင်းမှုများ၊ ပြည်သူ့ဝန်ထမ်းများသည် အစိုးရထံ အလုပ်လုပ်နေတဲ့ အလုပ်သမားများဖြစ် ပြီး၊ အလုပ်သမားအခွင့်အရေးများ၊ ရသင့်ရထိုက်သည်များ၊ ဥပဒေပါ ခံစားခွင့်များ ရသင့်သည်ဟု ပါရှိသည်။

စည်သူမောင်မောင်
Mizzima - News in Burmese
အစိုးရ အရပ်ဘက်ဝန်ထမ်းများ အချိန်ပိုလုပ်ခရရှိနိုင်ရေး တိုင်းအစိုးရက ဆောင်ရွက်ပေးရန်အဆိုကို လပွတ္တာမြို့နယ် တိုင်းလွှတ်တော်ကိုယ်စားလှယ် ဦးဇော်ဝင်းက ဖေဖော်ဝါရီ ၁၉ ရက် ဧရာဝတီတိုင်း လွှတ်တော်အစည်းအဝေးတွင် အဆိုတင်သွင်းလိုက်သည်။

“တပ်မတော်အစိုးရလက်ထက်မှာ ၀န်ထမ်းအားလုံးသည် ၂၄ နာရီ တာဝန်ရှိသည်ဆိုပြီး နေ့ညမဟူ လို အပ်သလို ခေါ်ယူစေခိုင်းခဲ့ပါတယ်။ လက်နက်ကိုင်ဝန်ထမ်းများသာ မဟုတ်ဘဲ အရပ်ဘက်ဆိုင်ရာဝန် ထမ်းများပါ အချိန်ပိုစေခိုင်းခြင်းများ၊ အချိန်မဲ့ ခေါ်ယူစေခိုင်းခြင်းများ ရှိခဲ့ပါတယ်။ ယခင် စစ်အုပ်ချုပ်ရေး ကာလဖြစ်သည့်အတွက် အမိန့်နာခံခြင်းက အဓိကမို့ ဘာမှပြောစရာမလိုပါဘူး။ ဒီနေ့ ပြောင်းလဲလာ တယ်။ အစိုးရပြောင်းလဲလာတဲ့ အုပ်ချုပ်ရေးစနစ်မှာ ဒီပုံစံကို သယ်ယူ ကျင့်သုံးနေတာ ရှိနေဆဲပါ”ဟု ၎င်းက လွှတ်တော်သို့ အဆိုတင်ရာတွင် ပြောသည်။

လက်ရှိတွင် ဧရာဝတီတိုင်းအတွင်းရှိ ကာကွယ်ရေးနှင့် ပြည်ထဲရေးဝန်ထမ်းမဟုတ်သည့် အစိုးရစက်ရုံ၊ အလုပ်ရုံများအပါအ၀င် အခြားသော ဌာနဆိုင်ရာအသီးသီးမှ ၀န်ထမ်းများသည် အချိန်ပိုကြေးမရှိဘဲ ရုံး ချိန်ပြင်ပ ခိုင်းစေမှုများ၊ အလုပ်ပိတ်ရက်၊ ရုံးပိတ်ရက်များတွင်လည်း အချိန်ပိုကြေးမရဘဲ အလုပ်ဆင်းနေ ရမှုများရှိနေပြီး ၀န်ထမ်းထုကြားတွင် ဝေဖန်ပြောဆိုသံများ ကြားလာရသည့်အပြင် ယင်းတို့ နစ်နာနေမှု များကို ဖြေရှင်းပေးစေလိုကြောင်းလည်း တောင်းဆိုမှုများရှိနေသည်ဟု ၎င်းက ဆိုသည်။

“၀န်ထမ်းတွေအပေါ်မှာ ဥပဒေအရ ပေးခွင့်ရှိတဲ့ အခွင့်အရေးမှန်သမျှကို ပြည့်ပြည့်၀၀ ပေးသင့်ပါတယ်။ ၀န်ထမ်းတွေဘက်က ထောက်ပြစရာ အားနည်းချက်တစ်ခုဖြစ်နေတဲ့ အချိန်ပိုစေခိုင်းခြင်းနဲ့ အချိန်မဲ့ခိုင်း စေခြင်းများကို ဥပဒေနှင့်အညီ ခိုင်းစေခြင်းများနဲ့ ချေဖျက်နိုင်ပါတယ်”ဟု ဦးဇော်ဝင်းက လွတ်တော်သို့ အဆိုတင်ရာတွင် ပြောဆိုသည်။

၎င်းအဆိုနှင့်ပတ်သက်ပြီး အိမ်မဲမြို့နယ် တိုင်းကိုယ်စားလှယ် ဦးမန်းငြိမ်းရွှေက ထောက်ခံကြောင်း လွှတ် တော်သို့ ပြောဆိုခဲ့ပြီး တိုင်းအစိုးရအဖွဲ့ဝင် စည်ပင်သာယာရေးနှင့် အလုပ်သမားဝန်ကြီး ဦးကျော်ဝင်းနိုင် ကလည်း လွှတ်တော်တွင် ဆွေးနွေးရန် ထောက်ခံခဲ့သည်။ ယင်းအဆိုကို ဖေဖော်ဝါရီလ ၂၆ ရက်တွင် တိုင်းလွှတ်တော်တွင် ဆက်လက် ဆွေးနွေးမည် ဖြစ်သည်။

အဆိုရှင်ဦးဇော်ဝင်း၏ တင်ပြဆွေးနွေးချက်တွင် အရပ်ဘက်ဝန်ထမ်းများကို အလုပ်သမားအခွင့်အရေး များနှင့်အညီ အချိန်ပိုကြေးများ ခံစားရရှိမှု ကင်းမဲ့နေခြင်းကြောင့် အချိန်ပိုလုပ်အားခများ ရရှိရေးကို တိုင်း အစိုးရက စီမံဆောင်ရွက်ပေးစေလိုကြောင်း၊ အရပ်ဘက်ဆိုင်ရာဝန်ထမ်းများ အချိန်ပိုစေခိုင်းခြင်းများ၊ အချိန်မဲ့ခေါ်ယူစေခိုင်းမှုများ၊ ပြည်သူ့ဝန်ထမ်းများသည် အစိုးရထံ အလုပ်လုပ်နေတဲ့ အလုပ်သမားများဖြစ် ပြီး၊ အလုပ်သမားအခွင့်အရေးများ၊ ရသင့်ရထိုက်သည်များ၊ ဥပဒေပါ ခံစားခွင့်များ ရသင့်သည်ဟု ပါရှိသည်။

စည်သူမောင်မောင်
Mizzima - News in Burmese

No comments:

Post a Comment