ထိုင်းနိုင်ငံ လိပ်ကျွန်းမှာ ဗြိတိန်စုံတွဲကို သတ်ခဲ့တယ် ဆိုတဲ့စွပ်စွဲချက်နဲ့ ဖမ်းခံထားရတဲ့ မြန်မာနှစ်ဦးရဲ့ သူငယ်ချင်းဖြစ်ပြီး ဒီဖြစ်စဉ်မှာ ထိုင်းအစိုးရက သက်သေအဖြစ် ထိန်းသိမ်းထားတဲ့ မောင်မောင်ကို မြန်မာ ကိုယ်စားလှယ် အဖွဲ့ ဒီနေ့ Kohsamuai မြို့မှာ တွေ့ခွင့်ရခဲ့ပါတယ်။
မောင်မောင်နဲ့ တွေ့တဲ့အချိန်မှာ ထိုင်းရဲနဲ့ ဘာသာပြန် ရန်ကုန်မှာနေခဲ့တဲ့ သားကြီးဆိုတဲ့လူ ရှိနေတယ်လို့ မြန်မာကိုယ်စားလှယ်အဖွဲ့ဝင် ဦးမင်းဦးက ပြောပါတယ်။
ကိုယ်စားလှယ်အဖွဲ့က မေးခွန်းတွေ လွတ်လွတ်လပ်လပ် မေးခွင့်ရပေမယ့် မောင်မောင် ပြန်ဖြေတဲ့ နေရာ မှာ တုံ့ဆိုင်းမှုရှိတယ်လို့ ကိုယ်စားလှယ်အဖွဲ့ဝင်တွေ ဆီကနေ သိရပါတယ်။
အမှုနဲ့ ပတ်သက်ပြီး စစ်ဆေးတဲ့အခါ ရိုက်နှက်မှုရှိလား ဆိုတာကို မေးတဲ့အချိန်မှာ ရဲကို တစ်ချက်ကြည့် ပြီးတော့ မရှိ ဘူး လို့ ပြန်ဖြေတယ်လို့ အဲဒီအဖွဲ့ဝင်တွေ ဆီကနေ သိရပါတယ်။
ဗြိတိန်စုံတွဲ အသတ်ရတဲ့ ညမှာ အခုအဖမ်းခံထားရတဲ့ ဇော်လင်း၊ ဝင်းဇော်ထွန်းတို့နဲ့ အတူ အခင်းဖြစ်ပွားရာ အနီး ကမ်းခြေမှာ ဘီယာ သောက်ခဲ့ကြတယ်လို့ မောင်မောင်က ပြောတယ်လို့ ဦးမင်းဦးက ပြန်ပြောပြပါ တယ်။ အဲဒီနေ့(စက်တင်ဘာလ ၁၄) ည ၁၁နာရီလောက်မှာ သူတို့ဟာ အလုပ်ပြီးလို့ ကမ်းခြေကို လာပြီး ဂီတာတီးတယ်။ မောင်မောင်က အခြားကိစ္စရှိတဲ့အတွက် ညဥ့် ၁၂ နာရီကျော်လောက်မှာ အဲဒီနေရာက ထွက်လာခဲ့ပြီး ဇော်လင်းနဲ့ ဝင်းဇော်ထွန်းတို့က ကျန်ခဲ့တယ်လို့ ဦးမင်းဦးက ပြန်လည် ပြောဆိုပါတယ်။
နောက်နေ့မနက် (စက်တင်ဘာ ၁၅) ရက်နေ့မှာ ဗြိတိန်စုံတွဲ အသတ်ခံရတယ်ဆိုတဲ့ သတင်းတွေ ထွက် လာတဲ့ အချိန်မှာ ဇော်လင်းနဲ့ ဝင်းဇော်ထွန်းဟာ အိပ်နေကြတယ်။ သူတို့ ပြန်နိုးလာတဲ့အချိန်မှာ မျက်နှာ အမှုအယာက ပုံမှန်အတိုင်းပဲ။ လူသတ်မှု ကျူးလွန်ခဲ့မယ်လို့ မထင်ဘူးလို့ မောင်မောင်က ပြောတယ်လို့ ဦးမင်းဦးက ရှင်းပြပါတယ်။
မောင်မောင်ဟာ ဇော်လင်းနဲ့ ဝင်းဇော်ထွန်းတို့ကို ဘယ်လို အမှုတွေနဲ့ အမှုဖွင့်ထားတယ် ဆိုတာတွေကို မသိဘူးလို့ သူက ဆက်ပြောပါတယ်။
မြန်မာကိုယ်စားလှယ် အဖွဲ့ဟာ မောင်မောင်ကို တွေ့ခွင့်ရဖို့ အောက်တိုဘာလ ၆ ရက်နေ့က တောင်း ဆိုပေ မယ့် တွေ့ခွင့်မရခဲ့ပါဘူး။
ထိုင်းနိုင်ငံသို့ လာရောက်လည်ပတ်တဲ့ ဗြိတိန်နိုင်ငံသား David Miller နဲ့ ဗြိတိန်နိုင်ငံသူ Hannah Witheridge တို့နှစ်ဦးဟာ လိပ်ကျွန်းကမ်းခြေမှာ အသတ်ခံရပြီး စက်တင်ဘာ ၁၅ နေ့က အလောင်းတွေကို တွေ့ရှိခဲ့တာပါ။
The Voice Weekly
No comments:
Post a Comment