လိပ်ကျွန်း လူသတ်မှု အဓိကမျက်မြင်ဟု ထိုင်းအစိုးရက သက်သေအဖြစ် ရွေးထားသော မောင်မောင်က အဆိုပါ လူသတ်မှုကို မိမိအနေဖြင့် မြင်လည်းမမြင်၊ သိလည်း မသိကြောင်း ပြောကြားသည်ဟု ထိုင်းနိုင်ငံ ရောက် မြန်မာနိုင်ငံ သားများ အသင်း တာဝန်ရှိသူ ဦးကျော်သောင်းက News Watch ကို ပြောသည်။
ယနေ့ အောက်တိုဘာ ၈ ရက်နေ့ ထိုင်းစံတော်ချိန် နံနက် ၁၀ နာရီ ၅၅ မိနစ်ခန့်မှ ၁၂ နာရီ ၁၀ မိနစ်ခန့်ထိ မောင်မောင်နှင့်တွေ့ဆုံရခဲ့ခြင်းအပေါ် ယင်းက အထက်ပါအတိုင်း ပြောကြားလိုက်ခြင်းဖြစ်သည်။
"မောင်မောင်ရဲ့ထွက်ဆိုချက်ကြောင့် ထောင်ထဲက စွပ်စွဲခံ ကလေးနှစ်ယောက်ဟာ လူသတ်ပါတယ်လို့ဖြစ် သွားမယ့် အား နည်းပါတယ်၊သူ့ရဲ့ ထွက်ဆိုမှုဟာ လူသတ်မှုမမြောက်နိုင်ဘူး"ဟု ယင်းကပြောသည်။
ယနေ့မောင်မောင်ကို သွားရောက်တွေ့ဆုံခဲ့သူများမှာ မြန်မာကောင်စစ်ဝန် ဦးထွန်းအေး၊ ထိုင်းနိုင်ငံရောက် မြန်မာနိုင်ငံသားများအသင်း၊ တရားလွှတ်တော်ရှေ့နေများပါဝင်သောစုံစမ်းရေးအဖွဲ့ဖြစ်ကြောင်းသိရသည်။
"ကျွန်တော်နဲ့အတူ အလုပ်အတူတူလုပ်တာ နှစ်နဲ့ချီကြာပါပြီ။ သူတို့ကအကျင့်စရိုက်က ရမ်းကားသူတွေ မဟုတ်ဘူး။ဒါကြောင့်လုံးဝမဖြစ်နိုင်၊ ကျွန်တော်ကိုယ်တိုင်မယုံဘူး၊သူတို့ကို ကျွန်တော်တို့နဲ့ ဖမ်းတဲ့အခါ အရက် မူးမူး နဲ့ဖြစ် သွားတယ်ဆိုတဲ့ စကားကိုပဲ ကြားလိုက်တယ်။ကျန်တာ ကျွန်တော် မသိဘူး ဆိုးပြီးတော့ မောင်မောင်ကပြောပါတယ်"ဟုဦးကျော်သောင်း ကပြောပြသည်။
ထိုင်းနိုင်ငံ၊ စူရတ်နီဌာနီခရိုင်၊ ခိုတောင်ကျွန်း (လိပ်ကျွန်း) တွင် စက်တင်ဘာ ၁၅ ရက်နေ့ လပြည့်နေ့ ပွဲတော် ညက အသက် ၂၀ ကျော် ဗြိတိန်စုံတွဲတစ်တွဲ အသတ်ခံရမှုတွင် မြန်မာနိုင်ငံသား ဇော်လင်းနှင့် ၀င်းဇော်ထွန်းတို့ကို သံသယရှိသူများအဖြစ် ထိုင်းရဲက ဖမ်းဆီးကာတရားစွဲဆိုထားသည်။
မေငယ်
News Watch(စောင့်ကြည့်သတင်းဂျာနယ်)
No comments:
Post a Comment