ဖွဲ့စည်းပုံ အခြေခံဥပဒေ ပုဒ်မ ၄၃၆ ပြင်ဆင်ရေးအတွက် ပြည်သူ ၅ သန်းနီးပါးရဲ့ ဆန္ဒကို လွှတ်တော်က အကောင်အထည်ဖေါ်ပေးဖို့ တာဝန်ရှိကြောင်း အမျိုးသားဒီမိုကရေစီအဖွဲ့ချုပ်နဲ့ ၈၈မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းတို့ ပူးတွဲကော်မတီက ဒီနေ့ သတင်းစာရှင်းလင်းပွဲမှာ ပြောပါတယ်။
"လွှတ်တော်ဆိုတာ လွှတ်တော်ကိုယ်စားလှယ်များနဲ့ ဖွဲ့စည်းထားတာ၊ လွှတ်တော်ကိုယ်စားလှယ်ဆိုတာက မဲဆန္ဒရှင်တွေကို ကိုယ်စားပြုပြီးတော့ ရွေးကောက်ထားတာ၊ ဒါကြောင့် လွှတ်တော်ကိုယ်စားလှယ် တစ်ဦး ချင်း ဟာ သက်ဆိုင်ရာမဲဆန္ဒရှင်တွေကို ကိုယ်စားပြုပြီးတော့ လွှတ်တော်မှာရပ်တည်ရမှာဖြစ်ပါတယ်၊ အဲတော့ မဲဆန္ဒရှင်တစ်ဦးချင်းရဲ့ ဆန္ဒကိုတောင် အလေးအနက်ထားဖို့လိုပါတယ်၊ မဲဆန္ဒရှင် ၅ သန်းလောက် ရဲ့ဆန္ဒကို လွှတ်တော်အနေနဲ့ ပြည်သူ့အသံ လွှတ်တော်အသံဖြစ်အောင်၊ ပြည်သူ့ဆန္ဒ လွှတ်တော် ဆန္ဒဖြစ်အောင်လုပ်ပေးဖို့က လွှတ်တော်ရဲ့တာဝန်ပါ"
တစ်နိုင်ငံလုံးက မြို့နယ် ၃၀၈ မြို့နယ်မှာ ၄၃၆ ပြင်ဆင်ရေးအတွက် လူပေါင်း ၅ သန်းနီးပါးက လက်မှတ်ရေးထိုး တောင်းဆိုခဲ့တာဖြစ်ပြီး ရန်ကုန်တိုင်းက ၁၀ သိန်းကျော်၊ မန္တလေးတိုင်းက ၈သိန်းကျော်၊ စစ်ကိုင်းတိုင်းက ၇ သိန်းကျော်၊ ဧရာဝတီတိုင်းက ၅ သိန်းကျော်နဲ့ အများဆုံးလက်မှတ်တွေ ရေးထိုး ခဲ့ကြတာ ဖြစ်ပါတယ်။
ပုဒ်မ ၄၃၆ ပြင်ဆင်ရေးအတွက် မြို့နယ် ၃၀၈ မြို့နယ်က ကောက်ခံရရှိထားတဲ့ လက်မှတ် ၅သန်းနီးပါး ကို လွှတ်တော်ကို တင်ပြသွားမယ်လို့ သိရပါတယ်။ ဖွဲ့စည်းပုံ အခြေခံဥပဒေ ပုဒ်မ ၄၃၆ ပြင်ဆင်ရေး ဆန္ဒ သဘောထားလက်မှတ်တွေကို ပြီးခဲ့တဲ့ မေလ ၂၇ ရက်နေ့ကနေ ဇူလိုင်လ ၁၉ ရက်နေ့ အထိ ကောက်ခံ ခဲ့တာဖြစ်ပါတယ်။
RFA
No comments:
Post a Comment