၁၉၂ဝ ပြည့်လွန်နှစ် များက အနောက်ဥရောပ နိုင်ငံများ၏ ရှေးဟောင်း ဟိုတယ် ဝန်ဆောင်မှုစနစ်များ ဖန်တီးကာ ဒီဇိုင်းဆန်းစွာဖြင့် ရန်ကုန်မြို့ ဗိုလ်တထောင် ဆိပ်ကမ်းတွင် တည်ဆောက်ထားသော မြန်မာနိုင်ငံ၏ ပထမဆုံး ရေပေါ်ဟိုတယ် VINTAGE LUXURY သည် အများပြည်သူ များနှင့် နိုင်ငံခြား ခရီးသွားများအား ဝန်ဆောင်မှု ပေးရန် အသင့်ဖြစ်နေပြီ ဖြစ်ရာ မကြာမီ ကာလအတွင်း ဖွင့်လှစ်တော့မည် ဖြစ်ကြောင်း သိရသည်။
''ကျွန်မတို့ ဟိုတယ်ကိုလာတဲ့ ဧည့်သည်တွေ အနေနဲ့ ဟိုတယ်ထဲကို စဝင်လိုက်ပြီး စက္ကန့် ၃ဝ အကြာမှာ ၁၉၂ဝ ပြည့်နှစ်က အင်္ဂလန်၊ ဆွစ်ဇလန်၊ စပိန် အစရှိသည့် အနောက်ဥရောပ နိုင်ငံကြီးတွေရဲ့ ဟိုတယ် ဝန်ဆောင်မှုမျိုး ရရှိသွားသလို ခံစားရမှာ ဖြစ်ပါတယ်။ မီးရောင်တွေက Light Color တွေဖြစ်ပြီး မြင်နေရတဲ့ မြင်ကွင်းတွေ အသုံးအဆောင် ပစ္စည်းတွေ အားလုံးကလည်း နိုင်ငံ ခြား ရှေးဟောင်း ပစ္စည်းတွေကို သုံးစွဲနေရ သလိုမျိုး ခံစားရမှာပါ''ဟု အဆိုပါ ဟိုတယ် မှ Assistant Reservation Manager မထွေးသန္တာဆွေ က ပြောကြားခဲ့သည်။
အိပ်ခန်းများတွင် ထားရှိသော ရေခဲသေတ္တာ၊ မှန်တင်ခုံ၊ တီဗွီစင်၊ နာရီ၊ ဗီရိုနှင့် အဆိုပါ ရေပေါ်ဟိုတယ်ရှိ အခြားအသုံးအဆောင် ပစ္စည်းများသည် (၁၉၂ဝ-၁၉၃ဝ) ပြည့်နှစ်ကို ရောက်သွားသလိုမျိုး ခံစားရမှာ ဖြစ်ကြောင်း၊ ဈေးနှုန်းနှင့် ဖွင့်ပွဲကျင်းပမည့် ရက်ကို ညှိနှိုင်း ဆောင်ရွက်နေဆဲ ဖြစ်ကြောင်း၊ မကြာမီ Email: info @vintageluxuryhotel.com ၊www.vintageluxuryhotel.com နှင့် အခြား website များတွင် ကြော်ငြာသွားမည် ဖြစ်ကြောင်း ၎င်းက ပြောကြား ခဲ့သည်။
ထိုရေပေါ်ဟိုတယ် သင်္ဘောကြီးသည် ဖင်လန်နိုင်ငံမှ မြန်မာနိုင်ငံသို့ ရောက်ရှိလာခြင်း ဖြစ်ပြီး တန်ချိန် ၂၂ဝဝ ရှိသည်။ သင်္ဘောမှာ အဖြူရောင်ဖြစ်ပြီး အလွှာငါးလွှာနှင့် ဖွဲ့စည်း ထားသည်။ ပထမအလွှာတွင် နှစ်ယောက် အိပ်ခန်း ၃၄ ခန်းပါဝင်ပြီး၊ ဒုတိယ အလွှာတွင် နှစ်ယောက်အိပ်ခန်း ၃၃ ခန်းပါဝင်ကာ ယင်းနှစ်လွှာတွင် ရုပ်ရှင်ရုံ တစ်ခု၊ Information ကောင်တာတစ်ခု၊ အစည်းအဝေး ခန်းမနှင့် ဖျော်ဖြေရေး အခန်းများ ပါဝင်သည်။ တတိယ အလွှာတွင် Victoria Bar & Lobby Will
make your faw Drop နှင့် Spaခေါ် အလှ ပြင်ခန်းများ၊ ကျန်းမာရေး အနှိပ်ခန်းများနှင့် အိပ်ခန်း ၂၁ ခန်း ပါဝင်ကြောင်း သိရသည်။
ဟိုတယ်၏ စတုတ္ထအလွှာတွင် ရန်ကုန်၊ လန်ဒန်ဟု ခေါ်သော Meeting Room ခန်းမ နှစ်ခုပါဝင်သည်။ လာရောက်သော စီးပွားရေး လုပ်ငန်းရှင် ဧည့်သည်များ အတွက် Internet ၊ Computer ၊ ဘာသာပြန် စသည့် Business Center တစ်ခု ပါဝင်သည်။ ထို့ပြင် 1920 Industrial Restaurant Gastronomy Redefien စသည့် စားသောက်ခန်းများ Double UncompromisedLuxury Lero Grauity Bed အိပ်ခန်း ၁၆ ခန်း ပါဝင်ကြောင်း သိရှိသည်။
ငါးလွှာတွင် Pirate Restaurant & Robinson Grusoe Bar စားသောက်ခန်း နှစ်ခု ပါဝင်သည်။ နံနက်စာ၊ နေ့လယ်စာ၊ ညစာများ သုံးဆောင်နိုင်မည် ဖြစ်သည့်အပြင် ရန်ကုန်မြို့၏ ဆိပ်ကမ်းအလှ ရှုခင်းများနှင့် ရန်ကုန်မြစ်ဖက်ခြမ်း ရှုခင်းများအား ခံစားနိုင်မည် ဖြစ်သည်။ ကျန်းမာရေး အတွက် အိပ် ခန်းများတွင် သက်သောင့်သက်သာ ရှိစေရန် ခုတင်များအား နည်းပညာဖြင့် ဆောင်ရွက် ထားကြောင်း သိရသည်။
အိပ်ခန်းပေါင်း ၁ဝ၄ ခန်း ပါဝင်ပြီး ဟိုတယ်၏ ဦးပိုင်းတွင် ကျန်းမာရေး အနှိပ်ခန်းများ၊ အလှပြင်ခန်းများ ပါဝင်သည်။ ဆေးလိပ် သောက်လိုသူများအတွက Smoking Room များ ပါရှိသည်။ ပဲ့ပိုင်းတွင် Feel the Sunset အား ခံစားနိုင်မည်ဖြစ်သည်။ ထို့ပြင် အတွင်းပိုင်း၌ Edison Museum on King Pier ကောင်တာနှင့် ဧည့်ခန်းများ ပါဝင်ကြောင်း သိရသည်။
ရေပေါ်ဟိုတယ် VINTAGE LUXURY တွင် ဝန်ထမ်းအင်အား အနေဖြင့် နိုင်ငံခြားသား Operator များအပါအဝင် စုစုပေါင်း အင်အား ၁၅ဝ ဝန်းကျင်ခန့် ရှိကြောင်း သိရသည်။
မြ၀တီ
No comments:
Post a Comment