အီရတ်စစ်သွေးကြွ ဒုတိယမြို့ဆက်သိမ်း

အီရတ်နိုင်ငံ Mosul မြို့ကို အင်္ဂါနေ့တုန်းက သိမ်းယူလိုက်တဲ့ အစ္စလာမ်စစ်သွေးကြွတွေဟာ ဘဂ္ဂဒတ်နဲ့ ကီလို မီတာ ၂၀၀ လောက်ပဲ ဝေးတဲ့ Tikrit ကို သိမ်းယူလိုက်ပြန်တယ်လို့ အီရတ်လုံခြုံရေး အရာရှိတွေက ပြောပါ တယ်။

Islamic State of Iraq and the Levant လို့ခေါ်တဲ့ အဲဒီသူပုန်အဖွဲ့ဟာ Mosul မြို့ တောင်ဘက်ခြမ်းထိ တိုးလာပြီး၊ အီရတ်နိုင်ငံမှာ အကြီးဆုံး ရေနံချက်စက်ရုံရှိတဲ့ Tikrit မြို့ကို သိမ်းယူလိုက်တာလို့ တာဝန်ရှိသူ တွေက ပြောပါတယ်။ အဲဒီမြို့ဟာဆိုရင် သေဆုံးသွားပြီဖြစ်တဲ့ အီရတ်အာဏာရှင် ဆဒမ်ဟူစိန်ရဲ့ မွေးဇာတိ မြို့လည်း ဖြစ်ပါတယ်။

အဲဒီမြို့မှာတော့ စစ်သွေးကြွတွေဟာ ရဲစခန်းအတော်များများကို သိမ်းယူထားပြီး၊ မြို့အုပ်ချုပ်ရေးမှူးကတော့ ပျောက်ဆုံးနေတယ်လို့ မျက်မြင်တွေက ပြောပါတယ်။ အစောပိုင်းနာရီတုန်းကတော့ ဆူနီစစ်သွေးကြွတွေ ဟာ Beiji မြို့ကို ၀င်ရောက်ပြီး ရဲစခန်းနဲ့ တရားရုံးကို မီးတင်ရှို့ခဲ့ပါတယ်။

အီရတ်နိုင်ငံရဲ့ အကြီးဆုံး ရေနံချက်စက်ရုံကို လုံခြုံရေးယူထားတဲ့ အစောင့် ၂၅၀ လောက်ကို သူပုန်တွေက တိုက်ထုတ်ခဲ့ပါတယ်။ တချိန်တည်းမှာတော့ အီရတ်ရဲ့ ဒုတိယအကြီးဆုံးဖြစ်တဲ့ Mosul မြို့ကို စစ်သွေးကြွတွေ သိမ်းထားဆဲပါ။ ၀န်ကြီးချုပ် Nouri al-Maliki နဲ့ Ninevah ပြည်နယ်အုပ်ချုပ်ရေးမှူး Athil Nujeifi တို့ နှစ်ဦးစလုံးကတော့ ဒေသခံတွေအနေနဲ့ မြို့ကို ပြန်သိမ်းယူကြဖို့ဆိုပြီး တိုက်တွန်းနေပါတယ်။

ဒါ့အပြင် စစ်အခြေစိုက် စခန်းတွေကို စွန့်ခွာပြီး Mosul ကို ထွက်ပြေးသွားကြတဲ့ အီရတ်စစ်ဘက် တာဝန် ရှိသူတွေ ကိုလည်း ၀န်ကြီးချုပ် Maliki က ပြစ်တင်ဝေဖန်ပါတယ်။ သူတို့ဟာ ပုန်ကန်ထကြွမှုရဲ့ အစိတ်အပိုင်း တွေ ဖြစ်တယ်ဆိုပြီးတော့ မိန့်ခွန်းထဲမှာ ထည့်သွင်း ဝေဖန်သွားတာပါ။

Mosul မြို့မှာ နောက်ထပ် အကြမ်းဖက်မှုတွေဖြစ်လာမှာ စိုးရိမ်တာကြောင့် လူပေါင်း ၅ သိန်းလောက် အိုး အိမ် စွန့်ခွာ ထွက်ပြေးကြရတယ်လို့ IOM ခေါ်တဲ့ ရွှေ့ပြောင်းနေထိုင်သူများဆိုင်ရာ ကုလသမဂ္ဂ အဖွဲ့ အစည်း က ဗုဒ္ဓဟူးနေ့မှာ ပြောပါတယ်။

ဗွီအိုအေ (မြန်မာပိုင်း)