Wednesday, 31 October 2012

သတင်းဇစ်မြစ်နှင့် စာနယ်ဇင်းကျင့်ဝတ်


 
ပဏာမအနေဖြင့် သတင်းမီဒီယာများအပေါ် ထားရှိ်သော မိမိတို့၏ သဘောထားကို ဆက်သွယ်ပြော ဆိုခဲ့ဘူးသော မီဒီယာသမားများ ကောင်းစွာ သိရှိထားမည် ဟု ယုံကြည်ပါသည်။ ယခု တင်ပြချက်မှာ စာ နယ်ဇင်းသမားအကုန်လုံး၊ဂျာနယ်အားလုံးကိုရည်ရွယ်ခြင်း မဟုတ်ဘဲ လက်တွေ့ကြုံတွေ့ခဲ့ရ သည့် ဖြစ်ရပ် တစ်ခုကိုအခြေပြု၍အယ်ဒီတာမင်းများချင့်ချိန်စဉ်းစားနိုင်ပါရန်စိတ်ရင်းစေတ နာကောင်းဖြင့် ရေးသား ရခြင်းဖြစ်ကြောင်း အလေးအနက်ထား တင်ပြလိုပါသည်။


ပြီးခဲ့သည့် သီတင်းပါတ်အတွင်းက အပါတ်စဉ်ထုတ် သတင်းဂျာနယ်(၁)စောင် (အကြောင်းကြောင်းကြောင့် အမည်နာမ ဖော်ပြခြင်း မပြုပါ) တွင် သတင်းတစ်ပုဒ် ဖော်ပြပါရှိခဲ့ပါသည်။

အဆိုပါသတင်းတွင်" နိုင်ငံတော်သမ္မတရုံးမှတာဝန်ရှိသူတစ်ဦးကအတည်ပြု ပြောကြားသည်၊" " နိုင်ငံတော် သမ္မတရုံးမှ သိရှိရသည်" စသည့် စကားရပ်များ ဖော်ပြပါရှိခဲ့ပါသည်။ သတင်း မီဒီယာများနှင့် အဓိက ဆက်သွယ်ဆက်ဆံမှု ပြုနေရသူ တစ်ဦးအနေဖြင့် အဆိုပါ ဖော်ပြချက်နှင့် တိုက်ရိုက် သက်ဆိုင်နေပါသည်။ ယင်းဂျာနယ်သို့လည်း မိမိအနေဖြင့် အဆိုပါ သတင်းဖော်ပြချက်အတိုင်း ပြောကြားခဲ့ဘူးခြင်း မရှိခဲ့ပါ။

အဆိုပါသတင်းပါ ဖော်ပြချက်များမှာ မိမိကိုယ်တိုင်ပြောကြားထားခြင်း မရှိသည့်အတွက် အဆိုပါ ဂျာနယ် တိုက်သို့ တယ်လီဖုန်းဖြင့် ဆက်သွယ် မေးမြန်းခဲ့ပါသည်။ အယ်ဒီတာချုပ်နှင့် ဆက်သွယ်ပြောကြားနိုင်ခြင်း မရှိခဲ့သော်လည်း ယင်းသတင်းနှင့်ပတ်သက်၍ တာဝန်ယူထားသော တာဝန်ခံအယ်ဒီတာ(၁)ဦးနှင့် အဆက် အသွယ် ရရှိခဲ့ပါသည်။ ယင်းအား မိမိ သိရှိလိုသည်ကို မေးမြန်းခဲ့ရာ နိုင်ငံတော်သမ္မတရုံးမှ တာဝန်ရှိသူ (၁)ဦးမှာ မှန်ကန်ကြောင်း၊ စာနယ်ဇင်းကျင့်ဝတ်အရ ထုတ်ဖော် ပြောကြားနိုင်ခြင်း မရှိကြောင်း ပြန် လည်ဖြေကြားခဲ့ပါသည်။

ယင်းနောက် သတင်းရေးသားသူ ကာယကံရှင် သတင်းထောက်နှင့် အဆက်အသွယ် ရရှိခဲ့ရာ ၄င်းမှလည်း ယင်းကဲ့သို့ပင် စာနယ်ဇင်းကျင့်ဝတ်အရ သတင်း Source ကို ထုတ်ဖော်ပြောကြားရန် မဖြစ်နိုင်ေ ကြာင်း ပြန်လည် ဖြေကြားခဲ့ပါသည်။

ယင်းနောက်  မိမိတို့ဘက်မှလည်း ဖြစ်နိုင်ဖွယ်ရာ ရှိသော ဇစ်မြစ်များသို့ စုံစမ်းမေးမြန်းခြင်းများ တစ်ချိန် တည်း ပြုလုပ်ခဲ့ပြီး အပြုသဘော စေ့စပ်ညှိနှိုင်းခြင်းများ ဆောင်ရွက်ပြီးသည့် သကာလ ယင်းသ တင်းထောက် ဖော်ပြထားသော ဇစ်မြစ်မှ နိုင်ငံတော်သမ္မတရုံးနှင့် သော်လည်းကောင်း၊ အုပ်ချုပ်ရေး မဏ္ဍိုင်နှင့် သော်လည်းကောင်း လားလား သက်ဆိုင်ခြင်း မရှိသော ဇစ်မြစ်တစ်ခု ဖြစ်နေကြောင်း တိကျခိုင် မာစွာ သိရှိလိုက်ရပါသည်။ (မိမိထံတွင် ပြောကြားချက် အသံဖိုင် အပြည့်အစုံ ရှိပါသည်။)

ယင်းဇာတ်လမ်း ဤမျှနှင့် ပြီးစေ ထားလိုက်ပါသည်။ နောင်တွင် နိုင်ငံတော် သမ္မတရုံးနှင့် စပ်လျဉ်းသော သတင်းများအား မိမိထံတွင် Confirm ပြုလုပ်ပေးပါရန် သက်ဆိုင်သူ တာဝန်ခံအယ်ဒီတာအား မေတ္တာ ရပ်ခံခဲ့ပါသည်။

သို့သော်လည်း မိမိထံတွင် ဆက်လက်စဉ်းစားတွေးတောစရာ အတွေးစများ ကျန်ရှိခဲ့ပါသည်။



(၁) သတင်းထောက်(၁)ဦးသည် မည်သည့်နေရာမှ ရရှိလာသည် မသ်ိသော သတင်းဖော်ပြ ချက်ကို နိုင်ငံတော်သမ္မတရုံးသော်လည်းကောင်း၊ အခြားသော (အမှန်တစ်ကယ် ပြောကြား ခြင်း မရှိသော) သတင်းဇစ်မြစ်တစ်ခုကိုသော်လည်းကောင်း ထည့်သွင်း ဖော်ပြပါမည်။ တာဝန်ရှိ အယ်ဒီတာမင်းများ ကလည်း ထည့် သွင်း ဖော်ပြခွင့် ပြုလိုက်ပါမည်။

(၂) နိုင်ငံတော်သမ္မတရုံး (သို့မဟုတ်) ယင်းသတင်းဖော်ပြချက်ပါ သတင်းရရှိသည့် ဇစ်မြစ်မှ သိရှိသော အခါ အဆိုပါသတင်းဂျာနယ်/မီဒီယာသို့ မေးမြန်းပါလိမ့်မည်။

(၃) ယင်းသို့ မေးမြန်းသောအခါ စာနယ်ဇင်းကျင့်ဝတ်အရ သတင်းဇစ်မြစ်ကို ထုတ်ဖော်ပြေကြားနိုင်ခြင်း မရှိပါ ဟူ၍ ပြန်လည် ရှင်းလင်းပါမည်။

(၄) ဤသို့သော အခြေအနေ တစ်ရပ် ကြုံတွေ့လာခဲ့ပါက မည်သို့မည်ပုံ ဆက်လက် ရှင်းလင်းကြ မည်နည်း။

(၅) ထိုအခါ အဓိက ဖော်ပြခြင်း ခံထားရသည့် သက်ဆိုင်သည့် ဌာနမှ ၄င်းတို့ပြောကြားခြင်း မရှိသည့် အတွက် ဥပဒေကြောင်းအရ ရှင်းရ လင်းရ ဆောင်ရွက်နိုင်ပါလိမ့်မည်။  (သို့သော် မီဒီယာနှင့် ယင်း သက်ဆိုင် သည့်ဌာနတို့အကြား ဆက်ဆံရေးကောင်း ပျက်စီးသွားပါလိမ့်မည်။)

(၆) အဓိက တင်ပြလိုသည်မှာ သက်ဆိုင်သည့် ယင်းဂျာနယ်အကြောင်းသာ ဖြစ်ပါသည်။ အခြားသော ဂျာနယ်အတော်များများမှာ သတင်းရင်းမြစ်ခိုင်မာမှ ထည့်သွင်းလေ့ ရှိကြပါသည်။ သတင်းထောက်(၁)ဦး တင်ပြလာသော သတင်းသည် မည်မျှ ခိုင်မာမှု ရှိ-မရှိ၊ မှန်ကန်ခြင်း ရှိ-မရှိ တာဝန်ခံအယ်ဒီတာ၊ အယ်ဒီ တာချုပ် စသည့် တာဝန်ရှိသူတို့က စိစစ် အတည်ပြုရန် လိုအပ်မည် ဟုလည်း ထင်မြင်ယူဆပါသည်။ (နိုင်ငံတော်သမ္မတရုံးက ပြောကြားသည်ဟု ဖော်ပြလျှင်လည်းကောင်း၊ သတင်းထွက်ပေါ်ရာ Source တစ်ခုခုကို ဖော်ပြလျှင် လည်းကောင်း စာဖတ်သူ ပြည်သူများမှာ ယုံကြည်ကြဖို့ များပါသည်။)

(၇) သတင်းမီဒီယာများနှင့် အဓိက ဆက်သွယ်ဆောင်ရွက်နေကြရသော Contact Person များအနေဖြင့် တာဝန်သိရ၊ တာဝန်ယူရသလို မည်သည့် အတိုင်းအတာကို ပြည်သူသို့ သိရှိအောင် ပြောခွင့် ရှိသည်၊ မည်သည့်အချက်အလက်ကိုတော့ ထုတ်ဖော်ပြောကြားခွင့် မရှိ အစရှိသည့် အတိမ်အနက်များ ကို ကောင်း စွာ သိရှိထားကြရပါသည်။ ယင်းတို့ကိုယ်တိုင် ထုတ်ဖော်ပြောကြားခြင်း မပြုခဲ့သည့် ကိစ္စရပ်များ ကြုံတွေ့ လာသောအခါ ဟိုမေး ဒီမေး၊ ဟိုထင် ဒီထင် ဖြစ်ရသလို ပြောခွင့် မရှိဘဲ ပြောကြားခဲ့သူများအား ထုတ်ေ ဖ်ာနိုင် ရန် စိစစ်ရမည့် အနေအထားအထိ ဆိုက်ရောက်စေနိုင်ပါသည်။


တစ်ဖန် ယင်းဂျာနယ်မှ သက်ဆိုင်သူတို့ ဆုပ်ကိုင်ပြောကြားနေသည့် စာနယ်ဇင်းကျင့်ဝတ်သည် မည်သို့ သော ကျင့်ဝတ်ဖြစ်ပါသနည်း။စာနယ်ဇင်းသမားများကို အကာအကွယ် ပေးခြင်းသည် လွတ်လပ်ပွင့် လင်းသော နိုင်ငံရေးစနစ်၏ အညွှန်းကိန်းတစ်ရပ် ဖြစ်သည်မှာလည်း မှန်ပါသည်။ ဤသည်ကိုလည်း မိမိတို့ အနေဖြင့် သိရှိနားလည် လက်ခံရမည်သာ ဖြစ်ပါသည်။

သို့သော်  မိမိကိုယ်တိုင် လတ်တလော ကြုံတွေ့ခဲ့ရသော ဖြစ်စဉ်ဖြစ်ရပ်မျိုးတွင်တော့ စာနယ်ဇင်း ကျင့်ဝတ် ဆိုသည်မှာ - - - - - -။

ref:Hmuu Zaw

No comments:

Post a comment