အမျိုးသားပညာရေးဥပဒေကို သပိတ်မှောက်တဲ့အတွက် ပုဒ်မ ၁၈ နဲ့တရားစွဲခံလိုက်ရသူပေါင်း ၂၉ ယောက် ရှိသွားပြီလို့ သိရပါတယ်။
ဗမာနိုင်ငံလုံးဆိုင်ဆိုင်ရာ ကျောင်းသားသမဂ္ဂများအဖွဲ့ချုပ်က ၁၉ ယောက်နဲ့  သူတို့ကိုဝန်းရံကူညီ ပေးတဲ့သူ ၁ဝ ယောက်ဖြစ်တယ်လို့  ဗကသများအဖွဲ့ချုပ် တွဲဘက်အတွင်းရေးမှူး ကိုမင်းသွေးသစ် က RFA ကိုပြောပါ တယ်။
တောင်ငူ၊ မုံရွာ၊ မြင်းခြံနဲ့ ပြည်မြို့နယ်တွေမှာ တရားစွဲခံရတာလို့ဆိုပါတယ်။ ဒါပေမယ့် ကျောင်းသားတွေ အနေနဲ့ ပုဒ်မ ၁၈ ကိုလက်မခံတဲ့အတွက် တရားးစွဲလို့ အာမခံယူရမှာ၊ ရုံးချိန်းသွားရမှာလက်ခံမှာ မဟုတ်ပဲ သက်ဆိုင်ရာကဖမ်းရင်လိုက်သွားဖို့ ဆုံးဖြတ်ထားတယ်လို့ ပြောပါတယ်။
အမျိုးသားပညာရေးဥပဒေမှာ အဓိကပြင်ဆင်ရမယ့် အချက် ၉ ချက်ရှိတယ်လို့ ကျောင်းသားတွေက ထောက်ပြထားပြီး၊ ဒီကိစ္စတွေကို တွေ့ဆုံဆွေးနွေး ပြင်ဆင်ဖို့ တောင်းဆိုထားပါတယ်။
RFA Burmese
No comments:
Post a Comment