တူရကီနိုင်ငံ ကာရာဘက်ခ်မြို့ ဆာဖရန်ဘိုလူ ခရိုင်မှ အသက် ၁၇ နှစ်အရွယ် အမျိုးသမီးငယ် တစ်ဦးကို ကမ္ဘာ့အရပ် အရှည်ဆုံး ဆယ်ကျော်သက် မိန်းကလေး အဖြစ် ဂင်းနစ်မှတ်တမ်း အဖွဲ့က ဇူလိုင် ၁ဝ ရက်တွင် တရားဝင် ကြေညာ ခဲ့ကြောင်း သိရသည်။
ရူမိုင်ဆာဂဲလ်ဂျီ အမည်ရှိ အဆိုပါ မိန်းကလေး၏ အရပ်မှာ ၂၁၃ ဒသမ ၆ စင်တီမီတာ(၇ ပေနှင့် သုည ဒသမ ၉ လက်မ) ရှိသည်ဟု သိရသည်။ သို့ရာတွင် ၁ဝ တန်း ကျောင်းသူတစ်ဦး ဖြစ်သည့် ဂဲလ်ဂျီသည် ခန္ဓာကိုယ် အလွန်အမင်း ကြီးထွားသည့် ရှားပါးရောဂါ တစ်ခုကို ခံစားနေရသူ ဖြစ်ကြောင်း သိရသည်။
ကမ္ဘာ့ အရပ်အရှည်ဆုံး အမျိုးသား အဖြစ် လက်ရှိတွင် စံချိန် တင်ထားသည့် ဆူလ်တန် ကိုဆန်သည် အရပ် အရှည် ၂၅၁ စင်တီမီတာ ( ၈ပေ ၃ လက်မ)ရှိပြီး တူရကီ နိုင်ငံသား တစ်ဦးပင် ဖြစ်ကြောင်း သိရသည်။
မြ၀တီ
No comments:
Post a Comment