နိုင်ငံတစ်ဝှမ်းဖြစ်ပေါ်နေသည့် ချစားမှုများအား အရေးမှုတစ်စိတ်တစ်ပိုင်းအဖြစ် နိုင်ငံပိုင် CCTV သတင်း ဌာနမှ ထိပ်တန်း သတင်းကြေညာသူ ရူချန်ဂန်အား ရဲတပ်ဖွဲ့က ဖမ်းဆီးခဲ့သည်ဟု တရုတ်မီဒီယာများက ဖော်ပြခဲ့သည်။
ချန်ဂန်မှာ CCTV ၏ ဘဏ္ဍာရေးနှင့်ပတ်သက်သည့် သတင်းများကို စီစဉ်ထုတ်လွှင့်နေသော လူကြိုက် များသည့် သတင်းကြေညာသူတစ်ဦးဖြစ်ပြီး သောကြာနေ့ညပိုင်းက ၎င်း၏ စတူဒီယိုတွင် ဖမ်းဆီးခံခဲ့ ရသည် ဟု ကွန်မြူနစ်ပါတီ နေ့စဉ်သတင်းစာ People’s Daily ၏ Twitter စာမျက်နှာတွင် ယမန်နေ့ညပိုင်းက ဖော်ပြခဲ့သည်။ ၎င်းနှင့်အတူ ထိုအစီအစဉ် လက်ထောက်ဒါရိုက်တာဖြစ်သူ လီယန်မှာလည်း ဖမ်းဆီးခြင်း ခံခဲ့ရသည်။
လွန်ခဲ့သည့် တစ်လကျော်ကပင် ချန်ဂန်၏ ဆရာဖြစ်သော CCTV ၏ ကြော်ညာဒါရိုက်တာ၊ ဘဏ္ဍာရေးနှင့် စီးပွားချန်နယ်၏ အထွေထွေဒါရိုက်တာ ဂူရှန်ဇီအား လာဘ်ပေးလာဘ်ယူမှုဖြင့် သံသယရှိ၍ စုံစမ်းစစ်ဆေး မည်ဟု ကြေညာပြီးနောက်ပိုင်း ချန်ဂန်မှာ ယခုကဲ့သို့ အဖမ်းခံခဲ့ရခြင်းဖြစ်သည်။
အသက် ၃၆ နှစ်အရွယ်ရှိ ချန်ဂန်မှာ စီးပွားရေးဂျာနယ်လစ်လောကတွင် အထင်ရှားဆုံးပုဂ္ဂိုလ်တစ်ဦးဖြစ်ပြီး ၎င်း၏ ပြင်းထန်သော အမျိုးသားရေး ရပ်တည်ချက်နှင့် အငြင်းပွားဖွယ် မှတ်ချက်များက ၎င်းအား ပိုမိုထင်ရှား သူ တစ်ဦးဖြစ်လာစေခဲ့သည်။
ပြီးခဲ့သည့်နှစ်က သမ္မတသစ် ဇီဂျင်ပင်း တက်လာပြီးနောက်ပိုင်း ချစားမှုနှင့် ဖြုန်းတီးမှုများအပေါ် တရုတ် အစိုးရ က စုံစမ်းစစ်ဆေးကာ အရေးယူမှုများပြုလုပ်နေသည်။ ဇီဂျင်ပင်းကမူ နိုင်ငံတစ်ဝှမ်း ကျယ် ကျယ်ပြန့်ပြန့် ဖြစ်ပေါ်နေသည့် ချစားမှုများက ကွန်မြူနစ်ပါတီ၏ ရပ်တည်မှုကို ခြိမ်းခြောက်နေသည်ဟု ပြော ကြား ထား သည်။
M-Media
No comments:
Post a Comment