မျောက်မင်းစွန်းဝူခုံး သရုပ်ဆောင် မြန်မာနိုင်ငံလာမည်

ပြည်တွင်း၌ တရုတ်ရုပ်သံ ဇာတ်လမ်းတွဲများ ခေတ်စားစအချိန်တွင် နာမည်ကျော် လူကြိုက်များခဲ့သော အနောက်အရပ်သို့ ခရီးသွားခြင်း (Journey to the West) ဇာတ်လမ်းတွဲ၌ တရုတ် ဘုန်းတော်ကြီး တစ်ပါးနှင့်အတူ အိန္ဒိယနိုင်ငံသို့ ပိဋကတ်သုံးပုံ ပင့်ဆောင်သည့် ဇာတ်ဝင်ခန်းများတွင် မျောက်မင်းအဖြစ် ပါဝင်သရုပ်ဆောင်ခဲ့သည့် စွန်းဝူခုံးခေါ် (မစ္စတာ လူချင်ဟိုလင်းတန်) သည် မြန်မာနိုင်ငံသို့ လာရောက် လည်ပတ်မည် ဖြစ်ကြောင်း မန္တလေးတိုင်းဒေသကြီး မြန်မာ-တရုတ် ချစ်ကြည်ရေးအသင်း ဒုတိယဥက္ကဋ္ဌ ဦးကျော်ဝင်းက ပြောကြားသည်။

ယင်းသို့ မန္တလေးမြို့တော်သို့ လာရောက် လည်ပတ်မည့် Journey to the West ဇာတ်ကားတွင် မျောက်မင်းအဖြစ် သရုပ်ဆောင်ခဲ့သည့် စွန်းဝူခုံးသည် မေလ ၂၁ ရက်နေ့တွင် ရန်ကုန် မြို့တော်သို့ ရောက်ရှိလာမည် ဖြစ်ပြီး ရန်ကုန်ရှိ ယဉ်ကျေးမှုတက္ကသိုလ်၊ မြန်မာ-တရုတ် ချစ်ကြည်ရေးအသင်း ဗဟိုအမှုဆောင်များနှင့် တွေ့ဆုံပြီး နိုင်ငံတော်အဆင့် အကြီးအကဲများကို တွေ့ဆုံ ဂါရဝပြုနိုင်ရန် နေပြည်တော်သို့ ဆက်လက်ထွက်ခွာမည် ဖြစ်ကြောင်း ၎င်းက ထပ်လောင်းပြောကြားသည်။

နေပြည်တော်မှအပြန် မန္တလေးမြို့တော်သို့ လာရောက်ပြီး တိုင်းဒေသကြီးအဆင့်ရှိ မြန်မာ-တရုတ် ချစ်ကြည် ရေး အသင်းနှင့် တွေ့ဆုံ ဆွေးနွေးမည့်အပြင် မိဘမဲ့ကျောင်းများနှင့် ပရဟိတ လုပ်ငန်းများကို ငွေ လှူဒါန်းပြီး ၎င်းပါဝင် သရုပ်ဆောင်ခဲ့သည့် Journey to the West ဇာတ်လမ်းတွဲပါ အခန်းလိုက် သရုပ်ဆောင်ချက် ပုံစံတူများကို မန္တလေးမြို့လူထုသို့ ပြသမည် ဖြစ်ကြောင်း ၎င်းကထပ်လောင်း ပြောကြား သည်။

“စွန်ဝူခုံးက လှူမယ့် အစီအစဉ်ကို တိုင်းဒေသကြီး အစိုးရအဖွဲ့ကို တင်ပြဖို့အတွက် ဆောင်ရွက်နေတယ်” ဟု ၎င်းကဆိုသည်။

မန္တလေးမြို့ပေါ်ရှိ လူမှုဝန်ထမ်း ဦးစီးဌာနနှင့် မိဘမဲ့ ပရဟိတဂေဟာများ၊ လူမှုရေး အဖွဲ့အစည်းများကို ဝူခုံးအဖြစ် သရုပ်ဆောင်သူက လာရောက် လှူဒါန်းမည့် အစီအစဉ်များကို မန္တလေးတိုင်းဒေသကြီး မြန်မာ-တရုတ် ချစ်ကြည်ရေးအသင်းက မေ ၁၃ ရက်နေ့အထိ ဆက်သွယ် ပြောကြားထားခြင်း မရှိသေးကြောင်း မန္တလေးတိုင်းဒေသကြီး လူမှုဝန်ထမ်း ဦးစီးဌာန တိုင်းဒေသကြီးဦးစီးမှူး ဦးကျော်ဝင်းက ပြောကြားသည်။

“တရုတ်သရုပ်ဆောင်တွေ လှူနိုင်တာဟာ သူတို့ရဲ့ ရုပ်ရှင်ကားတွေက ကမ္ဘာကျော်ပြီး ဝင်ငွေကောင်းလို့ပါ။ မြန်မာရုပ်ရှင်မင်းသား၊ မင်းသမီး တချို့လောက်ပဲ ပရဟိတ လူမှုရေးလုပ်ငန်းတွေကို စိတ်ရောကိုယ်ပါနှစ်ပြီး လုပ်ကိုင်နေတာ ရှိတယ်။ ဒါကလဲ အနည်းစုပါ” ဟု မန္တလေးမြို့ခံ သတင်းစာဆရာ ညီစေမင်းက ဆိုသည်။

မြန်မာနိုင်ငံတွင် ပြသခဲ့သည့် Journey to the West ဇာတ်ကားများသည် ထန်မင်းဆက် လက်ထက်တွင် ရေးသားထားခဲ့သည့် သမိုင်းဆိုင်ရာဝတ္တုကို တရုတ်ဒါရိုက်တာများက ဆီလျော်အောင် ပြန်လည် ရိုက်ကူး ထား သည့် ရုပ်ရှင်ဇာတ်လမ်းဖြစ်ပြီး ယင်းဇာတ်လမ်းတွင် ပိဋကတ်သုံးပုံကို အ်ိန္ဒိယနိုင်ငံသို့ သွားပင့်သည့် ဘုန်းကြီးသည် တရုတ်သမိုင်းတွင် တကယ်ရှိပြီး ဘုန်းကြီးနှင့်အတူ တွဲဖက် သရုပ်ဆောင်ခဲ့သည့် စွန်းဝူခုံး မျောက်ဇာတ်ကောင်သည် အိန္ဒိယ ဇာတ်တော်တွင်ရှိသည့် ရာမနှင့်လက္ခဏ ဇာတ်လမ်းပါ ဟာနုမာန်မျောက် အကြောင်းကို အတုယူကာ ဒါရိုက်တာက စွန်းဝူခုံးကို ထည့်သွင်း၍ သရုပ်ဆောင်စေခဲ့ခြင်း ဖြစ်ကြောင်း မန္တလေးမြို့တော်ရှိ တရုတ်စကားပြော သင်တန်းကျောင်း ကျောင်းအုပ် ဒေါက်တာဆက်တီက ပြောကြားသည်။

မန္တလေးသို့ လာရောက် လည်ပတ်မည့် စွန်းဝူခုံး သရုပ်ဆောင် မစ္စတာလူချင်ဟိုလင်းတန်သည် အမေရိကန်၊ ဥရောပ၊ သြစတြေးလျ၊ အာရှတိုက်ရှိ နိုင်ငံများစွာတွင် ကမ္ဘာ့ငြိမ်းချမ်းရေးနှင့် စံမီသော ဖွံ့ဖြိုးတိုးတက်မှု လုပ်ငန်းများတွင် ငွေကြေး ထည့်ဝင်လှူဒါန်းနေသော သူတစ်ဦးဖြစ်ကာ မန္တလေးမြို့တော်သို့ မေလ ၂၄ ရက်နေ့တွင် ရောက်ရှိမည် ဖြစ်ကြောင်း မန္တလေးတိုင်းဒေသကြီး မြန်မာ-တရုတ် ချစ်ကြည်ရေးအသင်းထံမှ စုံစမ်းသ်ိရှိရသည်။

The Voice Weekly