မကွေးတိုင်းဒေသကြီး မကွေးခရိုင်မြို့သစ်မြို့နယ်တွင် တောဆင်ရိုင်း များက ဒေသအတွင်းရှိစိုက်ပျိုးပြီး သီးနှံခင်းများကိုဖျက်ဆီးနေ ပြီး ဒေသ ခံများကိုပါ အသက်ဆုံးရှုံးသည်အထိသတ်ဖြတ်လာ သဖြင့် ဒေသခံပြည် သူအချို့စိုးရိမ်မကင်းဖြစ်ပွားနေကြောင်း မြို့နယ်ပြန်ကြားရေးနှင့်ပြည်သူ့ ဆက်ဆံ ရေးဦးစီးမှူးဦးကျော်မြင့်က (၁၆. ၁.၂၀၁၃)ရက် နံနက်တွင် သတင်းထောက်များကိုပြောပြ ပါသည်။
အဆိုပါတောဆင်ရိုင်းများ မှာ လွန်ခဲ့သော ၂၀၁၂ခုနှစ် နှစ်ဝက်ခန့်က မြို့သစ်မြို့နယ်အတွင်း သို့ရောက် ရှိ လာပြီး တောင်သူအချို့၏သီးနှံခင်းများကို ဖျက်ဆီးခဲ့ကြောင်း၊ ထို့ပြင်လွန်ခဲ့သည့် (၃၁.၁၂.၂၀၁၂)ရက် မွန်းလွဲ (၂)နာရီအချိန်က မြို့သစ်ရဲစခန်း ၏ အရှေ့မြောက်ဘက်မိုင် ၃၀ခန့် အကွာ အိုင်မကျေးရွာအုပ်စု နဂျီတဲတိုက်နေ ဦးတင်မြင့်၏သမီး မသန္တာဦးကိုတောဆင်ရိုင်းတစ် ကောင်ကနင်းသတ်ခဲ့ကြောင်း၊ ရဲ စခန်းက သေမှုသေခင်းအမှတ်စဉ် ၁/၂၀၁၃ဖြင့် ဆက်လက်ဆောင်ရွက်လျက်ရှိကြောင်း၊ ထို့ပြင် လွန်ခဲ့သော ၆လခန့်က မြို့သစ် မြို့သစ်တောဦးစီးဌာနမှူးဦးအောင် မျိုးမြတ်ကို တောဆင်ရိုင်းများ ဖမ်းဆီးပေးရန် မြို့နယ်ပြန်ဆက် ဦးစီးမှူးက အကူအညီတောင်းခံပြောကြားခဲ့ကြောင်း။
၎င်းတောဆင်ရိုင်းများမှာ မြို့သစ်မြို့နယ်အတွင်းသို့ ကျင်လည်ကျက်စားနေသည်မှာ ၇လကျော် ခန့် ရှိပြီး တောဆင်ရိုင်းများမှာအုပ်စုကွဲကျက်စားနေကြောင်း၊ တောဆင်ရိုင်းပေါက် ၂ကောင်၊တော ဆင်ရိုင်း အကြီး ၃ကောင် တစ်အုပ်၊တောဆင်ရိုင်းအကြီး ၅ကောင်က တစ်အုပ်အုပ်စုခွဲသောင်းကျန်းနေပြီး သက် တမ်းအကြီးဆုံးတောဆင်ဟိုင်းမှာ အသက် ၁၅နှစ် ခန့်ရှိနိုင်ကြောင်း၊ခန့်မှန်းတောဆင် ရိုင်းအကောင်ရေ ၁၅ကောင်ခန့် ရှိမည်ဟုသိရကြောင်း၊ လာမည့်နွေကာလများတွင် ဆင်မိတ်လိုက် ချိန်ရောက်ပါက ဆင်မုန် ယိုခြင်းများ ဖြစ်ပေါ်ပြီးဒေသခံပြည်သူများကို ပိုမိုအန္တရာယ်ပြုလာနိုင်သဖြင့် တောဆင်ရိုင်းများကို သက်ဆိုင် ရာကအမြန်ဆုံးဖမ်းဆီးထိန်းသိမ်းပေးရန် ဒေသခံများက လိုလားနေ ကြောင်း စုံစမ်းသိရှိရသည်။
ဟင်္သာ(တောင်တွင်းကြီး)
No comments:
Post a Comment