ရန်ကုန်မှာ ကြယ်လေးပွင့်ဟိုတယ် တော်ဝင်က သြဂုတ်လ အပြီးဆောက်မည်
ရန်ကုန် (မဇ္ဈိမ)။ ။ ရန်ကုန်တိုင်း ဟိုတယ်ဇုန်အတွင်းတွင် နိုင်ငံသား
ရင်းနှီးမြှုပ်နှံမှုတခုအဖြစ် တော်ဝင် မိသားစုကုမ္ပဏီက ကြယ်လေးပွင့်ဟိုတယ်တခုကို တည်ဆောက်မည်ဟုသိရသည်။
“ရန်ကုန်မြို့ရဲ့ သွားရေးလာရေးရော၊ လမ်းပန်းဆက်သွယ်ရေးပါ အဓိကအကျဆုံးနေရာဖြစ်တဲ့ ပြည် လမ်း မကြီးပေါ်မှာ ဟိုတယ်လုပ်ငန်းကို တော်ဝင်မိသားစုကုမ္ပဏီကလုပ်ကိုင်မယ်လို့ကြားပါတယ်” ဟု မြန်မာနိုင်ငံ ဟိုတယ်လုပ်ငန်းရှင်များ
အသင်း၏ တာဝန်ရှိသူ တဦးက ပြောသည်။
လက်ရှိ တည်ဆောက်ပြီးဖြစ်သည့်
တော်ဝင်စင်တာကြီး၏ အလွှာ ၄၊ ၅၊ ၆၊ ၇ နှင့် ၈ တို့တွင် အခန်းပေါင်း ၅၀၀ ကျော်ပါဝင်မည့် ဟိုတယ်ကို သြဂုတ်လအတွင်းဖွင်လှစ်နိုင်အောင် စီစဉ်နေသည်ဟု
တော်ဝင်မိသားစု ကုမ္ပဏီက ဆိုသည်။
“အစီအစဉ် ရေးဆွဲနေတာနှစ်ပတ်ရှိသွားပါပြီ။ ဟိုတယ်ကိုကြယ်လေးလုံး အဆင့်လုပ်ကိုင်သွား မှာ ဖြစ်ပါ တယ်။
အနည်းဆုံးအမေရိကန်ဒေါ်လာ သန်း ၅၀ ရင်းနှီးမြှုပ်နှံလုပ်ကိုင်သွားမှာပါ” ဟု
ကုမ္ပဏီ ဥက္ကဋ္ဌ ဦးကိုကိုထွေးကပြောသည်။
တော်ဝင်မိသားစုကုမ္ပဏီမှာ
ရန်ကုန်မြို့တွင် ဈေးဝယ်စင်တာကို ပထမဆုံးအကြီးဆုံး ဆောက်လုပ်
လုပ်ကိုင်ခဲ့ပြီး တန်ဖိုးနည်းအိမ်ရာ စီမံကိန်းများကိုလည်း ရန်ကုန်နှင့်မန္တလေးတို့တွင် အစောဆုံး လုပ်ကိုင်ခဲ့ သည်။ ထို့အပြင် မန္တလေးနိုဗိုတယ်ကိုတည်ဆောက်ခဲ့ပြီး တန်ဖိုးနည်းကွန်ဒိုများကိုရန်ကုန်တိုင်း၊
မရန်းကုန်း နှင့် အင်းစိန်မြို့နယ်တို့တွင် ဆောက်လုပ်၍ ဘဏ်များနှင့်ချိတ်ဆက်ကာ အရစ်ကျစနစ်ဖြင့် ရောင်းချပေး ခဲ့သည်။
ထို့အပြင် ပရိဘောဂ
စက်ရုံလုပ်ငန်း၊ ဆောက်လုပ်ရေး လုပ်ငန်းများနှင့် ဆောက်လုပ်ရေးပစ္စည်း
တင်သွင်း သည့် လုပ်ငန်းများလည်း တော်ဝင်မိသားစုကုမ္ပဏီကဝင်ရောက် လုပ်ကိုင်လျက်ရှိသည်။
ဟိုတယ် လုပ်ငန်းရှင်များ အသင်း၏ ရန်ကုန်ဇုန်တွင် ၂၀၁၃ ခုနှစ်၊ ဇန်နဝါရီလ ၂၂ ရက်နေ့အထိ နိုင်ငံ သားနှင့်နိုင်ငံခြားသားပိုင် ဟိုတယ်အလုံးပေါင်း ၁၆၄ လုံး ရှိကြောင်း ရန်ကုန်ဟိုတယ်ဇုန် ဥက္ကဋ္ဌ ဦးရန်ဝင်း က ပြောသည်။
Mizzima
No comments:
Post a Comment