Wednesday 1 August 2012

မြန်မာ့နွေဦး၊ စိန်ခေါ်မှုများနှင့် ဒုတိယလှိုင်း



မြန်မာ့နွေဦး နိဒါန်းအစ

နိုင်ငံတော်သမ္မတကြီးနှင့် ဒေါ်အောင်ဆန်းစုကြည်တို့ ဗိုလ်ချုပ်အောင်ဆန်း ဓါတ်ပုံအောက်မှ
 တွေ့ဆုံပွဲသည်ပင် မြန်မာ့နွေဦး နိဒါန်းဖြစ်ကြောင်း အချို့က ဆိုကြသည်။ အချို့ကလည်း နိုင်ငံတော်သမ္မတကြီး၏ ရာထူးလက်ခံ ကတိသစ္စာပြုပွဲသည်ပင် မြန်မာ့နွေဦးနိဒါန်းဟု ပြောကြသည်။ မည်သို့ပင် သတ်မှတ်ကြသည်ဖြစ်စေ မြန်မာ့နွေဦး သည်ကား ပုရစ်ဖူးတို့ တဝေဝေ ဖြစ်နေသည်မှာ နိုင်ငံတကာမှ လက်ခံထားသော အမှန်တရားဟုဆိုက မှားမည် မထင်ပေ။
ကမ္ဘောဒီးယားနိုင်ငံ၌ ပြောကြားခဲ့သော သမ္မတကြီး၏ မိန့်ခွန်းတွင် ခြေလှမ်းတိုင်းကို သတိကြီးကြီးထားပြီး လှမ်းနေရသည်၊ အကြောင်းရင်းမှာ ဒီမိုကရက်တစ်အတွေ့အကြုံများ အားနည်းခဲ့ခြင်းကြောင့်
 မြန်မာ့ဒီမိုကရက်တိုက်ဇေးရှင်းတွင် အမှားမခံနိုင်ဟူသော သဘောမျိုး ပြောကြား သွားခဲ့သည်ကို
 တွေ့ရှိရသည်။ မှန်ပါသည်။ မြန်မာ့နွေဦးသည် မြန်မာ့နွေဦးသာ ဖြစ်၍ ဆောင်းလက်မည်းကြီး၏ ဖုံးအုပ်မှုကို မခံရရေးသည်ပင် နိုင်ငံတည်ဆောက်ရေး ဖြစ်ပေလိမ့်မည်။

နွေဦးကို စိန်ခေါ်နိုင်သော အကြောင်းအချက် များများ မရှိသလို နွေဦးခြေလှမ်းကို နောက်ပြန် လန်ကျသွားစေနိုင်သော ရိုက်ခတ်ချက်များလည်း လက်ချိုးရေ၍ ရနိုင်ပေသည်။ သို့သော် ဆိုခဲ့ပါ ပုရစ်ဖူးတို့ ဝေဆာစ၊ ရွက်နုတို့ စိမ်းစိုစ နွေဦးပုံရိပ်တွင် အလှတရားတို့ ဆင်မြန်းနိုင်ရန်အတွက် ပါဝင်ကြကုန်သော Stakeholder များ၏ ရင့်ကျက်မှုရေချိန်တို့မှာ အဓိက အကြောင်းတရား ဖြစ်နေသည်။ စွမ်းရည်မြှင့်တင်ရေး ဟူသော စိန်ခေါ်မှုနှင့် အနာဂတ်အိပ်မက်များအကြား အချိန်ခွဲဝေ ရရှိမှု မလုံလောက်သော အကြောင်းရင်းခံ များကြောင့် ဦးစားပေးနယ်ပယ်အလိုက် တွန်းတင်မှရမည် ဟူသော သဘောတရား တစ်ခုသည်လည်း မြန်မာနိုင်ငံဆိုင်ရာ စိတ်ဝင်စားသူများအတွက် ပုစ္ဆာတစ်ပုဒ် သဖွယ် ဖြစ်လာနေသည်။

နွေဦးကို စိန်ခေါ်မည့်သူများ

မြန်မာ့နွေဦးကို လေ့လာကြည့်လျှင် နွေဦးကို စိန်ခေါ်မည့်သူ အတော်များများမှာ External factor များ ဖြစ်နေသလို နိုင်ငံတော်သမ္မတကြီး တရားဝင်ထုတ်ပြန် ကြေညာထားသည့် ပြုပြင်ပြောင်းလဲရေး ဒုတိယလှိုင်း၏ အရှိန်အဟုန်သည်လည်း အရေးကြီးသည်ဟု အတော်များများက လက်ခံထားကြသည်။ ဒုတိယလှိုင်းသည် ဆိုခဲ့ပါ စိန်ခေါ်မှုများကို အံတု ရင်ဆိုင်ရပေလိမ့်မည်၊ ဒုတိယလှိုင်းသည် နောင်တွင်
 ကြုံလာမည့်အတားအဆီးများကို ကျော်ဖြတ်ရပေလိမ့်မည်၊ ဒုတိယလှိုင်းသည်အနာဂတ်ကို
လွှမ်းခြုံနိုင်သော စွမ်းရည်များ တည်ဆောက်ပေးရပေလိမ့်မည်၊ အချုပ်ဆိုရလျှင် ဒုတိယလှိုင်းသည်ပင်
 ပြည်သူများ၏ မျှော်လင့်အိပ်မက်များ ဖြစ်လာနေသည်ကို တွေ့ရှိ နိုင်သည်။ ဗျူရိုကရေစီယန္တရားမှ
 ကြိုးနီနီများ၊ ပြုပြင်ပြောင်းလဲရေးနှင့် ခေတ်နောက်ပြန်ရေး နှစ်ခု အကြားမှ စိတ်ဓါတ်နှင့် ခံယူချက်များ၊ ဒီမိုကရေစီနှင့် ဥပဒေစိုးမိုးရေးနှစ်ခုအကြားမှ ချိန်ခွင်လျှာများ၊ ထာဝရငြိမ်းချမ်းသို့ ချီရာလမ်းတစ်လျှောက်ရှိ အခုအခံ အဟန့်အတားများ၊ မဏ္ဍိုင်များအချင်းချင်း စဉ်ဆက်မပြတ် ထူထောင်တည်ဆောက်သွားရမည့် နားလည်မှုနှင့် ယုံကြည်မှုများ၊ ပါဝင်ပတ်သက်သူ အားလုံးအတွက် အရေးကြီးလှသော ဘုံအကျိုး စီးပွားများ၊ ပွင့်လင်းမှုနှင့် ခေတ်မီမှုတို့၌ ကြုံတွေ့လေ့ရှိသော စည်းခြားရေးပြဿနာများ အစရှိသည့် အစွန်းထွက်တန်ဖိုးများကို ဒုတိယလှိုင်းက ဖြတ်ကျော် နိုင်စွမ်း ရှိပါလိမ့်မည်။ အကြောင်းရင်းမှာ ဒုတိယလှိုင်း ဟူ၍ ဖွင့်လှစ်လိုက်ကတည်းက ယင်းအခက် အခဲများကို အောင်မြင်စွာ ဖြေရှင်းနိုင်ရန် ရည်ရွယ်ထားသောကြောင့် ဖြစ်သည်။

သို့သော် ဒုတိယလှိုင်းအတွက် အဓိကစိန်ခေါ်မှုမှာ ခေတ်မီရေးသို့ ဦးတည် လျှောက်လှမ်းရာ၌ အရေးကြီးလှသော စီးပွားရေးမဏ္ဍိုင် သိသိသာသာ မြင့်တက်လာရေး အတွက် ဖြစ်ပေါ်နေသော အတားအဆီးများ ဖယ်ရှားနိုင်ရေးပင် ဖြစ်ပေလိမ့်မည်။ အချို့သော နိုင်ငံရေးသမားများ ထောက်ပြ
 ဝေဖန်မှု ပြနေသည့် Internal Sanction များကို ဒုတိယလှိုင်းက ဝါးမျိုဖုံးအုပ် ရှင်းလင်းပေးနိုင်မည်
 ဖြစ်သော်လည်း Extenal Sanction များကိုမူ ဒုတိယလှိုင်းက အပြီးတိုင် ဖယ်ရှားနိုင်ရန် မလွယ်ကူသောကြောင့် ဖြစ်သည်။ ခြေလှမ်းတိုင်းကို ခြေလှမ်းတိုင်းနှင့် တုံ့ပြန်မည်ဟူသော အမေရိကန် ပြည်ထောင်စု၏ ကတိကဝတ်သည် ရှုပ်ထွေးနက်နဲလှသော၊ နိုင်ငံရေး တိုက်ကွက်များနှင့် ပြည့်လွှမ်းနေသော ကွန်ဂရက်အသိုင်းအဝိုင်းကို အလုံးစုံအောင်နိုင်ရန် ခက်ခဲလှသော အခြေအနေများလည်း ရှိနေ ပေသည်။

ရိုးရှင်းသော ပဲ့ကိုင်ရှင်

နိုင်ငံတော်သမ္မတကြီး၏ ပြည်ထောင်စုလွှတ်တော် မိန့်ခွန်းပါအတိုင်း ပရိယာယ်မပါ ပွင့်ပွင့်လင်းလင်း၊ ရိုးရိုးရှင်းရှင်း ဒိုင်ယာလော့ခ် ပြုလုပ်သွားမည့် စိတ်ဓါတ်သည်ပင် တူသောအကျိုးပေးနေသည့် အနေအထားအဖြစ် ရှုမြင်ရသည်။ အတွေးရှင်းသောကြောင့် အလုပ်ရှင်းရသည့် သဘောသည် ပွင့်လင်းရေးခေတ်တစ်ခေတ်တွင် အံဝင်ခွင်ကျ ဖြစ်နေခြင်း၏ အကြောင်းရင်းဟုလည်း ဆိုနိုင်ပါလိမ့်‌မည်။ ဒုတိယလှိုင်း၏ ပဲ့ကိုင်ရှင်သည် ရိုးရိုးကျင့် မြင့်မြင့်ကြံဟူသော ဆိုရိုးအတိုင်း ရိုးရိုး ရှင်းရှင်း ပြုမူဆောင်ရွက်ခဲ့သော်လည်း မြင့်မြင့်မားမား ကြံစည် မျှော်မှန်းသည်မှာ ပုဂ္ဂိုလ်ရေး အကျိုးစီးပွားများ မပါဘဲ နိုင်ငံနှင့် ပြည်သူအကျိုးအတွက် ဖြစ်နေသည်မှာ မြန်မာ့နွေဦး၏ ကံကောင်းမှု တစ်ရပ်ပင် ဖြစ်ပါလိမ့်မည်။

နယူးယောက်၌ အသစ်ဖွင့်လှစ်သော ရှော့ပင်းမောလ်များ၌ ဘင်္ဂလားဒေ့ရ်ှနိုင်ငံတွင် ချုပ်လုပ်သည်၊ ဗီယက်နမ်နိုင်ငံတွင် ပြုလုပ်သည် အစရှိသည့် တံဆိပ်ကလေးများ တပ်ဆင်ထားသော အဝတ်အထည်များစွာ တွေ့မြင်ခဲ့ရသော်လည်း မြန်မာနိုင်ငံတွင် ပြုလုပ်သည်ဟူသော တံဆိပ်ကလေးများ တပ်ဆင်ထားသော အဝတ်အထည်များ မြင်တွေ့ရခြင်း မရှိသည့်အပေါ် အတွေးမျှင်တန်းမိသည်။
 မြန်မာနိုင်ငံတွင် ပြုလုပ်သည် ဟူသော တံဆိပ်တပ် အင်္ကျီ၊ ဘောင်းဘီများ၏ နောက်ကွယ်တွင် တရုန်းရုန်းနှင့် ချုပ်လုပ်နေကြသော အထည်ချုပ်စက်ရုံများစွာ၊ မြန်မာအလုပ်သမားများစွာ၊ ယင်းတို့၏ မိသားစုဝင်များစွာ မြင်တွေ့ရပါလိမ့်မည်။ လွန်လေပြီးသော အတိတ်ကာလ တစ်ခု၌ အထည်ချုပ် စက်ရုံပေါင်းရာနှင့်ချီ၍ ပေါ်ပေါက်ခဲ့သလို ဆယ်စုနှစ် မပြည့်မီမှာပင် ရာနှင့်ချီသော အထည်ချုပ်စက်ရုံများ နိဌိတံခဲ့ရသည်။ အဓိက နစ်နာဆုံးရှုံးရသူများမှာ အားနည်းသူ ပြည်သူများသာ ဖြစ်သည်။ ပြောရလျှင် အထည်ချုပ်စက်ရုံ၌ ဝင်ရောက် လုပ်ကိုင်ပြီး မိသားစုဝမ်းရေးအတွက် ပြေလည်အောင် ဖြေရှင်းခဲ့ကြသည့် သူတို့တွင် အပြစ်မရှိပါ။ ဝေဖန်တိုက်ခိုက်နေကြသူများ ပြောကြားခဲ့ကြသည့် လူ့အခွင့်‌အရေး ချိုးဖောက်မှုများကို သူတို့ကျူးလွန်ခြင်း မရှိခဲ့ပါ။ သူတို့သည် လူသားပီပီ ရှင်သန် ရပ်တည်ရေး၊ စားဝတ်နေရေးအတွက် ထွက်ပေါ်လာသော အထည်ချုပ်စက်ရုံများတွင် ဝင်ရောက်လုပ်ကိုင်ခြင်းကြောင့် အပြစ်ရှိသည်ဟု ယူဆခဲ့ပါလျှင် သူတို့အတွက် တရားမျှတမှု၊ အခွင့်အရေး ရပိုင်ခွင့်များ မည်သူတို့က ဆောင်ကြဉ်း ပေးပါမည်နည်း။ အရပ်ရပ် လုပ်ငန်းခွင်များသို့ စိတ်ပျက်လက်ပျက်
 ပြောင်းရွှေ့လုပ်ကိုင်ခဲ့ရသော သူတို့နှင့် သူတို့လို ပြည်သူများ အများအပြားရှိနေပြီး ယင်းတို့၏ မျှော်လင့်ချက်များ တဖြည်းဖြည်းချင်း မှေးမှိန်ဖျော့တော့နေခြင်းကို နိုင်ငံတကာမှ သက်ဆိုင်သူများ သိမြင်နိုင်ခဲ့ပါလျှင် လူသားချင်းစာနာထောက်ထားမှုဟူသော အသံများ ကျယ်လောင်လာပါလိမ့်မည်။

မြန်မာ့နွေဦးသည် ဤသည်ကို မျှော်လင့်ဆောင်ရွက်ခဲ့ခြင်း မဟုတ်သော်လည်း မြန်မာ့နွေဦးကြောင့် ဤသည်ကို မျှော်လင့်လာခဲ့ကြသော ပြည်သူများကို အဆိုး မဆိုသာ။ ၄င်းတို့သာမက အရပ်ရပ် နယ်ပယ်အစုံမှ နိုင်ငံသားများသည် မြန်မာ့နွေဦးကြောင့် မျှော်လင့်အိပ်မက်များ ကြီးမားခဲ့ကြသည်။
 မြန်မာ့နွေဦးအပေါ်တွင်လည်း မြင့်မြင့်မားမား မျှော်လင့်ထားကြသည်မှာလည်း အမှန်ပင်ဖြစ်သည်။ အပြောင်းအလဲများ တွေ့မြင် လာသောအခါ၊ နိုင်ငံတော်သမ္မတကြီးကိုယ်တိုင် အပြောင်းအလဲကို ဖိအားပေး တွန်းတင် နေသည်ကို မြင်တွေ့လာရသောအခါ စိတ်ကူးမျှော်လင့်ချက်များ ကြီးမားလာသည်မှာလည်း ဓမ္မတာပင် ဖြစ်နေသည်။

အပြောင်းအလဲအတွက် မြန်မာ့နွေဦးကို လိုအပ်ပါသည်

ပြည်သူလူထုမှ အပြောင်းအလဲအတွက် မြန်မာ့နွေဦးကို အလိုရှိကြသလို မြန်မာ့နွေဦး အနေဖြင့်လည်း အပြောင်းအလဲအတွက် Stakeholder အားလုံးကို လိုအပ်သည်၊ အမြော်အမြင်နှင့် ရင့်ကျက်မှုများ လိုအပ်သည်၊ ရေတိုမကြည့်သော ရေရှည်မဟာဗျူဟာ အမြင်များ လိုအပ်သည်၊ စည်းလုံးညီညွတ်ပြီး ဆင်ခြင်ဥာဏ် မြင့်မားသော အရပ်ဘက် လူ့အဖွဲ့အစည်းကို လိုအပ်သည်၊ ရှင်းရှင်းဆိုရလျှင် အပြောင်းအလဲအတွက် ပြည်သူလူထု အားကို လိုအပ်နေပေသည်။နိုင်ငံတော်သမ္မတကြီး 
ခင်းသည့်လမ်းသည် သက်ဆိုင်သူ အကုန်လုံး အနိုင် ရရှိစေမည့် Win for All
 ဖြစ်သောကြောင့်လည်း မြန်မာ့နွေဦး ဟူ၍ အသံမြည်လာခြင်း ဖြစ်သည်။ ယခုလက်ရှိ ကာလသည် နောက်လာမည့် ဆယ်စုနှစ်အတွင်း မြန်မာ့ဒီမိုကရေစီ၊ မြန်မာ့စီးပွားရေး မည်သည့် အဆင့်၊ မည်သည့် လှေကားထစ်သို့ ရောက်ရှိမည်ကို အဆုံးအဖြတ်ပေးမည် ဖြစ်သောကြောင့် မြန်မာ့ နွေဦး၏ ပစ္စုပ္ပန်သည် ပင်လျှင် မြန်မာနိုင်ငံ အနာဂတ်၏ မနက်ဖြန်ကို ပုံဖော်ပေးပါလိမ့်မည်။

မြန်မာ့နွေဦး အသက်ရှည်ရေး၊ တစ်နည်းအားဖြင့် ဒီမိုကရေစီပြောင်းလဲမှုများ ခိုင်မာသည် ထက် ခိုင်မာရေးသည် ဘုံအကျိုးစီးပွားကို အမှန်တစ်ကယ် ရှေ့တန်းတင်သော လက်တွေ့ပူးပေါင်း
 ဆောင်ရွက်မှုများ ထွက်ပေါ်လာခြင်း ရှိ-မရှိ အပေါ်တွင် မူတည် နေသည်။ ရင်တမမ မြန်မာ့နွေဦးကို
 မြန်မာပြည်သူများ မရှုနိုင်သလို နိုင်ငံတကာ ဒီမိုကရေစီချန်ပီယံများကလည်း ရှုမြင်လိုမည် မထင်ပေ။ ဒီမိုကရေစီနှင့် ဖွံ့ဖြိုးတိုးတက်ရေး တစ်လမ်းလမ်းကို ရွေးခဲ့ကြသော နိုင်ငံရေးအတွေးအခေါ်ဟောင်း
များကို နောက်ချန်ထား၍ မြန်မာနွေဦးသည် ဒီမိုကရေစီကိုရော ဖွံ့ဖြိုးတိုးတက်ရေးကိုပါ ဒွန်တွဲ ဆောင်ကြဉ်းနိုင်ရန် ဦးတည်နေခြင်း ဖြစ်သည်။ အနာဂတ်မျိုးဆက်သစ်များအတွက် ခိုင်မာသော ဒီမိုကရေစီနှင့် ခိုင်မာသော ဖွံ့ဖြိုးတိုးတက်ရေးတို့ အမွေချန်ရစ် ထားနိုင်ရေးအတွက် နိုင်ငံတော်သမ္မတကြီး ပုံဖော်တည်ဆောက်မည့် ဒုတိယလှိုင်းကို အားဖြည့်ပေးရန် လိုပါမည်။ မဏ္ဍိုင်အရပ်ရပ်နှင့် အရပ်ဘက် လူ့အဖွဲ့အစည်းပေါင်းစုံသာမက နိုင်ငံတကာမိတ်ဆွေများလည်း ကူ၍ တွန်းပေး ကြရန် မေတ္တာ ရပ်ခံ တိုက်တွန်းလိုက်ရပေသည်။


ref:muu zaw 

No comments:

Post a Comment