နိုင်ငံတကာအကူအညီတွေနဲ့ ချေးငွေတွေကို သုံးစွဲရာမှာ လေလွင့်မှုတွေရှိနေသလို ပြည်ပချေးငွေတွေ ရယူ တာဟာ နိုင်ငံမှာ အကြွေးဝန်ထုတ်ဝန်ပိုးများလာနေတယ်လို့ လွှတ်တော်ကုိုယ်စားလှယ် သူရဦးအောင်ကိုက ပြောကြားလိုက်ပါတယ်။
ဖေဖေါ်ဝါရီလ ၂၃ ရက်ပြည်သူ့လွှတ်တော်မှာ နိုင်ငံတကာထောက်ပံ့ငွေတွေကို မျှတစွာ ခွဲဝေသုံးစွဲနိုင်ခြင်းနဲ့ လေလွင့်ဆုံးရှုံးမှုလျော့နည်းပပျောက်အောင် ပြန်စစ်ဆေးကြပ်မတ်နိုင်ခြင်းရှိမရှိ မေးမြန်းခဲ့တဲ့ ကံပက်လက် မဲဆန္ဒနယ်ပြည်သူ့ လွှတ်တော်ကိုယ်စားလှယ် သူရဦးအောင်ကို ကပြောကြားလိုက်တာပါ။
ဒီမေးမြန်းချက်နဲ့ပတ်သက်ပြီး အမျိုးသားစီမံကိန်းနဲ့စီးပွားရေးဖွံ့ဖြိုးတိုးတက်မှု ၀န်ကြီးဌာန ဒု-၀န်ကြီး ဒေါ်လဲ့လဲ့သိန်း က နိုင်ငံတကာထောက်ပံ့ငွေ၊ ချေးငွေများကို ကဏ္ဍအလိုက် ခွဲဝေသုံးစွဲရာတွင် ဆုံးရှုံးမှု အသုံးစရိတ်များ မဖြစ်ပေါ်စေရေးအတွက် စီမံကိန်းများနှင့် စပ်လျဉ်းသော အခြေအနေများကို စောင့်ကြပ် ကြည့်ရှုခြင်း၊ အကဲဖြတ်ခြင်းများကိုဆောင်ရွက်ရန်အတွက် သက်ဆိုင်ရာ စီမံကိန်းအကောင်အထည် ဖော်သည့် ဝန်ကြီးဌာနများတွင် စီမံကိန်းကြီးကြပ်ရေးယူနစ်များကို ထားရှိပြီး လစဉ်စီမံကိန်းပြီးစီး အကောင် အထည်ဖော်မှုအခြေအနေကို အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှု ဝန်ကြီးဌာနကို မိတ္တူပေးပို့၍ အစိုးရ အဖွဲ့ရုံးကို ပုံမှန်တင်ပြလျက်ရှိကြောင်း လွှတ်တော်မှာ ပြောကြားသွားပါတယ်။
ဒါ့ပြင် နိုင်ငံတော်အနေဖြင့် ပြုပြင်ပြောင်းလဲမှုအဆင့်ဆင့်ကို ပြည်သူဗဟိုပြုဖွံ့ဖြိုးမှု မူဝါဒအရ ဦးစားပေး ကဏ္ဍများ ဖော်ထုတ်ပြီး နိုင်ငံခြားအကူအညီအထောက်အပံ့တွေကို ဖွံ့ဖြိုးမှုစီမံချက်များအနေဖြင့် ဆောင် ရွက်သည့် အခါတွင် ပြည်သူကို တိုက်ရိုက်အကျိုးဖြစ်ထွန်းစေမည့် ဦးစားပေးလုပ်ငန်းစဉ် ခုနစ်ရပ်ဖြစ်သော လျှပ်စစ်မီး၊ သောက်သုံးရေရရှိရေး၊ စိုက်ပျိုးရေးကဏ္ဍဖွံ့ဖြိုးမှု၊ အလုပ်အကိုင်ရရှိရေး၊ ခရီးသွားလုပ်ငန်း၊ ငွေကြေးလုပ်ငန်းနှင့် ကုန်သွယ်မှုနှင့် ရင်းနှီးမြှုပ်နှံမှု လုပ်ငန်းတွေမှာ ဆောင်ရွက်လျက်ရှိပါကြောင်းလည်း ပြောသွားပါတယ်။
သူရဦးအောင်ကိုကတော့ နိုင်ငံတကာအကူအညီတွေအပေါ်မှာ သုံးစွဲတဲ့ဝန်ကြီးဌာနတွေအနေနဲ့ အကျင် ပျက် ခြစားမှုတွေတိုးပွားလာတာကြောင့် နိုင်ငံစီးပွားရေးကို ထိခိုက်နိုင်တယ်၊ နိုင်ငံတကာ ထောက်ပံ ကူညီမှုတွေကို ရယူမဲ့အစား နိုင်ငံတကာရင်းနှီးမြှုပ်နှံမှုတွေများများ ၀င်ရောက် လာအောင် လုပ်ဆောင် သင့်တယ်လို့ အကြံပြု ပြောပါတယ်။
လက်ရှိ သမ္မတ ဦးသိန်းစိန် အစိုးရလက်ထက်မှာ စီမံချက် ၂၆ ခုအတွက် ချေးငွေ အမေရိကန်ဒေါ်လာ ၃၈၅၂.၉၂၈ သန်းချေးယူဖိုရ ညှိနှိုင်းထားတဲ့ အနက် ကန်ဒေါ်လာ သန်း ၁၅၀.၇၃၄ သန်း ရရှိပြီးပြီးလို့ ဒုဝန်ကြီး ဒေါ်လဲ့လဲ့သိန်းကပြောပါတယ်။
မြန်မာနိုင်ငံကို အလှူရှင်နိုင်ငံ ၂၂ နိုင်ငံ၊ ကုလသမဂနဲ့ နိုင်ငံတကာအဖွဲ့အစည်းတွေကနေပေးအပ်တဲ့ အကူ အညီဟာ ၂၀၁၁-၁၂ ဘဏ္ဍာနှစ်မှ ၂၀၁၄ နှစ်ကုန်ထိ စီမံချက် ၅၆၂ ခုအတွက် အမေရိကန်ဒေါ်လာ ၂၉၅၄.၄၂၁ သန်းနဲ့ ဆောင်ရွက်နေပြီးရရှိပြီးပမာဏ ကန်ဒေါ်လာ ၁၄၇၁.၃၂၇ သန်း ရှိတယ်လို့ ပြည်ထောင်စုဝန်ကြီးရဲ့ပြောကြားချက်အရသိရပါတယ်။
DVB
No comments:
Post a Comment