ရှမ်းပြည်နယ်မြောက်ပိုင်းမှာ အစိုးရတပ်မတော်နဲ့ စစ်ရေးတင်းမာမှုတွေ ရပ်ဆိုင်းပြီး အစိုးရနဲ့ တွေ့ ဆုံ ဆွေးနွေးလိုကြောင်း ပလောင်ပြည်နယ် လွတ်မြောက်ရေးတပ်ဦး PSLF/TNLA က ကြေညာချက် ထုတ်ပြန်ပါတယ်။
အခုရက်ပိုင်းအတွင်း TNLA တပ်တွေရှိတဲ့ နမ့်ဆန်၊ မန်တုံ စတဲ့မြို့နယ်တွေမှာ အစိုးရက ထိုးစစ်ဆင် နေတာတွေ များပြားလာတာကြောင့် အခုလိုတောင်းဆိုတာဖြစ်တယ်လို့ ပလောင်ပြည်နယ် လွတ်မြောက် ရေးတပ်ဦး ရဲ့ ပြန်ကြားရေးတာဝန်ခံ ဗိုလ်ကြီး တာအိုက်ကျော် က ပြောပါတယ်။
"လက်တလောဖြစ်နေတဲ့တိုက်ပွဲက တော်တော်လေး စိတ်နေတယ်၊ အဲ့ဒါကို ပြန်ကြည့်ခြင်းအားဖြင့် အစိုးရနဲ့ တိုင်းရင်းသားကြားမှာ စစ်ရေးအရ ဖြေရှင်း မရတဲ့ ပြဿနာတွေဖြစ်တယ်၊ အဲ့ဒါကြောင့်မို့ အပစ် ခတ်ရပ်စဲ ရေး လုပ်နိုင်ဖို့အတွက် တွေ့ဆုံမှုအရသာ ဖြေရှင်းနိုင်မှာပေါ့နော်၊ စစ်ရေးအရဖိအားပေးမှ တောက် လျှောက် ဖြေ ရှင်းမယ်ဆိုရင်လည်း ကျနော်တို့ဖက်က ခုခံကာကွယ်တိုက်ခိုက်နေတာဖြစ်တယ်"
တအာင်းလူမျိုးတွေနေထိုင်တဲ့ နမ့်ဆန်၊ မန်တုံ၊ ကျောက်မဲ၊ သီပေါ၊ မူဆယ် စတဲ့ မြို့နယ်တွေမှာ ဒီလဆန်း လောက်ကစပြီး တိုက်ပွဲတွေ မကြာခဏဖြစ်ပွားနေတာပါ။ အဲဒီထုတ်ပြန်ချက်ကို တိုင်းရင်းသား လက်နက်ကိုင် အဖွဲ့ခေါင်းဆောင်တွေနဲ့ ဖွဲ့စည်းထားတဲ့ တစ်နိုင်ငံလုံး အပစ်အခတ်ရပ်စဲရေး ညှိနှိုင်းရေးအဖွဲ့ NCCT၊ မြန်မာငြိမ်းချမ်းရေးစင်တာ MPC နဲ့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC တို့ထံ ပေးပို့ထား တယ်လို့ သိရပါတယ်။
RFA
No comments:
Post a Comment