Wednesday, 10 September 2014

ဓမ္မာရုံအသံချဲ့စက် ကျယ်လောင်စွာဖွင့်သည်ဟုဆိုကာ ငှက်ကြီးတောင်ဓါးဖြင့် ဝင်ခုတ်

ရပ်ကွက် ဓမ္မာရုံက အသံချဲ့စက်ဖွင့်သည်ကို ရပ်ကွက်အတွင်းနေထိုင်သူတစ်ဦးက ကျယ်လောင်သည် ဟုပြောဆို၍ ငှက်ကြီးတောင်ဓါးဖြင့် ဝင်ခုတ်ခဲ့သည့် ဖြစ်စဉ်တစ်ခု စက်တင် ဘာလ ၉ ရက်၊ ညနေ ၅ နာရီဝန်းကျင်က မရမ်းကုန်မြို့နယ်အတွင်း ဖြစ်ပွားခဲ့သည်ဟု ရန်ကုန်တိုင်းရဲတပ်ဖွဲ့ရုံးက သတင်းထုတ်ပြန် ထားသည်။

မရမ်းကုန်မြို့နယ်၊ ၅ ရပ်ကွက်အတွင်းရှိ မနောသိဒ္ဓိ ဆွမ်းလောင်းဓမ္မာရုံက အသံချဲ့စက်ဖွင့်နေသည်ကို အဆိုပါ ရပ်ကွက်အတွင်းနေထိုင်သူတစ်ဦးက ကျယ်လောင်သည်ဟု ဓမ္မာရုံသို့လာရောက်ပြောဆိုရာမှ စတင်ဖြစ်ပွားခဲ့ခြင်းဖြစ်သည်။

ယင်းသို့ ပြောဆိုရာ ဓမ္မာရုံအတွင်းရှိနေသည့် ကိုအောင်ဝင်းအောင်က "ဘာဖြစ်တာလဲ" ဟုပြောရာ သက်နိုင်ကဘာမှပြန်မပြောဘဲ ပြန်သွားသည်ဟု ရဲမှတ်တမ်းတွင်ဖော်ပြထားသည်။

ယင်းနောက် (၁၅)မိနစ်ခန့်အကြာတွင် သက်နိုင်က ငှက်ကြီးတောင်ဓါးကိုင်၍ ပြန်လည်ရောက်ရှိလာပြီး ကိုအောင်ဝင်းအောင်ကို ဓါးဖြင့်ဝင်ခုတ် ခဲ့ခြင်းဖြစ်သည်။ ဓါးဖြင့်ခုတ်ခြင်းကိုခံရသဖြင့် ကိုအောင်ဝင်းအောင် ၏ လက် နှစ်ဖက်၊ ပခုံးနှင့် ပေါင်တို့တွင် ဒဏ်ရာများရရှိခဲ့သဖြင့် မြောက် ဥက္ကလာပဆေးရုံကြီးသို့ တင်ပို့ ကုသထားသည်။ 

အဆိုပါဖြစ်စဉ်နှင့်ပက်သက်ပြီး ဓါးဖြင့်ဝင်ရမ်းကားခဲ့သူကို အရေးယူပေးပါရန် ကိုအောင်ဝင်းအောင်၏ တရားလိုပြုတိုင် တန်းချက်ကို မရမ်းကုန်းမြို့နယ် ရဲစခန်းက (ပ)၃၃၉/၂၀၁၄၊ ပြစ်မှု ပုဒ်မ ၃၂၆ ဖြင့် အမှု ဖွင့်ပြီး ပြစ်မှု ကျူးလွန်သူကို စုံစမ်းလျက်ရှိသည်။

Mizzima - News in Burmese  

No comments:

Post a comment