၆၇ နှစ်မြောက် အာဇာနည်နေ့ကို ရန်ကုန်၊ မန္တလေး အပါအဝင် နိုင်ငံအနှံ့မှာ ကျယ်ကျယ်ပြန့်ပြန့် ကျင်းပ ခဲ့ကြ ပါတယ်။
ဗိုလ်ချုပ်အောင်ဆန်းနဲ့တကွ အာဇာနည် ခေါင်းဆောင်ကြီးတွေ ကျဆုံးခဲ့တဲ့ မနက် ၁၀ နာရီ ၃၇ မိနစ်မှာ မော်တော်ကားတွေ၊ မီးရထားတွေကနေ ဟွန်းတွေတီး၊ ဥသြတွေ ဆွဲကြတဲ့အခါ လမ်းပေါ်မှာ သွားလာနေတဲ့ လူတွေကလည်း ချက်ချင်းငြိမ်သက်အလေးပြုကြတယ်လို့ သိရပါတယ်။
ရန်ကုန်မြို့က အာဇာနည်နေ့မြင်ကွင်းနဲ့ ပတ်သက်လို့ နိုင်ငံရေးအကျဉ်း သားဟောင်းများအဖွဲ့က ကိုသက်ဦး က RFA ကိုအခုလိုပြောပါတယ်။
"နေရာတော်တော်များများမှာတော့ ကားဟွန်းတီးတဲ့ဟာတွေလုပ်တယ်၊ ဥသြဆွဲတဲ့ဟာတွေတော့ တချို့ လုပ်ကြ တယ်၊ မီးရထားတွေလုပ်တယ်၊ ဒီနှစ်က အားလုံးခြုံကြည့်မယ်ဆိုရင် ပြည်နယ်နဲ့ တိုင်းများမှာ တော်တော်လေး ဒီကိစ္စတွေကို ဗိုလ်ချုပ်ကြေးရုပ်ရှိတဲ့နေရာတွေ၊ ဗိုလ်ချုပ်ပန်းခြံရှိတဲ့နေရာတွေမှာ အသီးသီး အခမ်းအနားတွေ လုပ်ကြတာကိုတွေ့ရတယ်"
မန္တလေးမြို့ မှာလဲ မစိုးရိမ် ကံတက်ကုန်းကျောင်းတိုက်မှာ စာရေးဆရာတွေ၊ မြို့မိမြို့ ဖပြည်သူတွေက အာဇာနည်နေ့ အခန်းအနားကျင်းပသလို၊ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်နဲ့  အခြား အဖွဲ့အစည်းတွေက ချီတက်လမ်းလျှောက်ဂါရဝပြုပြီး ဗိုလ်ချုပ်ကျောက်ရုပ်မှာ လွမ်းသူ့ပန်းခွေ ချခဲ့ကြတယ်လို့ စာရေးဆရာ မင်းထက်ငြိမ်းချမ်းက ပြောပါတယ်။
"၆၇ ကြိမ်မြောက် အာဇာနည်နေ့ အထိမ်းအမှတ် အခမ်းအနားကို မန္တလေးမှာ မနှစ်ကထက်စာရင် ဒီနှစ် လူထု ပါဝင်မှု ပိုအားကောင်းတယ်လို့ ပြောလို့ရတယ်၊ ကျနော်တို့ အလံပေါင်းစုံကို အလံတစ်ဝက် လွှင့်ထူပြီးတော့မှ ငြိမ်သက်စွာနဲ့ ချီတက်ကြပါတယ်၊ ဂါရဝပြုတယ်၊ အလေးပြုတယ်၊ ကားမှာ ဗိုလ်ချုပ်အောင်ဆန်း ရဲ့ မိန့်ခွန်းတွေကို ဖွင့်ပြီးတော့ ချီတက်ပါတယ်၊ အလားတူပဲ ၉ နာရီမှာတော့ မြန်မာနိုင်ငံ လုံး ဆိုင်ရာ ကျောင်းသားသမဂ္ဂများအဖွဲ့ချုပ်က ဦးဆောင်ပြီးတော့မှ ခွပ်ဒေါင်းအလံတွေနဲ့ ချီတက် ပါ တယ်၊ တခြားနိုင်ငံရေးအကျဉ်းသားဟောင်းတွေ၊ တက်ကြွလှုပ်ရှားသူတွေ၊ မြို့မိမြို့ဖတွေ၊ လူမှု ကူညီရေး အသင်းတွေက မော်တော်ယာဉ်တွေနဲ့ ရောက်လာပြီးတော့ ဥသြဆွဲတယ်၊ အစိုးရ အဖွဲ့အစည်းတွေလည်း ဒီနှစ်မှာပိုပြီးတော့ အပြည့်အစုံလုပ်တာတွေလည်း ကြားသိရပါတယ်"
အဲဒီလိုချီတက်လမ်းလျှောက်ရာမှာ ရဲတပ်ဖွဲ့က မေးမြန်းတားမြစ်တာရှိပေမယ့် နောက်ဆုံးမှာတော့ ပြေလည် သွားခဲ့တယ်လို့ သိရပါတယ်။
ဒီအတောအတွင်း ထိုင်းနိုင်ငံ ချင်းမိုင်မြို့မှာ ရောက်ရှိနေကြတဲ့ မြန်မာနိုင်ငံသားတွေကလည်း ကျဆုံးသွားတဲ့ အာဇာနည်ခေါင်းဆောင်ကြီးတွေကို ရည်စူးပြီး ဂါရ၀ပြုတဲ့အနေနဲ့ ချင်းမိုင်မြို့က ၀ပ်ဆိုင်းမွန်း မြန်မာ ဘုန်းတော်ကြီးကျောင်းမှာ ဆွမ်းကပ်လှူဒါန်းမှုတွေ လုပ်ခဲ့ကြပါတယ်။
RFA Burmese
No comments:
Post a Comment