အလှပြယာဉ်ပုံစံဖြင့် သစ်များ တရားမ၀င် သယ်ဆောင်လာသော ယာဉ်ကို တွေ့ရစဉ်။ ဓာတ်ပုံ - သစ်တောဦးစီးဌာန
ဧပြီလ ၁၅ ရက်နေ့က ပုသိမ်ကြီး မြို့နယ်၊ အုန်းချောကျေးရွာအနီး ၁၆ မိုင်ဂိတ်အနီးတွင် သင်္ကြန် အလှပြ ကား အသွင်ဖြင့် သစ်ခိုးထုတ်ရန်ကြိုးစား သည့် ကားခုနစ်စီးအား ဖမ်းဆီးရမိခဲ့ ကြောင်း မန္တလေးတိုင်း ဒေ သကြီး သစ်တောဦးစီး ဌာနမှ တာဝန်ရှိသူ တစ်ဦးကဆိုသည်။
တမလန်းသစ်အမျိုးအစား တန်ချိန် ၆၀ ကျော်ကို တရားမ၀င်တင်ဆောင်လာသည့် ၁၂ ဘီးကား လေးစီး၊ ၁၀ ဘီး ကား နှစ်စီး၊ ၆ ဘီးကား တစ်စီး၊ စုစုပေါင်း ကားခုနစ်စီးပေါ်မှ တရားခံ ရှစ်ဦးကို ဖမ်းဆီးရမိခဲ့ကြောင်းနှင့် ယင်းတရားခံများကို သစ်တောဥပဒေ ၄၂ (ခ)ဖြင့် အပြစ်ပေး အရေးယူ ရုံသာမက ပိုမိုပြင်းထန်ထိရောက် သည့် ပြစ်ဒဏ်များ ချမှတ်နိုင်ရန် ဥပဒေအကြံပေး၊ တရားသူကြီးများဖြင့် ညှိနှိုင်းဆောင်ရွက်သွား မည်ဖြ စ်ကြော င်း ၎င်းက ဖြည့်စွက်ပြောသည်။
"အခုလို သင်္ကြန်တွင်း အစိုးရ ၀န်ထမ်းတွေ နားတဲ့ရက်မျိုးဆို တရားမ၀င်သစ်ခိုးထုတ်မှုတွေကို ပိုမိုလုပ်လေ့ ရှိတာကြောင့် ဒီနှစ်သင်္ကြန် တွင်းမှာ စီမံချက်ချပြီး ဖမ်းဆီးခဲ့တာပါ။ ဧပြီလ ၁၂ ရက် နေ့ကလည်း ထုံးဘိုကျေးရွာထဲက ၀င်းအလွတ်တစ်ခုထဲကို သတင်းအရ ၀င်ရောက် စစ်ဆေးတော့ ပိတောက်နဲ့ တမလန်းသစ် ၃၅ တန်နဲ့ ကျောက်စိမ်း အရိုင်းတုံး ရှစ်တန်ကျော်ကို ဖမ်းဆီးရမိခဲ့ပါ သေးတယ်။ သစ်အချို့ကို ၂၂ ဘီးကားပေါ်မှာ အံဝှက်တွေလုပ် ပြီး တင်ဆောင်ထားတာ ဖြစ်ပြီး ကျောက်စိမ်းတုံးတွေကိုတော့ ဂုန်နီအိတ် နဲ့ ထုတ် ထားတာပါ။ ကျောက်စိမ်းတုံး တွေကိုတော့ အုန်းချောရဲစခန်းကို အပ်နှံထားပါတယ်။ ဒါကြောင့် ဒီနှစ် သင်္ကြန်ပိတ်ရက်အတွင်းမှာကို ဖမ်းဆီးရမိတဲ့ သစ်တန်ချိန်စုစုပေါင်း တန် ၁၀၀ ကျော် ရှိခဲ့ပါတယ်"ဟု ဦးတင့်ခိုင် က ဆိုသည်။
၂၀၁၃ ခုနှစ်၊ နိုဝင်ဘာလမှ ၂၀၁၄ ခုနှစ်၊ ဧပြီလဒုတိယပတ်အထိ ပုသိမ် ကြီးမြို့နယ်တွင် ကျပ်သိန်း ၆၀၀ ကျော် တန်ဖိုးရှိ တရားမ၀င်သစ် တန် ၂၆၀ ကျော်ကို ဖမ်းဆီးရမိခဲ့ကြောင်း ပုသိမ် ကြီးမြို့နယ်၊ သစ်တောဦးစီးဌာနစာရင်း များအရ သိရသည်။
ကြေးမုံဝင်း / မြန်မာတိုင်း(မ်)
No comments:
Post a Comment