ပြီးခဲ့တဲ အပတ်ထဲမှာ မူဆယ်မြို့နယ်က သဲကျင်းမှာ လုပ်ကိုင်နေတဲ့ ဒေသခံ ရွာသားတစ်ယောက်ကို SSA(၀မ်ဟိုင်း) အဖွဲ့က လာရောက်ဖမ်းဆီး သွားခဲ့ပြီး ဘာကြောင့် ဖမ်းဆီးသွားတယ် ဆိုတာ မသိရဘဲ မိသားစုတွေက လိုက်လံရှာဖွေရာမှာ အလောင်းကိုဘဲ ရှာတွေ့ခဲ့တယ်လို့ သေဆုံးသူ၏ မိသားစုဝင် တစ်ဦးထံမှ သိရပါသည်။
သေဆုံးသူမှာ စိုင်းယီ့ဆာ အသက် ၄၅ နှစ်ဖြစ်ပြီး မူစယ်မြို့ နယ် ကောင်းနောင် ရပ်ကွက်မှာနေထိုင်ကာ သဲကျင်းမှာ အလုပ်လုပ်နေတဲ့ အလုပ်သမားတစ်ယောက် ဖြစ်ပါတယ်။
“မတ်လ ၁၆ ရက်နေ့ညနေပိုင်းက လူ ၅ ယောက် သူအိမ်ကို လာပြီး ဖမ်းခေါ်သွားတာ တွေ့ပါတယ်။ အဲဒီ ၅ ယောက်ဟာ ဘယ်သူတွေလဲဆိုတာ သူ့မိသားစုကလည်း သေချာမသိပေမယ့် သျှမ်းစစ်သားတွေဆိုတာတော့ သိတယ်လို့ ပြောပါတယ်။ သူတို့တွေဟာ သျှမ်းစကားဘဲ ပြောပါတယ်။ သူအဲဒီညက အိမ်ပြန်မရောက်လို့ နောက်တနေ့သူ့မိသားစု ကလိုက်ရှာတော့ လည်း မတွေ့ဘူး။ ၁၉ ရက်နေ့မှ သူသဲသွားကျင်းတဲ့နေရာရဲ့ အရှေ့မြောက် ဘက်၁မိုင်လောက်အကွာမှာသူ့အလောင်းကိုသွားတွေ့တယ်။ ခေါင်းမှာသေ
နတ် ဒဏ်ရာ တချက်၊ လက်မှာတချက် မှန်ပြီး သေဆုံးနေပါပြီ ”လို့ ဆွေးမျိုးတော်စပ်သူ တစ်ဦးက ပြောပါတယ်။
စိုင်းယီဆာဟာ ကျနော်တို့ ရပ်ကွက်ထဲမှာ လူကောင်းတစ်ယောက်ပါ ။ သားတစ်ယောက် ၊သမီး တစ်ယောက် ရှိပါတယ်။ ဘယ်သူနဲ့မှ ခိုက်ရန် မရှိခဲ့ဖူးပါဘူး။ သူမိသားစုကတော့ အခုလို အပြစ်မဲ့ အသတ်ခံရပေ မယ့်လည်း ကြောက်လန့်ကာ ၊ ရုံးပြင် ကနား မသွားချင်လို့ဆိုပြီး ဘယ်သူဆီကိုမှ တိုင်ကြား အမှုဖွင့်တာမျိုး မလုပ်ခဲ့ပါဘူးလို့ မြို့ခံတစ်ဦး က ပြောပါတယ်။
အပြစ်မဲ့တဲ့ ပြည်သူတစ်ယောက်ကို ခုလိုရက်ရက်စက်စက် သတ်သွားတာ ဥပဒေမဲ့ ရမ်းကားတဲ့ လုပ်ရပ်ပါ ။ သေနတ်တွေနဲ့ အုပ်စုဖွဲ့ပြီး လာခေါ်တာ ဆိုတော့ လက်နက်ကိုင် အဖွဲ့အစည်း တစ်ခုကဆိုတာ သေချာပါ တယ် ။ စိုင်းယီဆာရဲ့ မိသားစုက ကြောက်လို့မပြောရဲပေမယ့် SSA(၀မ်ဟိုင်း) အဖွဲ့က ဆိ်ုတာ ဒေသခံ အားလုံးလိုလို သိကြပါတယ်။ မတရား အသတ်ခံရတဲ့ စိုင်းယီဆာအတွက် အမှုမှန်ပေါ်ပေါက်အောင် လုပ်စရာရှိတာ လုပ်သွားမှာပါလို့ မှုဆယ်မြို့ခံ ဌာနဆိုင်ရာ ၀န်ထမ်းတစ်ဦးက ပြောကြား သွားခဲ့ပါတယ်။
နန်းလောင်ခမ်း
No comments:
Post a Comment