ကျောင်းသူတဦးကိုအုပ်စုဖွဲ့ အဓမ္မပြုကျင့် ခဲ့တဲ့ကိစ္စအပေါ် ဒေါသ ထွက် ဆန္ဒပြနေမှုတွေ ရပ်တန့်သွားစေဖို့အတွက် အာဏာ ပိုင်တွေက နယူးဒေလီမြို့က လမ်းတွေနဲ့ ဘူတာရုံ တွေကို ပိတ်ထားလိုက်ပါတယ်။
မြို့လည်ခေါင်အချက်အခြာကျတဲ့ အိန္ဒိယဂိတ်ရှိတဲ့ နေရာတ၀ိုက်ကလမ်းတွေကို ရဲတပ်ဖွဲ့က သံဆူး ကြိုးတွေနဲ့ ကာရံပိတ်ဆို့ထားပါတယ်။ အိန္ဒိယ၀န်ကြီးချုပ် မန်မိုဟန်ဆင်းကတော့ လူထုကို ငြိမ်းငြိမ်း ချမ်းချမ်း အေးအေးဆေးဆေး နေကြဖို့နဲ့ ဒီဖြစ်ရပ်အပေါ် တရားဥပဒေအရ အရေးယူ ဆောင်ရွက်ပေး မှာ ဖြစ်ကြောင်း လူထုကို စကားပြောဆိုခဲ့ပါတယ်။
အိန္ဒိယအမျိုးသမီးတွေရဲ့ လုံခြုံစိတ်ချမှုရှိရေးအတွက် လုပ်ဆောင်ပေးနိုင်စရာ ရှိတာမှန်သမျှကို လုပ်ပေး မှာ ဖြစ်တဲ့ အကြောင်းလည်း ၀န်ကြီးချုပ် မန်မိုဟန်ဆင်းကပြောသွားပါတယ်။
အခုလို ကျောင်းသူလေး ရမ်းရမ်းကားကား တိုက်ခိုက်မှုခံခဲ့ရပြီးတဲ့နောက် အိန္ဒိယနိုင်ငံ တ၀ှမ်း ဒေါသ ထွက် ခဲ့ကြပြီး ဆန္ဒပြမှုတွေ ပေါ်ပေါက်ခဲ့တာပါ။ ဖမ်းဆီးထားတဲ့ အဓမ္မပြုကျင့်ခဲ့သူ ၆ ယောက်ကို သေဒဏ် အပြစ်ပေးဖို့ ဆန္ဒပြသူတွေက တောင်းဆိုနေကြပါတယ်။
From..ရွှေမြန်မာ
No comments:
Post a Comment