အမေရိကန်သံရုံးက ကားတစ်စီး
ဟာ မနေ့က ဘင်္ဂလာဒေခ်ျ့နိုင်ငံ ဒက္ကားမြို့တော်မှာ တိုက်ခိုက်ခံ
ခဲ့ရပါတယ်။လက်ရှိ အစိုးရကို အတိုက်အခံ ပြုလုပ်နေတဲ့ ပါတီ တွေထဲက ဒုတိယ အင်အား
အကြီးမားဆုံး ပါတီ တစ်ခု ဖြစ်တဲ့ ဂျာမတ် အစ္စလာမ်မစ်က ပြုလုပ်တဲ့ နိုင်ငံနဲ့
အ၀န်း အသွားအလာ ရပ်ဆိုင်းရေး တစ်ရက်တာ ခေါ်ယူတဲ့ သပိတ် အတွင်းမှာ ခုလို
တိုက်ခိုက်ခံခဲ့ရတာ ဖြစ်ပါတယ်။ဒီတိုက်ခိုက်မူကြောင့် ကားပေါ်မှာ ပါလာတဲ့ ဒရိုင်ဘာဟာ ပြင်းပြင်းထန်ထန် ဒဏ်ရာ ရရှိသွားပါတယ်။ အခုလို တိုက်ခိုက်တာကို အမေရိကန် သံရုံးက ပြင်းပြင်းထန်ထန် ကန့်ကွက်လိုက်ပြီး ဒီတိုက်ခိုက်မူဟာ နိုင်ငံတကာ မိသားစုတွေ အကုန်လုံးကို စော်ကားတဲ့ လုပ်ရပ်လို့ ပြောဆိုလိုက်ပါတယ်။
အမေရိကန် သံရုံး ပြောခွင့်ရသူ Kelly McCarthy က ဒီလုပ်ရပ်ကို ပြင်းပြင်းထန်ထန် ရှုတ်ချကြောင်းနဲ့ အမေရိကန် သံတမန်တွေ အပါအ၀င် နိုင်ငံတကာ သံတမန်တွေရဲ့ လုံခြုံရေးနဲ့ ပိုင်ဆိုင်မူတွေကို ကာကွယ်ပေးရေး အတွက် လုံခြုံရေး တိုးမြှင့်တာဝန်ယူပေးဖို့ တောင်းဆို လိုက်ပါတယ်။
အဲဒီ အမေရိကန် သံတမန်ကားဟာ လေယာဉ်ကွင်းကို သွားတဲ့ လမ်းမှာ တိုက်ခိုက်ခံရတာ ဖြစ်ပြီး ဒရိုင်ဘာ တစ်ဦးနဲ့ ရဲတွေ အများအပြား ဒဏ်ရာ ရတယ်လို့လည်း ပြောဆိုပါတယ်။ တိုက်ခိုက်သူတွေဟာ ကားကိုပါ မီးတင်ရှို့ဖို့ ကြိုးစားခဲ့ကြပြီး ရဲတွေ အချိန်မှီ ရောက်ရှိလာတဲ့ အတွက် အဲဒီ နေရာကနေ ထွက်ပြေးသွားခဲ့ကြတယ်လို့ ဆိုပါတယ်။
မနေ့က နိုင်ငံ အ၀န်း ခေါ်ယူတဲ့ တရက်တာ သပိတ် အတွင်း ဂျာမတ် အစ္စလာမ်မစ်နဲ့ အစ္စလာမ်မစ် ချိဘီလို့ ခေါ်တဲ့ လက်အောက်ခံ ကျောင်းသား အဖွဲ့ဝင်တွေက တိုက်ခိုက်ခဲ့တဲ့ အတွက် ဒါဇင်နဲ့ ချီတဲ့ ကားတွေ မီးလောင်ကျွမ်းခဲ့ပါတယ်။
ဘင်္ဂလာရဲအဖွဲ့နဲ့ လမ်းပေါ်ထွက် ဆန္ဒပြသူတွေအကြား တုတ်၊ အုတ်ခဲကျိုး စတာတွေနဲ့ ထိပ်တိုက် ရင်ဆိုင် တိုက်ခိုက်မူတွေလည်း ဖြစ်ပေါ်ခဲ့တဲ့ အတွက် ရာနဲ့ ချီတဲ့ လူတွေ ဒဏ်ရာ ရရှိခဲ့ပြီး တနိုင်ငံလုံးမှာ လူပေါင်း ၂၃၈ ဦး ဖမ်းဆီးခံခဲ့ရပါတယ်။
ဂျာမန် အစ္စလာမ်မစ် ပါတီက သူတို့ရဲ့ ပါတီ ထိပ်တန်း ခေါင်းဆောင်တွေကို ၁၉၇၁ ခုနှစ် ဘင်္ဂလာဒေခ်ျ့ လွှတ်လပ်ရေး အတွင်း ပါကိစ္စတန် စစ်သားတွေနဲ့ ပူးပေါင်းပြီး လူအများအပြားကို သတ်ဖြတ် ခဲ့တယ်လို့ စွပ်စွဲချက်နဲ့ ဘင်္ဂလာဒေခ်ျ့နိုင်ငံက ဖွဲ့စည်းထားတဲ့ နိုင်ငံတကာ စစ်ရာဇ၀တ်မူ ဆိုင်ရာ ခုံရုံးမှာ ဖမ်းဆီးထားပြီး တရားရုံးက များမကြာမှီ အမူကို ဆုံးဖြတ်မှာ ဖြစ်တာကြောင့် ဒါကို ကန့်ကွက်တဲ့ အနေနဲ့ ခုလို ဆန္ဒပြပွဲကို ပြုလုပ်တာ ဖြစ်တယ်လို့ သိရပါတယ်။
နောက်ဆုံး ရရှိတဲ့ သတင်းအရ အခုလို သံရုံးကားကို တိုက်ခိုက်တဲ့ အတွက် ဂျာမတ် အစ္စလာမ်မစ် ပါတီက အမေရိကန် သံရုံးကို တောင်းပန်လိုက်တယ်လို့ သူတို့ဝက်ဆိုက်မှာ ဖေါ်ပြထားတယ်လို့ သိရပါတယ်။
From : နိရဉ္စရာသတင်းဌာန
No comments:
Post a Comment