ရန်ကုန်မြို့ ဗိုလ်ချုပ်ဈေးအတွင်းရှိ လက်မှုပစ္စည်း အရောင်းဆိုင်တစ်ဆိုင်တွင် နိုင်ငံခြား ခရီးသွားများကို တွေ့ရစဉ်
မြန်မာနိုင်ငံသို့ ကမ္ဘာလှည့်ခရီးသည် ၀င်ရောက်မှု မြင့်တက်နေသောကြောင့် ပြည်တွင်းရှိ အချို့သော ရထား လမ်းပိုင်း များ၌ စင်းလုံးငှားစနစ်ဖြင့် အထူးရထားပြေးဆွဲခြင်း လုပ်ငန်းများကို လုပ်ကိုင်ဆောင်ရွက် သွားမည်ဖြစ်ကြောင်း သိရသည်။
မြန်မာနိုင်ငံသို့ နိုင်ငံခြားခရီးသွား ၀င်ရောက်မှုအနေဖြင့် ၂၀၁၄ ခုနှစ် ဧပြီလကုန်အထိ ခရီးသွား တစ်သန်းကျော် ၀င်ရောက်ခဲ့ကြောင်းနှင့် နိုင်ငံအလိုက် ၀င်ရောက်မှုများတွင် ထိုင်းနိုင်ငံသားမှာ ခြောက် သိန်းကျော်ဖြင့် အများဆုံးဖြစ်နေကြောင်း ဟိုတယ်နှင့်ခရီးသွားလာရေး ၀န်ကြီးဌာနမှ သိရသည်။
ကမ္ဘာလှည့် ခရီးသည်များအတွက် ပုဂံ-ကျောက်ပန်းတောင်း-ပုဂံလမ်းပိုင်း၌ စင်းလုံးငှားစနစ်ဖြင့် အထူး ရထား ပြေးဆွဲခြင်း လုပ်ငန်းများကိုပါ လုပ်ကိုင်ဆောင်ရွက်သွားမည်ဖြစ်ကြောင်းနှင့် ပြည်တွင်းရှိ စိတ်ပါဝင်စားသော လုပ်ငန်းရှင်များသို့ တင်ဒါခေါ်ယူထားကြောင်း ရထားပို့ဆောင်ရေး ၀န်ကြီးဌာနမှ သိရသည်။
“ကမ္ဘာ့လှည့်ခရီးသည်တွေ အနေနဲ့ ဥပမာ-ကျောက်ပန်းတောင်းကနေ ပုဂံကိုသွားမယ်။ လေ့လာမယ်။ ပြီးရင် လမ်းတစ်လျှောက်က ရှုခင်းတွေကို ဓာတ်ပုံရိုက်မယ်။ လေ့လာမယ် စသဖြင့် sideseen ပေါ့။ နေ့ချင်းပြန် သွားချင်တာမျိုးတွေရှိရင် အဆင်ပြေစေဖို့အတွက် ဒီလို စင်းလုံးငှားစနစ်နဲ့ အထူးရထား ပြေးဆွဲတဲ့လုပ်ငန်းကို လုပ်ကိုင်ခွင့်ပြုမှာပါ။ လုပ်ကိုင်ချင်တဲ့ ပြည်တွင်းကုမ္ပဏီတွေကိုလည်း တင်ဒါခေါ်ယူထားပါတယ်” ဟု ရထားပို့ဆောင်ရေး ၀န်ကြီးဌာနမှ တာဝန်ရှိသူတစ်ဦးက ပြောကြားခဲ့သည်။
ရထားပို့ဆောင်ရေးဝန်ကြီးဌာန၊ မြန်မာ့မီးရထား အနေဖြင့် ရထားစီး ခရီးသည်များအတွက် ၀န်ဆောင်မှု လုပ်ငန်း ပိုမိုဆောင်ရွက်ပေးနိုင်ရန် ပုဂ္ဂလိကနှင့် အကျိုးတူပူးပေါင်းကာ စင်းလုံးငှားစနစ်ဖြင့် ဆောင်ရွက် သွား မည်ဖြစ်သောကြောင့် လုပ်ငန်းလုပ်ကိုင်လိုသည့် ပြည်တွင်းမှ ပုဂ္ဂလိက အဖွဲ့အစည်း၊ ကုမ္ပဏီများ အနေဖြင့် တင်ဒါတင်သွင်းနိုင်ကြောင်း သိရသည်။
ပုဂံ-ကျောက်ပန်းတောင်း-ပုဂံလမ်းပိုင်း၌ ရေနွေးငွေ့စက်ခေါင်းဖြင့် ကမ္ဘာ့လှည့် ခရီးသည်များအား အထူ ရထား ပြေးဆွဲခြင်းလုပ်ငန်းအတွက် လုပ်ငန်းလုပ်ကိုင်ခွင့် သက်တမ်းကို သုံးနှစ်ခွင့်ပြုမည်ဖြစ်ပြီး တစ်နှစ် တစ်ကြိမ် စာချုပ်ချုပ်ဆို ငှားရမ်းသွားမည်ဖြစ်ကြောင်း ရထားပို့ဆောင်ရေး ၀န်ကြီးဌာနမှ သိရသည်။
အဆိုပါ လုပ်ငန်းများအတွက် တင်ဒါပုံစံများကို တင်ဒါစိစစ် ရွေးချယ်ရေးကော်မတီ (စီးပွားရေးဌာန)၊ မြန်မာ့ မီးရထားရုံးချုပ်၊ နေပြည်တော်ဘူတာကြီးသို့ ၂၀၁၄ ခုနှစ် ဇွန် ၆ ရက် နောက်ဆုံးထားပြီး ပေးပို့ရ မည်ဖြစ်ကြောင်း သိရသည်။
၂၀၁၄ ခုနှစ်အတွင်း မြန်မာနိုင်ငံသို့ ပြည်ပခရီးသွားသုံးသန်း ၀င်ရောက်မည်ဟု ခန့်မှန်းထားကြောင်းနှင့် မေ ၆ ရက်အထိ နိုင်ငံခြားခရီးသွား ၁ ဒသမ ၀၄ သန်းကျော်အထိ ၀င်ရောက်လာခဲ့ကြောင်း သိရသည်။ ယင်းကဲ့သို့ ၀င်ရောက်လာခဲ့သော ခရီးသွားများမှာ ဂျပန်၊ တရုတ်၊ ပြင်သစ်၊ ဂျာမနီစသည့် နိုင်ငံများနှင့် အမေရိကန်နိုင်ငံသားများလည်း ပါဝင်ကြောင်း ဟိုတယ်နှင့် ခရီးသွားလာရေး ၀န်ကြီးဌာနမှ သိရသည်။
၂၀၁၃ ခုနှစ်က မြန်မာနိုင်ငံသို့ နိုင်ငံခြားခရီးသွားဧည့်သည် ၀င်ရောက်မှုမှာ လေကြောင်းဖြင့် လာရောက်သူ ၈၈၅၄၇၆ ဦး၊ ရေကြောင်းဖြင့် လာရောက်သူ ၆၀၈၆ ဦးနှင့် နယ်စပ်မှတစ်ဆင့် လာရောက်သူ ၁၁၄၄၁၄၆ ဦးရှိခဲ့ကာ စုစုပေါင်း ခရီးသွားနှစ်သန်းကျော်အထိ ရှိခဲ့ကြောင်း သိရသည်။
Eleven Media Group
No comments:
Post a Comment