ညောင်လေးပင်မြို့တွင် တိုင်းရင်းသား ပြည်သူတစ်ရပ်လုံးလက်ခံသော ဖွဲ့စည်းပုံအခြေခံဥပဒေပေါ်ပေါက်ရေး လူ ၅၀၀ ကျော် ဆန္ဒပြ
ဧပြီ ၂၈ ရက် နံနက်ပိုင်းက ပဲခူးတိုင်းဒေသကြီး ညောင်လေးပင်မြို့တွင် တိုင်းရင်းသားပြည်သူတစ်ရပ်လုံး လက် ခံသော ဖွဲ့ စည်းပုံအခြေခံဥပဒေ ပေါ်ပေါက်ရေးအတွက် လက်ရှိအခြေခံဥပဒေကို ပြင်ဆင်ရေး လူ ၅၀၀ ကျော် ဆန္ဒပြတောင်းဆိုခဲ့ကြသည်။
၂၀၀၈ ဖွဲ့စည်းပုံအခြေခံဥပဒေပါ သမ္မတအရည်အချင်း သတ်မှတ်ချက် ပုဒ်မ ၅၉ (စ)၊ ၅၉ (ဃ)၊ ပြင်ဆင်ရန် ခက်ခဲအောင် ပြု လုပ်ထားသည့် ပုဒ်မ ၄၃၆ နှင့် ပုဒ်မ ၆ (ခ) တို့ကို လုံးဝအလိုမရှိကြောင်း၊ တိုင်းရင်းသားပြည်သူ တစ်ရပ်လုံး လက်ခံသော ဖွဲ့စည်းပုံအခြေခံဥပဒေ ပေါ်ပေါက်စေရေးနှင့် ပြည်သူ လူထု ရွေးကောက်တင်မြှောက်သော ခေါင်းဆောင်အစိုးရသာလျှင် အုပ်ချုပ်ခွင့်ရစေရေးတို့အတွက် ရည်ရွယ်ဆန္ဒပြခဲ့ခြင်းဖြစ်ကြောင်း သိရသည်။
"၂၀၀၈ ဖွဲ့စည်းပုံ အခြေခံဥပဒေကိုပြင်မှ ဒီမိုကရေစီအစစ်အမှန်ဆိုတာကို ပြည်သူတွေရမှာဗျ။ တိုင်းပြည် ကြီး ဆင်းရဲတွင်းနက်နေတာဟာ ဖွဲ့စည်းပုံအခြေခံဥပဒေပေါ်မှာ မူတည်တယ်။ ဒီဖွဲ့စည်းပုံအခြေခံဥပဒေက လူတစ်စုကောင်းစားရေးလောက်ကိုပဲကြည့်ပြီး ပြည်သူလူထုအတွက် ကြည့်ထားတာ ဘာမှမရှိတာကိုး" ဟု ဆန္ဒပြခေါင်းဆောင် ကိုအောင်ကျော်မိုးကဆိုသည်။
Eleven Media Group
No comments:
Post a Comment