သောက်သုံးရေ ရှားပါးမှု ကြုံတွေ့နေရသော ပြည်နယ်၊ တိုင်းဒေသကြီး အချို့ရှိ ရပ်ကွက်၊ ကျေးရွာများသို့ တပ်မတော်သားများက သောက် သုံးရေများ ဖြန့်ဝေ လှူဒါန်းပေးလျက်ရှိရာ ယနေ့တွင် နေပြည်တော်တိုင်း စစ်ဌာနချုပ်မှ တပ်မတော်သားများက ဇေယျာသီရိမြို့နယ် တဲကုန်းကျေးရွာသို့ သောက်သုံးရေ ၁၆ဝဝ ဂါလန် အားလည်းကောင်း၊ ဒိုးပင်ခုံကျေးရွာသို့ သောက်သုံးရေ ၄၂၃၅ ဂါလန်အား လည်းကောင်း၊ ရွှေတွင်း ကုန်း ကျေးရွာသို့ သောက်သုံးရေ ၁၇ဝဝ ဂါလန်အား လည်းကောင်း၊ အရှေ့တောင်တိုင်း စစ်ဌာနချုပ်မှ တပ်မတော် သားများက ဧပြီ ၂၇ ရက်တွင် ကော့ထော်ကျေးရွာသို့ သောက်သုံးရေ ၁၂၈ဝဝ ဂါလန်နှင့် ၅ ဂါလန်ဝင် ရေသန့်ဘူးကြီး ၃၅ဝ ဘူးအားလည်းကောင်း၊ ယနေ့ နံနက်ပိုင်းတွင် မွန်ပြည်နယ် သံဖြူဇရပ်မြို့၊ အောင်သာယာ ရပ်ကွက်သို့ သောက်သုံးရေ ၁၅၂ဝဝ ဂါလန်အား လည်းကောင်း၊ မုဒုံမြို့နယ် ကတုံးပေါ် ကျေးရွာနှင့် ဘလောက်-ညောင်ဝိုင်း ကျေးရွာများသို့ သောက်သုံးရေ ၆၄ဝဝ ဂါလန်နှင့် ၅ ဂါလန်ဝင် ရေသန့် ဘူးကြီး ၃ဝဝ ဘူးတို့အား လည်းကောင်း သွားရောက်ဖြန့်ဝေ လှူဒါန်းပေးသည်။
တောင်ပိုင်းတိုင်း စစ်ဌာနချုပ်မှ တပ်မတော်သားများက ယနေ့ နံနက်ပိုင်းတွင် ပဲခူးတိုင်း ဒေသ ကြီး၊ တောင်ငူမြို့နယ် ဘောင်းကြီးကျေးရွာ၊ ရွာသစ်ကျေးရွာ၊ နေပူကုန်းကျေးရွာ၊ ရေတာရှည်မြို့နယ် စိမ့်ဝိုင်း ကျေးရွာ၊ အုတ်တွင်းမြို့နယ် တောက်တဲ့ကျေးရွာများသို့ သောက်သုံးရေ ၆၅ဝဝ ဂါလန်အား လည်းကောင်း သွားရောက်ဖြန့်ဝေ လှူဒါန်းပေးသည်။
အဆိုပါ သောက်သုံးရေ ရှားပါးမှု ကြုံတွေ့နေရသော ရပ်ကွက်၊ ကျေးရွာများသို့ သောက်သုံးရေ လိုအပ်ချက် အပေါ် မူတည်၍ တပ်မတော်သားများက ဆက်လက်ပေးပို့ လှူဒါန်းသွားမည် ဖြစ်ကြောင်း သတင်း ရရှိ သည်။
မြ၀တီ
No comments:
Post a Comment