ရွှေနိုင်ငံ

မြန်မာသတင်းမီဒီယာသမားတချို့ တရုတ်ပြည်လေ့လာရေးခရီး သွားရောက် ပြည်ခိုင်ဖြိုးပါတီနဲ့ တရုတ်ပြည်ကွန်မြူနစ်ပါတီတို့ ပူးပေါင်း စီစဉ်မှုနဲ့ ပြည်တွင်းသတင်းမီဒီယာသမား တချို့ တရုတ်ပြည်လေ့ လာရေးခရီးစဉ်အဖြစ် မနေ့ညနေပိုင်းက ရန်ကုန်မြို့ကနေ စတင် ထွက်ခွာသွားပြီ ဖြစ်ပါတယ်။ ဒီခရီးစဉ်မှာ လျှပ်တစ်ပြက်ဂျာနယ်၊ နေပြည်တော်တိုင်းဂျာနယ်နဲ့ မန္တလေးတိုင်းဂျာနယ်စတဲ့ သတင်းမီဒီယာ ၁၁ ခု က သတင်းသမားတွေပါဝင်ကြပါတယ်။ ယခင် အစိုးရအဖွဲ့နဲ့နီးစပ်တဲ့ ခေါ်ဆောင်သွားတယ်ဆိုတဲ့ သတင်းတွေ လည်း ထွက်ပေါ်နေပါတယ်။

တရုတ်ပြည် လေ့လာရေးခရီးစဉ်အဖြစ် မီဒီယာသမားတွေကို စေလွှတ်တဲ့ကိစ္စနဲ့ ပတ်သက်ပြီး ပြည်ခိုင်ဖြိုး ပါတီ ဒုဥက္ကဌ ဦးဌေးဦးက RFA ကို အခုလိုပြောပါတယ်။

"တရုတ်နိုင်ငံမှာ ကျင့်သုံးနေတဲ့ နိုင်ငံရေးလမ်းကြောင်းနဲ့ ကျနော်တို့ မြန်မာနိုင်ငံမှာကျင့်သုံးနေတဲ့ နိုင်ငံရေး လမ်းကြောင်းက မတူပါဘူး၊ ကိုယ့်နိုင်ငံနဲ့ကိုယ် အကောင်းဆုံးဖြစ်တဲ့လမ်းကြောင်းကို ရွေးပြီးဆာင်ရွက်တာ ပဲဖြစ်ပါတယ်၊ အဲလိုဆောင်ရွက်တဲ့နေရာမှာ အခက်အခဲအတားအဆီးတွေ နေရာတိုင်းမှာရှိနိုင်ပါတယ်၊ ဒါကြောင့် ဒီလိုအတားအဆီးတွေကို ဘယ်လိုကျော်လွှားပြီးတော့မှ အောင်မြင်မှုရအောင် လုပ်နိုင်ခဲ့လဲ ဆိုတာလေးတွေကို လေ့လာဖို့အတွက်ပါ" တရုတ်ပြည်လေ့လာရေးခရီးစဉ်နဲ့ ပတ်သက်ပြီး အရင် အစိုးရ အဖွဲ့နဲ့ နီးစပ်တဲ့ဂျာနယ်တွေကိုပဲ ရွေးချယ်ခေါ်ဆောင်သွားတယ်လို့ သတင်းမီဒီယာ အသိုင်းအဝိုင်းမှာ ပြော ဆိုနေကြပါတယ်။

အမည်မဖော်လိုသူ အယ်ဒီတာတစ်ဦးကတော့ ပြည်ပကိုသွားတဲ့ သတင်းမီဒီယာသမားတွေအနေနဲ့ ဘယ် ပုံစံမျိုးနဲ့သွားသွား မြန်မာမီဒီယာဆိုတဲ့ခေါင်းစဉ်အောက်က သွားရောက်တာဖြစ်တာကြောင့် မီဒီယာ ကျင့်ဝတ်ကို လေးစားလိုက်နာဖို့ အထူးလိုအပ်တယ်လို့ ပြောပါတယ်။

RFA Burmese