Tuesday 7 August 2012

မြန်မာနိုင်ငံတွင် သုံးနှစ်အတွင်း စတော့ဈေးကွက် အကောင်အထည်

အခြားနိုင်ငံများတွင် စတော့ဈေးကွက်ကို ငါးနှစ်အချိန်ယူ၍ ဆောင်ရွက်ရသော်လည်း မြန်မာနိုင်ငံတွင် စတော့ဈေးကွက် သုံးနှစ် အတွင်း ပေါ်ပေါက်လာမည်ဖြစ်ကြောင်း ငွေကြေးကျွမ်းကျင် ပညာရှင်များထံမှ သိရသည်။ စတော့ဈေးကွက် ပေါ်ပေါက်လာစေရန် အဘက်ဘက်မှ ဝိုင်းဝန်းဆောင်ရွက် နေကြသည့်အတွက် ၂၀၁၅ ခုနှစ်တွင် စတော့ဈေးကွက် ဖြစ်ပေါ်လာမည်ဟု သက်ဆိုင်ရာ ပညာရှင်များက ဆိုလိုခြင်းဖြစ်သည်။
 မြန်မာနိုင်ငံအတွင်းရှိ စီးပွားရေး လုပ်ငန်းရှင်များသည် မိမိစီးပွားရေး လုပ်ငန်းများ တိုးချဲ့လုပ်ကိုင်လိုပါက အရင်းအနှီးအတွက် ဘဏ်များမှ ချေးယူနေရခြင်းများ ရှိနေကြောင်း၊ မြန်မာနိုင်ငံတွင် စတော့ဈေးကွက်   ဖြစ်ပေါ်လာပါက ကုမ္ပဏီ၏ ရှယ်ယာများကို ဈေးကွက်တွင် ရောင်းချခြင်းဖြင့် အရင်းအနှီး ရနိုင်တော့မည်ဖြစ်ရာ ဘဏ်တိုးနှုန်းပေး၍ ချေးယူရန် မလိုအပ်တော့ကြောင်း သိရသည်။ မြန်မာနိုင်ငံသို့ စတော့ဈေးကွက် ထူထောင်ရန်အတွက် လာရောက်ကမ်းလှမ်းသည့် ကုမ္ပဏီအများစုမှာ တရုတ်နှင့် ဂျပန်နိုင်ငံတို့မှဖြစ်ကြောင်း ၂၀၁၂ ခုနှစ် သြဂုတ်လ ၆ ရက်နေ့ထုတ် မြဝတီ သတင်းစာတွင်   ဖော်ပြထားပါသည်။

No comments:

Post a Comment