Friday 13 March 2015

ဗကသ ခေါင်းဆောင်တွေ ကို လိုက်လံ ဖမ်းဆီး

ဒီမိုကရေစီ ပညာရေးသပိတ် ကို ဦးဆောင်ခဲ့ တဲ့ ဗကသ ကျောင်းသား တချို့ ကြာသပေတေး ည သန်းခေါင်ကျော်မှာ အာဏာပိုင် တွေ ရဲ့ လာရောက် ဖမ်းဆီး တာ ခံခဲ့ရပါတယ်။
အလုံ မြို့နယ် အောင်ဇေယျာလမ်း ထဲ က လိပ်စာ ကို ရဲတွေ ကား ၂ စီး တိုက် ရောက်လာပြီး ဝင်ရောက် ဖမ်းဆီးတာ မှာ ဗကသ ဒုဥက္ကဌ မိုးထက်နေ ၊ ဗဟိုလုပ်ငန်း ကော်တီဝင် တွေ ဖြစ်တဲ့ မဟန်နီဦး၊ ကိုသီဟဝင်းတင် တို့နဲ့ အတူ၊ အဲဒီမှာ ရှိနေတဲ့ သတင်းသမား တစ်ဦး အပါအဝင် နောက်ထပ် ဗကသ ကျောင်းသား တစ်ဦး စု⁠စုပေါင်း ၅ ဦး အဖမ်း ခံခဲ့ ရပါတယ်။

ပြီးခဲ့တဲ့ အင်္ဂါနေ့ က လက်ပံတန်း သပိတ်စစ်ကြောင်း အင်အားသုံး ရိုက်နှက် ဖြိုခွင်း ခံခဲ့ရ ပြီး တဲ့နောက် ရှောင်တိမ်း နေရ တဲ့ အဆိုပါ ဗကသ ခေါင်းဆောင် တချို့ ရှိရာ အလုံ လိပ်စာ ကို ရဲတပ်ဖွဲ့ တွေ က အတိတကျ လာရောက် ပိတ်ဆို့ ဖမ်းဆီး ခဲ့တာ ဖြစ်တယ် ဆိုပြီး မျက်မြင် သက်သေ တစ်ဦး က ဘီ⁠ဘီစီ ကို ပြောပါတယ်။
ဖမ်းဆီးပြီး တဲ့နောက် အလုံ မြို့မ ရဲစခန်း ကို ခေါ်ဆောင် သွားခဲ့ကြပါတယ်။
ရဲစခန်း ရှေ့ ရောက်နေကြ တဲ့ ကျောင်းသားတွေ ရဲ့ မိဘ ဆွေမျိုးတွေ နဲ့ ဘီ⁠ဘီစီ စကားပြောခဲ့တာ မှာ တော့ ဘယ်လို ပုဒ်မ တပ်ပြီး ဖမ်းဆီး ခဲ့တာလဲ ၊ ဘယ် နေရာ တွေ ကိုထပ်ခေါ် သွားဦး မလဲ စတဲ့ အချက် တွေ ကို ရဲတွေ ဘက်က ဘာတစ်ခု မှ အတည်ပြု မပြောသေးဘူး ဆိုပြီး မဟန်နီဦး ရဲ့ ဖခင် ဦးထွန်းဦး က ပြော ပါတယ်။
လက်ပံတန်း သပိတ်စစ် ကြောင်း ကနေ ဖမ်းဆီး ခံခဲ့ရတဲ့ ကျောင်းသား
တချို့ တော့ မနေ့ က ပြန်လွတ် လာပါတယ်။
နောက်ကွယ် က ကြိုးကိုင်သူ တွေ အားပေးအားမြောက် ပြုလုပ် သူတွေ ကို ဥပဒေ အရ အရေး ယူမယ် ဆိုပြီး တော့လည်း ပြည်ထဲရေး ဌာန က ထုတ်ပြန် ထားပါတယ်။
BBC

No comments:

Post a Comment